બુલડોઝર એક્શન પર SCના નિર્ણય બાદ મંત્રી OP રાજભરે આપી પ્રતિક્રિયા, કહ્યું: સરકારનો ઈરાદો…

• સુપ્રીમ કોર્ટે સરકારના બુલડોઝર એક્શનને ગેરબંધારણીય ગણાવ્યું

નવી દિલ્હી, 13 નવેમ્બર: સુપ્રીમ કોર્ટે રાજ્ય સરકારો દ્વારા ગુનાના આરોપીઓની મિલકતોને તોડી પાડવા માટે લેવામાં આવતા “બુલડોઝર એક્શન” પર આજે બુધવારે પોતાનો મહત્ત્વપૂર્ણ ચુકાદો આપ્યો છે. સરકારની આ મનસ્વી કાર્યવાહી પર સુપ્રીમ કોર્ટે પ્રતિબંધ મૂક્યો છે. હવે યોગી સરકારના મંત્રી અને સુભાષપા પ્રમુખ ઓમ પ્રકાશ રાજભરે સુપ્રીમ કોર્ટના આ નિર્ણય પર પોતાની પ્રતિક્રિયા આપી છે. તેમણે કહ્યું છે કે, “સરકારનો ઇરાદો ઘર તોડવાનો નથી.”

ચુકાદો આપતી વખતે, સુપ્રિમ કોર્ટે કહ્યું કે, તેણે બંધારણ હેઠળ બાંયધરીકૃત અધિકારોને ધ્યાનમાં લીધા છે જે રાજ્યની મનસ્વી કાર્યવાહીથી વ્યક્તિઓને રક્ષણ પૂરું પાડે છે. કાયદાનું શાસન એ સુનિશ્ચિત કરવા માટે એક માળખું પૂરું પાડે છે કે વ્યક્તિઓ જાણે છે કે મિલકત મનસ્વી રીતે છીનવી લેવામાં આવશે નહીં. મનસ્વી રીતે મકાનો તોડી પાડવા એ કાયદાનું ઉલ્લંઘન છે.

#WATCH | Lucknow: Uttar Pradesh Minister Om Prakash Rajbhar says, “The whole country welcomes the decision of the Supreme Court, the government welcomes it, the opposition also welcomes it. The government does not intend to demolish anyone’s house. If a criminal has acquired… pic.twitter.com/p5Y8LaRQcP

— ANI (@ANI) November 13, 2024

ખાનગી મકાનો તોડવામાં આવતા નથી: મંત્રી

મંત્રી ઓમપ્રકાશ રાજભરે કહ્યું કે, “સુપ્રીમ કોર્ટના નિર્ણયનું આખો દેશ સ્વાગત કરે છે, સરકાર પણ કરે છે અને વિપક્ષ પણ કરે છે. સરકાર કોઈનું ઘર તોડી પાડવાનો ઈરાદો ધરાવતી નથી. જો કોઈ ગુનેગારે ગેરકાયદેસર મિલકત મેળવી હોય અને સરકારી જમીન પર કોઈ ઘર બાંધવામાં આવ્યું હોય તો તે ખાલી કરાવવામાં આવે છે, સરકાર ક્યારેય કોઈની ખાનગી જમીન પર બનેલા મકાનને તોડી પાડતી નથી.

જ્યારે સુપ્રીમ કોર્ટે કહ્યું કે, રાજ્ય અને તેના અધિકારીઓ મનસ્વી પગલાં ન લઈ શકે. કાર્યપાલિકા કોઈ વ્યક્તિને દોષિત જાહેર કરી શકતી નથી અને ન તો તે જજ બનીને કોઈ આરોપી વ્યક્તિની સંપત્તિને તોડી પાડવાનો નિર્ણય લઈ શકે છે. ઘર તોડી પાડવાના મુદ્દે સુપ્રીમ કોર્ટે કહ્યું કે, કાર્યકારી અધિકારી ન્યાયાધીશ ન બની શકે, આરોપીને દોષિત જાહેર ન કરી શકે અને તેનું મકાન તોડી શકે નહીં. કોર્ટે કહ્યું કે, જો લોકોના ઘરો માત્ર એટલા માટે તોડી પાડવામાં આવે છે કે તેઓ આરોપી અથવા દોષિત છે તો તે સંપૂર્ણપણે ગેરબંધારણીય છે. બંધારણ અને ફોજદારી કાયદા અનુસાર, આરોપી અને દોષિતોને પણ કેટલાક અધિકારો છે. કોર્ટે મિલકતો તોડી પાડવા અંગે અખિલ ભારતીય માર્ગદર્શિકા નિર્ધારિત કરી છે.

આ પણ જૂઓ: આરોપીઓના ઘર ઉપર બુલડોઝર કાર્યવાહીને સુપ્રીમ કોર્ટે અયોગ્ય ગણાવીઃ જાણો ચુકાદાના મુખ્ય મુદ્દા