Skype નહિ ચલાવી શકે યુઝર્સ, આ દિવસે બંધ થશે સર્વિસ; Microsoftએ લીધો મોટો નિર્ણય
HD ન્યુઝ ડેસ્ક : Skype યુઝર્સ માટે મોટા સમાચાર છે. માઇક્રોસોફ્ટે જાહેરાત કરી છે કે તે તેના પ્લેટફોર્મને બંધ કરવા જઇ રહ્યું છે. હવે કંપની માઈક્રોસોફ્ટ ટીમ્સ પર ધ્યાન કેન્દ્રિત કરશે અને 5 મેના રોજ Skype સંપૂર્ણપણે બંધ થઈ જશે. કંપનીએ કહ્યું છે કે Skypeના હાલના યુઝર્સ ટીમ્સ પ્લેટફોર્મ પર શિફ્ટ થઈ શકે છે. તેમને સ્કાયપે ડેટા શિફ્ટ કરવાનો વિકલ્પ પણ આપવામાં આવી રહ્યો છે. ટીમ્સ લૉન્ચ થઈ ત્યારથી જ કંપની પોતાના યુઝર્સને આ પ્લેટફોર્મ પર આવવા માટે કહી રહી હતી. માઈક્રોસોફ્ટે કહ્યું કે ટીમ્સમાં Skypeના તમામ ફિચર્સ છે અને તેમાં એડિશનલ કેપેબિલિટિઝ પણ આપવામાં આવી છે.
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો >>>
https://chat.whatsapp.com/LuLIACK4WTYDPGdlAsSGrD
https://chat.whatsapp.com/FU8bgMOynfgJl4wCoEeiJw
https://chat.whatsapp.com/K2iNelyylPD9ZoDNpMuN9o
કંપની યુઝર્સને આ સુવિધા પૂરી પાડે છે
માઈક્રોસોફ્ટે કહ્યું છે કે Skype યુઝર્સ તેમના હાલના ઓળખપત્રો સાથે માઈક્રોસોફ્ટ ટીમમાં લોગઈન કરી શકે છે અને તે સંપૂર્ણપણે ફ્રી હશે. સ્કાયપે યુઝર્સને ટીમ પર કૉલ કરવા, મેસેજ મોકલવા, ફાઇલો શેર કરવા, મીટિંગ્સ હોસ્ટ કરવા અને કોમ્યુનિટ સહિતની તમામ સુવિધાઓ મફતમાં મેળવવાનું ચાલુ રાખશે. જો કોઈ Skype યુઝર તેના હાલના ક્રેડેંશિયલ સાથે ટીમ્સમાં લૉગ ઇન કરે છે, તો તેની ચેટ્સ અને સંપર્કો આપમેળે અહીં દેખાશે. આનો અર્થ એ છે કે યુઝર્સ તે જ જગ્યાએથી ટીમમાં લૉગ ઇન કરી શકે છે જ્યાંથી તેઓએ Skypeમાંથી લૉગ આઉટ કર્યું હતું.
સ્કાયપે અને ટીમ બંનેનો ઉપયોગ કરી શકાય છે
યુઝર્સ પાસે સ્કાયપેની સાથે ટીમ્સનો ઉપયોગ કરવાનો વિકલ્પ પણ છે. બંને પ્લેટફોર્મનો ઉપયોગ 5 મે સુધી કરી શકાશે. Skype 5 મેના રોજ ગુડબાય કહેશે અને યુઝર્સ પાસે માત્ર ટીમ્સનો વિકલ્પ જ રહેશે. ઉલ્લેખનીય છે કે કંપનીએ નવા યુઝર્સ માટે સ્કાઈપની પેઈડ સર્વિસ બંધ કરી દીધી છે. તેમાં સ્કાયપે ક્રેડિટ અને કોલિંગ સબસ્ક્રિપ્શન વગેરેનો સમાવેશ થાય છે. હાલના સબ્સ્ક્રાઇબર્સ તેમની નવીકરણ અવધિ સુધી ક્રેડિટ અને પ્લાનનો ઉપયોગ કરી શકશે. માઈક્રોસોફ્ટે કહ્યું છે કે 5 મે પછી પણ પેઈડ યુઝર્સ વેબ પોર્ટલ દ્વારા સ્કાઈપ ડાયલ પેડને એક્સેસ કરી શકશે.
આ પણ વાંચો : લાભાર્થી તરીકે તમને બેંકને પડકારવાનો અધિકાર નથીઃ સુપ્રીમ કોર્ટનો અત્યંત મહત્ત્વપૂર્ણ ચુકાદો
