મિયા ખલીફા હશે બિગ બોસમાં સૌપ્રથમ વાઈલ્ડ કાર્ડ એન્ટ્રી કરનાર કન્ટેસ્ટન્ટ ? જાણો હકીકત

બિગ બોસ સિઝન 16 શરૂ થયાને 50 દિવસથી વધુ સમય થઈ ગયો છે. દરેક વ્યક્તિ એ જાણવા માટે ઉત્સુક છે કે શોનો પહેલો વાઈલ્ડ કાર્ડ એન્ટ્રી કોણ હશે ? જો કે આપણે તો શું, હવે ઘરના લોકો નવો ચહેરો જોવા તડપતા હોય છે. ઘણા લોકો દ્વારા અફવાઓ ઉડી રહી છે, પરંતુ હાલમાં જ દર વર્ષની જેમ એવું કહેવામાં આવી રહ્યું છે કે એડલ્ટ મૂવી સ્ટાર મિયા ખલીફા રિયાલિટી શોમાં એન્ટ્રી કરશે. પરંતુ આ અફવા હવે મિયા સુધી પણ પહોંચી છે. જેને સાંભળીને અભિનેત્રીએ પણ પ્રતિક્રિયા આપી છે, હવે તેનું ટ્વીટ વાયરલ થઈ રહ્યું છે.

મિયાએ બિગ બોસમાં આવવા અંગે શું કહ્યું ?

બિગ બોસમાં એન્ટ્રી માટે હવે ફરી એકવાર મિયાનું નામ સોશિયલ મીડિયા પર ચર્ચામાં છે. આ સાથે જ તેમનું એક જૂનું ટ્વિટ પણ વાયરલ થઈ રહ્યું છે. જ્યાં મિયાએ બિગ બોસમાં આવવાની તમામ અટકળો પર પૂર્ણવિરામ મૂકી દીધું હતું. વધુમાં જેણે પણ આ અફવા ફેલાવી હતી, તેણે તેને નોકરીમાંથી કાઢી મૂકવાનું કહ્યું હતું. મિયાએ લખ્યું હતું- ચાલો એક વાત ક્લિયર કરીએ. હું ક્યારેય ભારતમાં પગ મૂકવાનો નથી. તેથી જેણે કહ્યું છે કે મેં બિગ બોસમાં આવવા માટે રસ દાખવ્યો છે, તેને નોકરીમાંથી કાઢી મૂકવો જોઈએ.

વર્ષ 2015માં પણ મિયા ખલીફાનું નામ ટ્રેન્ડમાં આવ્યું હતું

ઉલ્લેખનીય છે કે, આ પહેલીવાર નથી કે જ્યારે મિયા ખલીફા રિયાલિટી શોનો ભાગ હોવાની અફવાઓ ઉડી હોય. આ પહેલા પણ મિયા બિગ બોસમાં એન્ટ્રી લેશે તેવા સમાચાર ઘણી વખત ફેલાઈ ચૂક્યા છે. વર્ષ 2015માં પણ મિયા ખલીફાનું નામ ટ્રેન્ડમાં આવ્યું હતું. એવું પણ કહેવામાં આવ્યું હતું કે બિગ બોસના નિર્માતાઓએ મિયાનો સંપર્ક કર્યો છે, જેથી તે શોમાં જોડાઈ શકે. પરંતુ મિયાએ દરેક વખતે સામેથી આ સમાચારને નકારી કાઢ્યા.

સૌપ્રથમ કોણ વાઈલ્ડ કાર્ડ તરીકે પ્રવેશ કરશે તેની રાહ

મહત્વનું છે કે, આ ટ્વીટ 2015ની એટલે કે 7 વર્ષ જૂની હોઈ શકે છે, પરંતુ જ્યારે પણ મિયાના શોમાં આવવાની અફવા ફેલાઈ છે ત્યારે ફેન્સ પોતે જ આ ટ્વીટને વાયરલ કરવા લાગે છે. જેના કારણે તેના બિગ બોસમાં જોડાવાની અફવા ખોટી સાબિત થાય છે. મહત્વનું છે કે, તાજેતરમાં જ ટીવી એક્ટર ફહમાન ખાન આ શોનો ભાગ બન્યો હતો. તે માત્ર એક દિવસ માટે આવ્યો હતો, પરંતુ બધાને લાગ્યું કે તે સિઝનની પ્રથમ વાઇલ્ડ કાર્ડ એન્ટ્રી છે. તેમના જવાથી સૌના ચહેરા પર નિરાશા હતી. પરંતુ શોની અડધી સિઝન પુરી થઈ ગયા બાદ સૌપ્રથમ કોણ વાઈલ્ડ કાર્ડ તરીકે પ્રવેશ કરશે તેની રાહ જોઈ રહ્યા છે.