ખુશખબર ! ઘણા વપરાશકર્તાઓને સ્માર્ટફોનમાં 5G સિગ્નલ મળવાનું થયું શરૂ, તમે પણ અત્યારે નેટવર્ક સેટિંગ્સમાં કરો ફેરફાર

ભારતમાં 5G સેવાઓ સત્તાવાર રીતે શરૂ કરવામાં આવી છે અને ભારતી એરટેલ વપરાશકર્તાઓને દેશના 8 શહેરોમાં લાભ મળવાનું શરૂ થઈ ગયું છે. ઘણા વપરાશકર્તાઓને તેમના સ્માર્ટફોનમાં 5G સિગ્નલ મળવાનું શરૂ થઈ ગયું છે અને સ્ક્રીનની ટોચ પર 5G લખેલું જોવા મળે છે. જો તમે પસંદગીના શહેરોમાં રહો છો જ્યાં 5G સેવાઓ શરૂ થઈ છે, તો તમારા 5G સ્માર્ટફોન પર પણ એક નવું ચિહ્ન દેખાશે. જો કે, આ માટે તમારા સ્માર્ટફોનમાં 5G બેન્ડ સપોર્ટેડ હોવા જરૂરી છે અને 4G ફોનમાં 5G ઇન્ટરનેટ અથવા નેટવર્ક એક્સેસ હોઈ શકતું નથી.

એરટેલ આ શહેરોમાં 5G સેવા આપી રહી છે

જે આઠ શહેરોમાં એરટેલ યુઝર્સે આજથી 5G સેવાઓ મેળવવાનું શરૂ કર્યું છે તેમાં દિલ્હી, વારાણસી, મુંબઈ, બેંગલુરુ, સિલિગુડી, કોલકાતા, ચેન્નાઈ અને હૈદરાબાદનો સમાવેશ થાય છે. જો તમે આ શહેરોમાં રહેતા એરટેલ યુઝર છો અને તમારી પાસે 5G ફોન છે, તો તમે તરત જ નેટવર્ક સેટિંગ્સ બદલી શકો છો.

5G સ્માર્ટફોનના નેટવર્ક સેટિંગ્સ બદલો

જો તમે ઉપર જણાવેલ કોઈપણ શહેરમાં રહો છો, તો તમારા 5G સ્માર્ટફોનના સેટિંગમાં જાઓ અને નીચે જણાવેલ સ્ટેપ્સને અનુસરો

1. સેટિંગ્સમાં તમારે ‘મોબાઇલ નેટવર્ક્સ’ અથવા ‘સિમ કાર્ડ્સ અને મોબાઇલ નેટવર્ક્સ’ વિકલ્પ પર ટેપ કરવું પડશે.
2. હવે ‘નેટવર્ક મોડ’ અથવા ‘પ્રિફર્ડ નેટવર્ક પ્રકાર’ પર ગયા પછી તમારે 5G નેટવર્ક પ્રકાર પસંદ કરવું પડશે.
3. 5G ઉપકરણોમાં 5G (ઓટો) વિકલ્પ પસંદ કર્યા પછી, ઉપકરણ 5G સિગ્નલ માટે શોધ કરશે અને જ્યારે આ નેટવર્ક ઉપલબ્ધ હશે ત્યારે 5G સ્ક્રીન પર દેખાશે.

શું 5G દેખાય પછી સેવાઓ ઉપલબ્ધ થશે?

ફોનની સ્ક્રીન પર 5G જોવાનો અર્થ છે કે તમને 5G સિગ્નલ મળવાનું શરૂ થઈ ગયું છે અને તમે એવા વિસ્તારમાં છો જ્યાં 5G સેવાઓ ઉપલબ્ધ છે. જો કે, હાઇ-સ્પીડ ઇન્ટરનેટ અને અન્ય સેવાઓ માટે રાહ જોવી પડશે અને કંપનીના 5G પ્લાનમાંથી રિચાર્જ કરાવવું પડશે. જો તમારા શહેરમાં 5G રોલઆઉટ કરવામાં આવ્યું છે પરંતુ તમને આ રીતે 5G સિગ્નલ નથી મળી રહ્યા, તો તમારે થોડી રાહ જોવી પડશે. આ સિવાય તમે ડિવાઇસના સોફ્ટવેરને લેટેસ્ટ વર્ઝનમાં અપડેટ પણ કરી શકો છો.

આ પણ વાંચો : 5G યુગનો પ્રારંભ : વડાપ્રધાન મોદીએ શરૂ કરાવી સેવા