મલિંગાના ‘ક્લોન’નું ડેબ્યૂ નિશ્ચિત! જાણો મુંબઈ ઈન્ડિયન્સની સંભવિત પ્લેઈંગ 11
15 માર્ચ, 2024: IPL 2024 શરૂ થવામાં હવે લગભગ એક સપ્તાહ બાકી છે. લીગની પ્રથમ મેચ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે 22 માર્ચે રમાશે. મુંબઈ ઈન્ડિયન્સ તેની પ્રથમ મેચ 24 માર્ચે ગુજરાત ટાઈટન્સ સામે રમશે.
હાર્દિકની કેપ્ટનશિપમાં પણ ઓપનિંગમાં કોઈ ફેરફાર નહીં થાય!
આ સિઝનમાં મુંબઈ ઈન્ડિયન્સની કમાન રોહિત શર્માને બદલે હાર્દિક પંડ્યાના હાથમાં છે. હાર્દિકની કેપ્ટનશીપમાં પણ ઓપનિંગ સ્લોટમાં કોઈ ફેરફાર કરવામાં આવશે નહીં. હિટમેન રોહિત શર્મા અને વિકેટકીપર બેટ્સમેન ઈશાન કિશન ઇનિંગની શરૂઆત કરશે. આ પછી તિલક વર્મા અને પછી સૂર્યકુમાર યાદવ રમતા જોવા મળશે.
Malinga banne ka tareeka bohot 𝒌𝒆𝒛𝒖𝒂𝒍 hai Ishan Bhai 🤣💙#OneFamily #MumbaiIndians @ishankishan51 @malinga_ninety9 pic.twitter.com/3oOk4gjbVR
— Mumbai Indians (@mipaltan) March 15, 2024
કેપ્ટન હાર્દિક પંડ્યા પાંચમા નંબર પર રમી શકે છે. જો કે હાર્દિકે ગુજરાત માટે મોટાભાગે ચોથા નંબર પર બેટિંગ કરી હતી, પરંતુ મુંબઈમાં તે પાંચમા નંબર પર રમતા જોવા મળશે. આ પછી ઓસ્ટ્રેલિયાના ટિમ ડેવિડ અને અફઘાનિસ્તાનના મોહમ્મદ નબી ફિનિશરની ભૂમિકા ભજવી શકે છે.
મલિંગાનું ડેબ્યૂ ‘ક્લોન’ નક્કી!
લસિથ મલિંગા જેવી એક્શન સાથે બોલિંગ કરનાર નુવાન તુશારાને પહેલી જ મેચમાં પ્લેઈંગ ઈલેવનમાં તક મળી શકે છે. આ બોલરને મુંબઈએ હરાજીમાં મોટી રકમમાં ખરીદ્યો હતો. તેની સાથે સ્ટાર ફાસ્ટ બોલર જસપ્રિત બુમરાહ અને જેસન બેહરનડોર્ફ ફાસ્ટ બોલિંગ વિભાગને સંભાળી શકે છે. જ્યારે સ્પિન વિભાગની જવાબદારી પિયુષ ચાવલા અને નબીના ખભા પર રહેશે.
મુંબઈ ઈન્ડિયન્સની સંભવિત પ્લેઈંગ ઈલેવન
ઈશાન કિશન (વિકેટકીપર), રોહિત શર્મા, તિલક વર્મા, સૂર્યકુમાર યાદવ, હાર્દિક પંડ્યા (કેપ્ટન), ટિમ ડેવિડ, મોહમ્મદ નબી, પીયૂષ ચાવલા, નુવાન તુશારા, જસપ્રિત બુમરાહ અને જેસન બેહરનડોર્ફ
