MG મોટર લાવી રહી છે ખૂબ જ સસ્તી અને નાની ઇલેક્ટ્રિક કાર, જાણો કેવા હશે ફીચર્સ?

MG મોટર ઇન્ડિયાએ તેની એન્ટ્રી-લેવલ ઇલેક્ટ્રિક કારનું રોડ ટેસ્ટ શરૂ કરી દીધું છે. આ ઇલેક્ટ્રિક કાર Wuling Air EV પર આધારિત છે. જેનું તાજેતરમાં ઇન્ડોનેશિયામાં અનાવરણ કરવામાં આવ્યું હતું. તેને ભારતીય બજાર અનુસાર ડિઝાઇન અને લોન્ચ કરવામાં આવશે. હાલમાં જ આ કારને ટેસ્ટિંગ દરમિયાન જોવામાં આવી હતી. કંપની તેને આવતા વર્ષની શરૂઆતમાં લોન્ચ કરી શકે છે. MGએ ગયા વર્ષે જાહેરાત કરી હતી કે તે ભારતમાં રૂ. 10 થી 15 લાખની કિંમતની સાથે એન્ટ્રી-લેવલે પરવડે તેવી ઇલેક્ટ્રિક કાર લોન્ચ કરશે. આ નવી EV મુખ્યત્વે આપણા દેશમાં શહેરી ઉપયોગ માટે હશે.

આવી હશે તેની ડિઝાઇન
વૂલિંગ એર વિશે વાત કરીએ તો તેની લંબાઈ 2.9 મીટર છે અને તેનું વ્હીલબેઝ 2,010 mm છે. જે તેને મારુતિ અલ્ટો કરતા લગભગ 400 mm નાનું બનાવે છે. ઇન્ડોનેશિયામાં વેચાતા મોડલને 12-ઇંચના સ્ટીલ વ્હીલ્સ મળે છે. આ સિવાય તેમાં જોવા મળે છે લેફ્ટ-હેન્ડ ડ્રાઇવ ટેસ્ટ-મ્યુલ, જેમાં ટેલગેટ માઉન્ટેડ સ્પેર વ્હીલ મળે છે, જે વિદેશમાં પણ ઉપલબ્ધ છે. એવી શક્યતા છે કે MG India આ મોડલને સંપૂર્ણ રીતે સજ્જ કરશે. આ એન્ટ્રી-લેવલ EV સાથે MG India મોટા શહેરોના સમૃદ્ધ પરિવારોને લક્ષ્ય બનાવશે જ્યાં આ વાહન ત્રીજી કે ચોથી કાર હોઈ શકે છે.

કાર આવતા વર્ષે ડેબ્યૂ થશે
MGની આ નવી EVમાં ટાટા ઓટોકોમ્પના રૂપમાં સ્થાનિક સ્તરે પ્રાપ્ત બેટરી પેક હશે. જે ભારતમાં બેટરી પેકની ડિઝાઇન, ઉત્પાદન અને સપ્લાય અને સર્વિસ કરવા માટે ચાઇનીઝ બેટરી સપ્લાયર ગોશન સાથે સંયુક્તા ધરાવે છે. આમાં LFP સેલનો પણ ઉપયોગ કરવામાં આવશે. જે અહીં વેચાતી લોકપ્રિય Nexon EV જેવી જ છે. જાન્યુઆરીમાં ઑટો એક્સ્પો 2023માં ભારતમાં ડેબ્યૂ થાય તે પહેલાં MGની એન્ટ્રી-લેવલ EV વિશે વધુ વિગતો મળી શકે છે.