ન્યૂયોર્ક સિટીના મેયરે મેનહટ્ટનના હિન્દુ મંદિરમાં દિવાળીની કરી ઉજવણી
ન્યૂયોર્ક: દેશ-વિદેશમાં દિવાળીની ઉત્સાહભેર ઉજવણી થઈ રહી છે ત્યારે ન્યૂયોર્ક શહેરના મેયર એરિક એડમ્સ અને ડેપ્યુટી કમિશનર ફૉર ઈન્ટરનેશનલ અફેર્સ દિલીપ ચૌહાણે પણ આ વર્ષે હિન્દુ સમુદાય સાથે દિવાળીની ઉજવણી કરી હતી. બંને રાજનેતાઓએ મેનહટ્ટનના ભક્તિ સેન્ટર સ્થિત સૌથી જૂના હિન્દુ મંદિરની મુલાકાત લઈને લોકો સાથે દિવાળીની ઉજવણી કરી હતી. આ અવસરે દિવાળીની ઉજવણી માટે મંદિરમાં 1500થી વધુ લોકો એકઠા થયા હતા.
#WATCH | New York City Mayor Eric Adams and Deputy Commissioner of International Affairs Dilip Chauhan celebrated Diwali with people of the Hindu community at the Bhakti Center, the oldest Hindu temple in Manhattan.
More than 1500 people gathered to celebrate Diwali at the… pic.twitter.com/cASsXCHYVN
— ANI (@ANI) November 13, 2023
વ્યક્તિ અહીં સકારાત્મક ઊર્જા અનુભવે છે: એરિક એડમ્સ
એરિક એડમ્સે કહ્યું કે દિવાળીના અવસર પર આ મંદિરની મુલાકાત લેવી મારા માટે અદ્ભુત અનુભવ હતો. જ્યારે પણ તમે અહીં આવો છો ત્યારે તમને સકારાત્મક ઊર્જાનો અનુભવ થાય છે. વિશ્વને સંદેશ આપતા તેમણે કહ્યું કે માત્ર દિવાળી પર જ નહીં પરંતુ આપણે હંમેશા વિશ્વને વધુ શ્રેષ્ઠ બનાવવા માટે કામ કરવું જોઈએ.
#WATCH | New York City Mayor Eric Adams says, “It was a beautiful experience here…” pic.twitter.com/wEnwWMHraq
— ANI (@ANI) November 13, 2023
દિવાળી એકતાનો પ્રકાશ ફેલાવવાના સંદેશનું પ્રતીક છેઃ જો બાઇડન
રવિવારે સાંજે દિવાળીના અવસર પર, યુએસ પ્રમુખ જો બાઇડને અમેરિકા અને વિશ્વભરમાં ઉજવણી કરી રહેલા લોકોને દિવાળીની શુભેચ્છા પાઠવી હતી. આ અવસરે લોકોને શુભેચ્છા પાઠવતા તેમણે કહ્યું કે દિવાળી અજ્ઞાન, નફરત અને અંધકાર ઉપર જ્ઞાન, પ્રેમ અને એકતાનો પ્રકાશ ફેલાવવાના સંદેશનું પ્રતીક છે.
આ પણ વાંચો: અયોધ્યામાં દિવાળી, પીએમ મોદીએ દીપોત્સવની સુંદર તસવીરો શેર કરી
