મારુતિને મોટો ઝટકો: લોકોએ આ લક્ઝરી કારને કહ્યું Bye-Bye, ‘0’ વેચાણ

મારુતિની લક્ઝરી એસયુવી એસ-ક્રોસની સફર હવે પૂરી થઈ ગઈ છે. તેવું તેના વેચાણના આંકડા જોઈને ખબર પડે છે. જુલાઈમાં આ લક્ઝરી કારનું એક પણ યુનિટ વેચાયું ન હતું. હવે ઓગસ્ટમાં પણ આવું જ બન્યું હતું. એટલે કે છેલ્લા બે મહિનામાં એક પણ એસ-ક્રોસનું વેચાણ થયું નથી. S-Cross એક લક્ઝરી અને પ્રીમિયમ કાર છે જે નેક્સા ડીલરશીપ પર ઉપલબ્ધ છે. કંપની આ જ શોરૂમમાંથી નવી ગ્રાન્ડ વિટારા, XL6, Ignis, Baleno અને Ciaz પણ વેચે છે. કહેવા માટે કે કંપનીએ હજુ સુધી તેનું વેચાણ બંધ કર્યું નથી. આ મોડલ કંપનીની ઓફિશિયલ વેબસાઈટ પર પણ લિસ્ટેડ છે.

નવા ગ્રાન્ડ વિટારાએ બગાડ્યુ એસ-ક્રોસનું વેચાણ

જ્યારે મારુતિ જુલાઈમાં તેની નવી ગ્રાન્ડ વિટારા લૉન્ચ કરવાની હતી, ત્યારે એવા અહેવાલો હતા કે તે S-Crossને રિપ્લેસ કરશે. એટલે કે ગ્રાન્ડ વિટારાના લોન્ચ સાથે જ લક્ઝરી કાર એસ-ક્રોસની સફરનો અંત આવશે. આ સમાચારની અસર એવી હતી કે લોકોનું ધ્યાન એસ-ક્રોસ પરથી હટ્યું. જેના કારણે પહેલી જુલાઈમાં એક પણ યુનિટનું વેચાણ થયું ન હતું. જે બાદ ઓગસ્ટમાં પણ વેચાણનો આંકડો શૂન્ય હતો.

વાર્ષિક અને માસિક વેચાણ શૂન્ય

ઓગસ્ટ 2021માં S-Crossના 2522 યુનિટ વેચાયા હતા. એટલે કે ઓગસ્ટ 2022માં તેનું વાર્ષિક વેચાણ શૂન્ય પર આવી ગયું. એ જ રીતે જુલાઈ 2021માં S-Crossના 1972 યુનિટ વેચાયા હતા. જ્યારે જુલાઈ 2022માં તેનું વાર્ષિક વેચાણ શૂન્ય થઈ ગયું હતું. એટલે કે તેનું વાર્ષિક અને માસિક વેચાણ શૂન્ય હતું. કહેવા માટે એસ-ક્રોસ આ વર્ષે માર્ચ અને એપ્રિલમાં પ્રભુત્વ ધરાવે છે. તેણે માર્ચ 2022માં 2674 યુનિટ અને એપ્રિલમાં 2922 યુનિટનું વેચાણ કર્યું હતું. કંપનીએ હજુ તેનું વેચાણ બંધ કર્યું નથી, પરંતુ તેનું એક પણ યુનિટ ન વેચવાનો મતલબ એ છે કે લોકોનું ધ્યાન તેના પરથી હતી ગયું છે. S-Cross પર કંપની બે મહિના માટે 42,000 રૂપિયાનું મોટું ડિસ્કાઉન્ટ પણ આપી રહી છે.

નેક્સા આઉટલેટની પ્રથમ કાર S-Cross 

મારુતિ એસ-ક્રોસ નેક્સા આઉટલેટમાંથી વેચવામાં આવેલી પ્રથમ કાર હતી. બાદમાં નેક્સાના પોર્ટફોલિયોનું વિસ્તરણ કરીને કંપનીએ Ignis, Baleno, Ciaz અને XL6 લોન્ચ કર્યા. મારુતિ તેની પ્રીમિયમ કાર નેક્સા આઉટલેટ્સ પર વેચે છે. XL6 નેક્સા શોરૂમ પર અત્યારે સૌથી મોંઘું મોડલ છે. XL6ની પ્રારંભિક કિંમત રૂ.11.29 લાખથી રૂ.14.55 લાખની વચ્ચે છે. જ્યારે, S-Crossની પ્રારંભિક એક્સ-શોરૂમ કિંમત 8.95 લાખ રૂપિયા છે.

એસ-ક્રોસ સુવિધાઓ અને કિંમત

S-Cross ના ફીચર્સની વાત કરીએ તો મારુતિ એક ખૂબ જ લક્ઝરી કાર છે. તેમાં રેઈન સેન્સિંગ વાઈપર્સ, ક્રૂઝ કંટ્રોલ, LED પ્રોજેક્ટર હેડલેમ્પ છે. તેમાં 7-ઇંચની ટચસ્ક્રીન ઇન્ફોટેનમેન્ટ સિસ્ટમ મળે છે. જે Apple CarPlay અને Android Auto Connect ફીચર્સ સાથે આવે છે. તે 1.5-લિટર એન્જિન દ્વારા સંચાલિત છે જે 105PS પાવર અને 138Nm ટોર્ક જનરેટ કરે છે. એન્જિન 5 સ્પીડ મેન્યુઅલ અને 4 સ્પીડ ઓટોમેટિક ગિયરબોક્સ સાથે જોડાયેલું છે. S-Cross એ Euro NCAP ક્રેશ ટેસ્ટમાં 5-સ્ટાર એડલ્ટ પ્રોટેક્શન રેટિંગ હાંસલ કર્યું છે. તેની એક્સ-શોરૂમ કિંમત 8.95 રૂપિયાથી 12.92 લાખ રૂપિયા સુધીની છે.