મિર્ઝાપુર બન્યું મેક્સિકો! કાલિન ભૈયા ગોન, ગુડ્ડુ પંડિત ઓન; સિઝન 3નું ટ્રેલર રિલીઝ

• નવી સિઝનમાં રાજનીતિ, ડ્રામા અને રક્તપાતનું ભરપૂર મિશ્રણ

નવી દિલ્હી, 20 જૂન: છેલ્લા બે વર્ષથી ચાહકો ‘મિર્ઝાપુર સિઝન 3‘ની આતુરતાથી રાહ જોઈ રહ્યા છે. થોડા દિવસો પહેલા, આ શોનું ટીઝર રિલીઝ થયું હતું, જેમાં ‘બાબુ જી’ (કુલભૂષણ ખરબંદા)ના અવાજે કહ્યું હતું કે ‘સિંહ હજી ઘાયલ છે, પરંતુ ચોક્કસ પાછો આવશે’. હવે આ સિરીઝનું દમદાર ટ્રેલર આજે ગુરુવારે રિલીઝ થઈ ગયું છે. ‘મિર્ઝાપુર’ સિરીઝ તેની રાજનીતિ, ડ્રામા અને રક્તપાત માટે જાણીતી છે. ટ્રેલર પરથી સ્પષ્ટ થાય છે કે, નવી સિઝનમાં પણ તમને આ બધી વસ્તુઓનું ભરપૂર મિશ્રણ સાથે જોવા મળશે.

મિર્ઝાપુર બની ગયું મેક્સિકો 

ટ્રેલરની શરૂઆત નેતાજી તેમના ભાષણની પ્રેક્ટિસ કરતાની સાથે થાય છે. તેમનું કહેવું છે કે, નિર્દોષ જાન અને સંપત્તિના નુકસાનને કારણે તેમનું હૃદય કોરોનાથી ભરાઈ ગયું છે. આ પછી એન્ટ્રી થાય છે ગુડ્ડુ પંડિત એટલે કે અલી ફઝલ, જે મિર્ઝાપુરની ગાદી પર બેસીને રાજ કરવા માટે તૈયાર છે. હાથમાં મોટો હથોડો લઈને ગુડ્ડુ પંડીતે ચાર રસ્તા પર સ્થાપિત કાલિન ભૈયા (પંકજ ત્રિપાઠી)ની પ્રતિમાને તોડી નાખી છે. કાલિન ભૈયાની મેહરૂ બીના ત્રિપાઠી (રસિકા દુગ્ગલ) હવે ગુડ્ડુ સાથે છે. તેથી ગોલુ ગુપ્તા (શ્વેતા ત્રિપાઠી) કંઈક મોટું કરવાનું વિચારી રહી છે.

ગુડ્ડુ પંડિતે છેલ્લી સિઝનમાં મોટું કૌભાંડ કર્યા બાદ ઘણા દુશ્મનો બનાવ્યા છે. હવે કાલીન ભૈયાની સેના તેની પાછળ લાગી ગઈ છે. માધુરી યાદવ, છોટે શુક્લા સહિત અન્યો કાલીન ભૈયાની છબી જાળવી રાખવાનો પ્રયાસ કરી રહ્યા છે. દરેકનો હેતુ સ્પષ્ટ છે – ગુડ્ડુ પંડિતનો ખાત્મો. જ્યારે બીના ત્રિપાઠી હવે ગુડ્ડુની નજીકની મિત્ર બની ગઈ છે. આ ટ્રેલરમાં રાજકારણની સાથે-સાથે એક્શન, ષડયંત્ર, વિશ્વાસઘાત અને ઘણા ટ્વિસ્ટ એન્ડ ટર્ન્સ છે, જે તમને આવનારી સિઝન જોવા માટે ઉત્સાહથી ભરી દેશે. આ વખતે પણ શોમાં જબરદસ્ત રક્તપાત થવાનો છે.

મિર્ઝાપુરની સ્ટાર કાસ્ટ 

‘મિર્ઝાપુર 3’ એક્સેલ મીડિયા એન્ડ એન્ટરટેઈનમેન્ટના પ્રોડક્શન બેનર હેઠળ બનાવવામાં આવી છે. તેના નિર્દેશક ગુરમીત સિંહ અને આનંદ અય્યર છે. આ શોમાં પ્રશંસકોના મનપસંદ પંકજ ત્રિપાઠી, અલી ફઝલ, શ્વેતા ત્રિપાઠી શર્મા, રસિકા દુગ્ગલ, વિજય વર્મા, ઈશા તલવાર, અંજુમ શર્મા, પ્રિયાંશુ પેન્યુલી, હર્ષિતા શેખર ગૌર, રાજેશ તૈલંગ, શીબા ચઢ્ઢા, મેઘના  મલિક અને મનુ ઋષિ ચઢ્ઢા જેવા તેજસ્વી કલાકારો જોવા મળશે. આ દસ એપિસોડની સિરીઝ 5 જુલાઈ, 2024થી પ્રાઇમ વીડિયો પર રિલીઝ થશે.

આ પણ જુઓ: બિગ બોસ OTT ૩ : એક પત્રકાર સહિત આ 14 સ્પર્ધકોની થશે એન્ટ્રી, જુઓ યાદી