મળો અસલી 12 ફેલ IPS અધિકારીને, શેર કરી પોતાની જૂની તસવીર, થઈ ગઈ વાયરલ
- સોશિયલ મીડિયા પ્લેટફોર્મ પર એક તસવીર વાયરલ થઈ રહી છે. આ તસવીર અસલી 12 ફેલ IPS ઓફિસર મનોજકુમાર શર્મા અને તેમની પત્ની શ્રદ્ધા જોશીની છે
મુંબઈ, 10 જાન્યુઆરી: આજકાલ જ્યાં જુઓ ત્યાં એક જ ફિલ્મની ચર્ચા થઈ રહી છે. આ ફિલ્મનું નામ ’12th Fail’ છે. ભલે ફિલ્મનું નામ 12મી ફેલ હોય, પણ વાર્તા એક IPS ઓફિસર અને તેના જીવનસાથીની છે. આ ફિલ્મ આપણને ઘણું શીખવી ગઈ, 12મી ફેલ ફિલ્મે શીખવ્યું કે જો તમારામાં કંઈક કરવાનો જુસ્સો હોય તો ગમે તેવા અવરોધો કેમ ના આવે, છતાં તમારામાં જુસ્સો હોય તો તમે કંઈ પણ કરી શકો છો. હવે આ ફિલ્મની સફળતા બાદ સાચા IPS ઓફિસરની લોકોમાં ચર્ચા વધી ગઈ છે. આ દરમિયાન સોશિયલ મીડિયા પર એક તસવીર વાયરલ થઈ રહી છે જેને અસલી 12 ફેલ IPS અધિકારી દ્વારા શેર કરવામાં આવી છે.
સોશિયલ મીડિયામાં તસવીર થઈ વાયરલ
સોશિયલ મીડિયા પર એક તસવીર વાયરલ થઈ રહી છે જે અસલી IPS ઓફિસર મનોજ શર્માની છે. IPS ઓફિસર મનોજ શર્માએ પોતાની પત્ની શ્રદ્ધા જોશી સાથેની જૂની તસવીર શેર કરી છે. સોશિયલ મીડિયા પર ફોટો અપલોડ થતાં જ તે બુલેટની ઝડપે વાયરલ થયો છે. ફોટો શેર કરતી વખતે IPS મનોજ શર્માએ લખ્યું છે કે, ‘આજે મને લગ્નના થોડા દિવસો બાદ લેવાયેલ ફોટો મળ્યો.’
शादी के कुछ दिन बाद का एक फ़ोटो मिला आज
….🙏 pic.twitter.com/kPqSsbcWt9— Manoj Sharma (@ManojSharmaIPS) January 10, 2024
સમાચાર લખાય છે ત્યાં સુધી આ પોસ્ટને 9 લાખ 7 હજારથી વધુ લોકોએ તસવીર જોઈ છે, 31 હજાર લોકોએ આ પોસ્ટને લાઈક કરી છે. તસવીર જોયા બાદ લોકો તેના ખૂબ જ વખાણ કરી રહ્યા છે.
ફિલ્મ ’12th Fail’નું નિર્દેશન વિધુ વિનોદ ચોપરાએ કર્યું છે. આ ફિલ્મમાં મનોજ કુમાર શર્માની ભૂમિકા વિક્રાંત મેસી અને શ્રદ્ધા જોશીની ભૂમિકા મેધા શંકરે ભજવી છે. આ ફિલ્મ એક એવા માણસની છે જે પોતાનું સપનું પૂરું કરવા માટે મક્કમ છે. તેના માર્ગમાં ઘણી મુશ્કેલીઓ આવે છે પરંતુ તે પોતાનો રસ્તો બદલતો નથી અને આખરે તેની મંઝિલ હાંસલ કરી લે છે. આ સફરમાં તેનો પાર્ટનર અને તેના મિત્રો તેને પૂરો સાથ આપે છે.
આ પણ વાંચો: પ્રભાસની સાલારે રચ્યો ઈતિહાસઃ ફિલ્મના નામે નોંધાયો અનોખો રેકોર્ડ
