કોલકાતા કેસ પર પોસ્ટ કરવા બાબતે મિમી ચક્રવર્તીને મળી રેપની ધમકી

કોલકાતા – 21 ઑગસ્ટ :   હાલમાં કોલકાતામાં ટ્રેઇની ડોક્ટર સાથે રેપ અને હત્યા કેસને લઈને દેશભરના લોકોમાં ગુસ્સો છે. ઘણી જગ્યાએ આનો વિરોધ થઈ રહ્યો છે. તૃણમૂલ કોંગ્રેસના ભૂતપૂર્વ સભ્ય અને અભિનેત્રી મિમી ચક્રવર્તીએ પણ આ કેસને લઈને X (અગાઉ ટ્વિટર) પર એક પોસ્ટ શેર કરી હતી, જેના પછી તેને બળાત્કારની ધમકીઓ અને અશ્લીલ મેસેજ મળી રહ્યા છે. આ માહિતી આપતી વખતે અભિનેત્રીએ સોશિયલ મીડિયા પર કટાક્ષ કરી છે.

AND WE ARE DEMANDING JUSTICE FOR WOMEN RIGHT????
These are just few of them.
Where rape threats has been normalised by venomous men masking themselves in the crowd saying they stand by women.What upbringing nd education permits this????@DCCyberKP pic.twitter.com/lsU1dUOuIs

— Mimi chakraborty (@mimichakraborty) August 20, 2024

મિમીને ધમકીઓ મળી રહી છે
ટ્વિટર પર સ્ક્રીનશોટ શેર કરીને, કોલકાતા પોલીસના સાયબર સેલને ટેગ કરીને, તેણે લખ્યું, “અને અમે મહિલાઓ માટે ન્યાયની માંગ કરી રહ્યા છીએ, ખરું ને? તેમાંથી થોડીક જ (મહિલાઓ આંદોલન કરી રહી) છે. જ્યાં બળાત્કારની ધમકીઓ ખૂબ જ સામાન્ય બની ગઈ છે. દરેક જણ ભીડમાં માસ્ક પાછળ છુપાયેલ છે અને બધાની સામે કહે છે કે તેઓ મહિલાઓ સાથે ઉભા છે. કયું ઉછેર અને શિક્ષણ આને મંજૂરી આપે છે?”

મિમીએ વિરોધ પ્રદર્શનમાં ભાગ લીધો હતો
મિમી  અભિનેત્રી તો છે જ પરંતુ ભૂતકાળમાં તે નેતા પણ રહી ચૂકી છે, તેથી જ્યારે તેને આવી ધમકીઓ મળે છે ત્યારે દરેકને આશ્ચર્ય થાય છે. મિમીની પોસ્ટ પર એક યુઝરે લખ્યું, “પૂર્વ સાંસદને રેપની ધમકીઓ મળી રહી છે, આ મહિલાઓની અસુરક્ષા અંગે ચિંતાજનક ચેતવણી છે.” આ સિવાય ઘણા લોકોએ મહિલાઓની સુરક્ષા વિશે વાત કરી છે.

ઉલ્લેખનીય છે કે મિમી ચક્રવર્તી એક અભિનેત્રી છે અને તે 2019 થી 2024 સુધી જાદવપુર લોકસભા સીટથી સાંસદ રહી ચુકી છે. તે સોશિયલ મીડિયા પર ખૂબ જ એક્ટિવ રહે છે અને ગંભીર મુદ્દાઓ પર પોતાનો અભિપ્રાય વ્યક્ત કરે છે. મીમીએ 14 ઓગસ્ટના રોજ કોલકાતામાં એક ટ્રેઇની ડોક્ટર સાથે બળાત્કાર અને હત્યા કેસના વિરોધમાં ભાગ લીધો હતો, ત્યારબાદ તેને ધમકીઓ મળી રહી છે.

મિમી ઉપરાંત અન્ય જાણીતી હસ્તીઓએ પણ આ પ્રદર્શનમાં ભાગ લીધો હતો. અભિનેત્રી અરિંદમ સિલ અને મધુમિતા સરકાર પણ આ વિરોધનો ભાગ હતી. આ મામલાને લઈને બોલિવૂડમાં પણ ઉદાસી અને ગુસ્સો જોવા મળી રહ્યો છે. ‘ધ કાશ્મીર ફાઇલ્સ’ના ડિરેક્ટર વિવેક અગ્નિહોત્રીએ પણ લોકોને આ કેસ સામે લડવાની અપીલ કરી છે.

આ પણ વાંચો : અમદાવાદ: અસારવા તથા સોલા સિવિલમાં મોટા ભાગના ઓપરેશન રદ, દર્દીઓ મુશ્કેલીમાં મુકાયા