Marry Me..! પ્રેમનો આવો પ્રસ્તાવ તમે ક્યારેય નહીં જોયો હોય… પ્રેમીએ 6500 કિલોમીટરના પટ પર લખ્યું…

HD ન્યૂઝ ડેસ્ક, 15 જૂન : તમે દુનિયામાં વિચિત્ર પ્રસ્તાવો જોયા જ હશે. પરંતુ જાપાનના આ વ્યક્તિએ જે રીતે પ્રપોઝ કર્યું છે, તે તમે ક્યારેય જોયું કે સાંભળ્યું નથી. સૌથી મોટી વાત એ છે કે આ વ્યક્તિએ પોતાના પ્રસ્તાવથી વર્લ્ડ રેકોર્ડ પણ બનાવ્યો છે. અમે જે વ્યક્તિ વિશે વાત કરી રહ્યા છીએ તેનું નામ છે યાસુશી તાકાહાશી. તાકાહાશીને વર્ષ 2008માં એક છોકરી સાથે પ્રેમ થયો હતો અને ત્યારથી તેણે એક પ્લાન બનાવ્યો હતો કે જ્યારે તે તેની ગર્લફ્રેન્ડને લગ્ન માટે પ્રપોઝ કરશે તો તેની રીત ઘણી અલગ હશે.

આ માટે તાકાહાશીએ જાપાનનો નકશો લીધો અને તેના પર અંગ્રેજીમાં મેરી મી લખ્યું. આ ઉપરાંત, તેણે નકશા પર દિલ પણ દોર્યું. હવે તમે વિચારતા હશો કે નકશા પર જ લખેલું છે, એમાં શું મોટી વાત છે. તો તેણે માત્ર નકશા પર જ લખ્યું નથી, પરંતુ જ્યાં તેની પેનને સ્પર્શ થાય છે ત્યાં તેણે ગાડી પણ ચલાવી છે. એટલે કે, જો તમે આજે તે જગ્યાઓ જીપીએસ પર મુકો જ્યાં તાકાહાશી ગયા છે, તો તમને ગૂગલ મેપ પર મેરી મી અને હૃદય દોરેલું દેખાશે. તેણે જે ટેકનિકથી આ કર્યું તેને જીપીએસ ડ્રોઈંગ કહે છે.

ગિનિસ બુકમાં નામ નોંધાયું

આ કરીને તાકાહાશીએ નવો વર્લ્ડ રેકોર્ડ બનાવ્યો છે. વિશ્વનું સૌથી મોટું જીપીએસ ડ્રોઈંગ બનાવનાર વ્યક્તિ તરીકે તેમનું નામ ગીનીસ બુક ઓફ વર્લ્ડ રેકોર્ડમાં નોંધાયેલું છે.

ટેકનોલોજી વિના બધું કર્યું

સૌથી મોટી વાત એ છે કે તાકાહાશીએ આ બધું ત્યારે શરૂ કર્યું જ્યારે GPS જેવી કોઈ ટેક્નોલોજી સામાન્ય લોકો માટે ઉપલબ્ધ ન હતી. તાકાહાશી કહે છે કે તે દિવસોમાં તેને આ કરવા માટે ઘણી મહેનત કરવી પડી હતી. તેણે અનેક પ્રકારના નકશાઓનો અભ્યાસ કરવો પડ્યો અને અંતે સફળતા મેળવી. જ્યારે તાકાહાશીની લવ સ્ટોરી સોશિયલ મીડિયા પર આવી તો તેના પર ઘણી કોમેન્ટ્સ આવી. લોકોએ તાકાહાશીની આ મહેનતની ખૂબ પ્રશંસા કરી. તાકાહાશીની મહેનત અને પ્રેમ જોઈને તેની ગર્લફ્રેન્ડે પણ લગ્ન માટે હા પાડી.

આ પણ વાંચો:દેશની સંપત્તિમાં સામાન્ય વર્ગનો હિસ્સો 89% છે, દલિત સમુદાય પાસે છે માત્ર 2.6%