મિલિંદ સોમણે પત્ની સાથે મહાકુંભમાં કર્યું સ્નાન, પૂનમ પાંડેએ પણ લગાવી ડૂબકી
- મિલિંદ સોમણે પત્ની સાથે મહાકુંભના ત્રિવેણી સંગમમાં પવિત્ર સ્નાન કર્યું હતું. અભિનેતાએ આ સફરની તસવીરો સોશિયલ મીડિયા પર શેર કરી છે
HD ન્યુઝ ડેસ્કઃ પ્રયાગરાજના મહાકુંભમાં દેશ-વિદેશથી શ્રદ્ધાળુઓ આવી રહ્યા છે. આ દરમિયાન ફિલ્મી હસ્તીઓમાં પણ ભક્તિ ભાવ જોવા મળી રહ્યો છે. ડાન્સ કોરિયોગ્રાફર રેમો ડિસોઝા અને હેમા માલિની બાદ હવે ફેમસ એક્ટર મિલિંદ સોમણ પણ મહાકુંભમાં પહોંચી ગયા છે. મિલિંદ સોમણે પત્ની સાથે મહાકુંભના ત્રિવેણી સંગમમાં પવિત્ર સ્નાન કર્યું હતું. અભિનેતાએ આ સફરની તસવીરો સોશિયલ મીડિયા પર શેર કરી છે. આ સિવાય ઈન્ટરનેટ સેન્સેશન અને એક્ટ્રેસ-મોડલ પૂનમ પાંડે પણ મહાકુંભમાં પહોંચી હતી.
મિલિંદ સોમણે મહાકુંભ યાત્રાની તસવીરો શેર કરી
મિલિંદે પોતાના ઈન્સ્ટાગ્રામ પર મહાકુંભ સ્નાનની તમામ તસવીરો શેર કરીને ખૂબ જ પ્રશંસા મેળવી છે. અભિનેતાને પીળી ધોતી અને રુદ્રાક્ષની માળા પહેરેલો જોઈ શકાય છે. તેણે હાથમાં કળશ પકડ્યો છે અને તેની સાથે તેની પત્ની અંકિતા કુંવર પણ જોવા મળી રહી છે. અંકિતાએ હાથમાં પૂજાની થાળી પકડી છે. સિમ્પલ સૂટ પહેરીને તે એકદમ સાદગીભરી સ્ટાઈલમાં જોવા મળી હતી. મિલિંદ અને તેની પત્ની અંકિતાએ ત્રિવેણી સંગમમાં સ્નાન કર્યું છે. બેકગ્રાઉન્ડમાં અન્ય ભક્તો પણ જોઈ શકાય છે.
View this post on Instagram
આ યુગલ સંગમના કિનારે ભક્તિભાવમાં જોવા મળે છે. તેઓ ત્રિવેણી સંગમમાં ફૂલ અર્પણ કરીને સૂર્ય નમસ્કાર કરી રહ્યા છે. ઉલ્લેખનીય છે કે, મૌની અમાવસ્યાના શુભ અવસર પર મિલિંદ અને અંકિતાએ મહાકુંભમાં પવિત્ર સ્નાન કર્યું હતું. અભિનેતાએ ઈન્સ્ટાગ્રામ પર તસવીરો પોસ્ટ કરી અને કેપ્શનમાં લખ્યું છે કે આ સમયે મારું હૃદય કેટલું ભક્તિથી ભરેલું છે તે વ્યક્ત કરવા માટે મારી પાસે શબ્દો નથી! મહાકુંભ અને તે પણ મૌની અમાવસ્યાના શુભ મુહૂર્તમાં આવવાની તક મળવી એ મારી સમજની બહાર છે…આ એવી ક્ષણો છે જે આપણને આપણા અત્યંત મહત્ત્વહીન અસ્તિત્વના મહત્ત્વનો અહેસાસ કરાવે છે. આ સાથે અભિનેતાએ મહાકુંભમાં નાસભાગને કારણે ભક્તોના મોત પર પણ શોક વ્યક્ત કર્યો હતો.
View this post on Instagram
પૂનમ પાંડેએ કર્યું પવિત્ર સ્નાન
આ ઉપરાંત પોતાની તસવીરો અને વીડિયોથી ઈન્ટરનેટ પર ધૂમ મચાવનાર મોડલ પૂનમ પાંડેએ પણ મહાકુંભના શુભ અવસરનો લાભ લીધો હતો. તેણે આ સફરની ઘણી તસવીરો અને વીડિયો ઈન્સ્ટાગ્રામ પર શેર કર્યા છે. અભિનેત્રી મૌની અમાવસ્યાના અવસર પર પ્રયાગરાજમાં પહોંચી હતી. પૂનમ પાંડેએ મહાકુંભમાં સંગમના કિનારે સ્નાન કર્યું અને થોડો સમય નૌકાવિહાર પણ કર્યો. તેના ફોટા પોસ્ટ કરતી વખતે તેણે ઈન્સ્ટા પર લખ્યું કે, ‘મારા બધા પાપો ધોવાઈ ગયા છે’. અભિનેત્રીની આ તસવીરો પર ફેન્સ જોરદાર કોમેન્ટ કરી રહ્યા છે. કોઈએ પૂનમ પાંડેના મિજાજના વખાણ કર્યા તો કોઈએ મજાક ઉડાવી.
આ પણ વાંચોઃ શું આ બિગ બોસ બ્યુટી ક્રિકેટર મોહમ્મદ સિરાજને કરી રહી છે ડેટ? અભિનેત્રીની માતાએ જણાવ્યું સત્ય
