પૃથ્વી પર આવી રહી છે મોટી આફત! બંધ થઇ જશે રેડિયો, જીપીએસ, સેટેલાઇટ..

આજનો દિવસ પૃથ્વી માટે ભારે હોઈ શકે છે. મંગળવાર 19 જુલાઇના રોજ વધુ એક સૌર તોફાનની આશંકા વ્યક્ત કરવામાં આવી છે. જે સીધું પૃથ્વીને અસર કરશે.

પૃથ્વી પર આવી રહી છે મોટી આફત 

અવકાશ હવામાનશાસ્ત્રી ડો.તમિથા સ્કોવના જણાવ્યા અનુસાર સૂર્યમાંથી સાપ જેવો ફિલામેન્ટ પૃથ્વી પર અથડાશે. તેનાથી ઘણા ઉપગ્રહોને અસર થઇ શકે છે. જીપીએસ, ટીવી કોમ્યુનિકેશન અને રેડિયોનું કામ પણ ખોરવાઈ શકે છે.

Direct Hit! A snake-like filament launched as a big #solarstorm while in the Earth-strike zone. NASA predicts impact early July 19. Strong #aurora shows possible with this one, deep into mid-latitudes. Amateur #radio & #GPS users expect signal disruptions on Earth's nightside. pic.twitter.com/7FHgS63xiU

— Dr. Tamitha Skov (@TamithaSkov) July 16, 2022

સિગ્નલો થઇ શકે છે બંધ 

આ સૌર જ્વાળાને કારણે ઈલેક્ટ્રો મેગ્નેટિક રેડિયેશન અને ગરમી ખૂબ વધે છે. જો કે તે પૃથ્વી પર ગરમીમાં વધારો કરશે નહીં. પરંતુ ઇલેક્ટ્રોમેગ્નેટિક રેડિયેશન પૃથ્વીના ચુંબકીય ક્ષેત્રને અસર કરી શકે છે અને સિગ્નલો બંધ થઈ શકે છે.

આ દિવસોમાં સૂર્ય ખૂબ જ સક્રિય છે

વૈજ્ઞાનિકોના મતે આ દિવસોમાં સૂર્ય ખૂબ જ સક્રિય છે. જેના કારણે જીઓમેગ્નેટિક તોફાનો આવી રહ્યા છે. જેને વૈજ્ઞાનિક ભાષામાં (M વર્ગ) M-વર્ગ અને (X વર્ગ) X-વર્ગના જ્વાળાઓ કહે છે. તે સૌથી મજબૂત વર્ગના જ્વાળાઓ મોકલી રહ્યું છે. કારણ કે આ સમયે સૂર્ય સક્રિય છે. જે આગામી 8 વર્ષ સુધી ચાલશે. જેના કારણે સૌર તોફાન આવવાની સંભાવના રહેશે.

લાખો કિલોમીટર પ્રતિ કલાકની ઝડપે આવી રહ્યું છે સૌર તોફાન

સુરજ પર બનેલા ધબ્બાના કોરોનલ માસ ઈજેક્શન હોય છે. એટલે કે સૂર્યની સપાટી પર એક પ્રકારનો વિસ્ફોટ થવાના કારણે તે ધબ્બા દેખાઈ રહ્યા છે. આ વિસ્ફોટના લીધે એક અબજ ટન કણો કેટલાક લાખ કિલોમીટર પ્રતિ કલાકની ઝડપે અવકાશમાં ફેલાય છે. જ્યારે આ કણો પૃથ્વી પર પડે છે, ત્યારે તેઓ ઘણા સેટેલાઇટ નેટવર્ક્સ, જીપીએસ સિસ્ટમ્સ, સેટેલાઇટ ટીવી અને રેડિયો સંચારને વિક્ષેપિત કરે છે.

સન સ્પોટ્સ શું છે… તે કેવી રીતે બને છે?

જ્યારે સૂર્યના અમુક ભાગમાં ગરમી બીજા ભાગ કરતાં ઓછી હોય છે, ત્યારે ત્યાં ધબ્બા બની જાય છે.  આ દુરથી નાના મોટા કાળા અને ભૂરા રંગના ધબ્બાના રૂપમાં દેખાય છે. એક ધબ્બો કેટલાક કલાકોથી લઈને કેટલાક અઠવાડિયા સુધી રહી શકે છે. ધબ્બાની અંદરના કાળા ભાગને અમ્બ્રા અને ઓછા કાળા ભાગને પેન અમ્બ્રા કહેવામાં આવે છે