મહેસાણા શંકૂઝ વોટરપાર્કમાં લાઈટ જતાં લોકોએ કર્યો હોબાળો; બોલાવવી પડી પોલીસ- જૂઓ વીડિયો
મહેસાણામાં આવેલા શંકૂઝ વોટરપાર્કમાં ગરમથી છૂટકારો મેળવવા અને આનંદ મસ્તી કરવા ગયેલા લોકોની મસ્તી તૈયાર છીનવાઈ ગઈ જ્યારે ત્યાં અચાનક લાઈટ જતી રહી હતી. લાઈટ જતી રહેવાના કારણે વોટરપાર્કમાં રહેલી તમામ રાઈડ બંધ થઈ ગઈ હતી. લોકોને લાગ્યું કે લાઈટ ગઈ છે તો થોડી વારમાં પાછી આવી જશે પરંતુ લાઈટ બે કલાક થવાં છતાં પાછી ના આવતા લોકોએ હોવાળો કરવાનો શરૂ કર્યો હતો.
મહેસાણા શંકૂઝ વોટરપાર્કમાં લાઈટ જતાં લોકોએ કર્યો હોબાળો; બોલાવવી પડી પોલીસ- જૂઓ વીડિયો#waterpark #mehsana #gujaratupdate #ShankoosWaterpark #Gujarat #GujaratiNews #humdekhengenews pic.twitter.com/qCrL8FXiM0
— Hum Dekhenge News (@humdekhengenews) June 10, 2023
લોકોના વધતા ગુસ્સાને જોઈને વોટરપાર્કના મેનેજમેન્ટને પોલીસ બોલાવવી પડી હતી. લોકો તે વાતને લઈને પણ ગુસ્સે હતા કે, લાઈટ જતી રહે તો ઈમરજન્સીમાં મેનેજમેન્ટ અન્ય સુવિધા કરેલી હોવી જોઈએ. ઉલ્લેખનિય છે કે, વોટરપાર્કમાં જવાની એક વ્યક્તિની એન્ટ્રી ફિ 800 રૂપિયાથી વધારે હોય છે તેવામાં લોકોએ પોતાની ફિ ને લઈને પણ બળાપો કાઢ્યો હતો.
લોકોને શાંત કરવા માટે અંતે મેનેજમેન્ટે પોલીસ બોલાવવી પડી હતી. સુત્રો પાસેથી મળેલી માહિતી અનુસાર પોલીસે આવીને બધો મામલો થાળે પાડ્યો હતો.
આ પણ વાંચો: એમેઝોનના જંગલમાં વિમાનના અકસ્માતના 40 દિવસ પછી ચાર બાળકો જીવતા મળી આવ્યા
