મનોજ બાજપેયીની ફાડુ એક્ટિંગ, ટ્રેલરે લોકોના રુંવાડા ઉભા કર્યા

મનોજ બાજપેયીની આગામી ફિલ્મ ‘સિર્ફ એક બંદા કાફી હૈ’ના ટ્રેલરે દર્શકોના મનમાં ઉત્સુકતા જગાવી છે. આ ફિલ્મનું ટ્રેલર દર્શકોને એક એવી દુનિયાથી સામનો કરાવે છે, જ્યાં પાવરફુલ લોકોનો દબદબો છે. પરંતુ એક સીધો-સાદો માણસ ડર્યા વિના અને તેની અસાધારણ હિંમતથી આગળ વધે છે. સત્ય અને ન્યાય માટે જીવે છે. મનોજ બાજપેયીની ‘સિર્ફ એક બંદા કાફી હૈ’ ન્યૂયોર્ક ઈન્ડિયન ફિલ્મ ફેસ્ટિવલમાં પોતાનું કૌશલ્ય બતાવી ચુકી છે.

ટ્રેલરની શરૂઆતમાં પોલીસ વાનમાંથી નીચે ઉતરતા એક બાબાની ઝલક જોવા મળે છે, જેની જામીન અરજી સેશન્સ કોર્ટમાં 5 વખત ફગાવી દેવામાં આવી છે. હવે તે હાઈકોર્ટ તરફ પ્રયાણ કરે છે. તે શક્તિશાળી વકીલોનો સહારો લે છે, પરંતુ સાધારણ વકિલ સામે તેમની એક પણ ચાલતી નથી. અપૂર્વ સિંહ કાર્કી દ્વારા નિર્દેશિત ફિલ્મ “સિર્ફ એક બંદા કાફી હૈ” નું ટ્રેલર જબરદસ્ત લાગી રહ્યુ છે.

લોકો ફિલ્મના કન્ટેન્ટ અને મનોજ બાજપેયીની એક્ટિંગના વખાણ કરી રહ્યા છે. લોકોમાં ટ્રેલરને લઈને ઉત્સાહ જોવા મળી રહ્યો છે. મનોજ બાજપેયીની એક્ટિંગ જોઈને એક યુઝર કહે છે, ‘આટલી શાનદાર એક્ટિંગ, તેને ઓસ્કાર આપો, નહીંતર આ ટેલેન્ટ વેડફાઈ જશે. એસએસ રાજામૌલીએ તેમની ફિલ્મમાં મનોજ બાજપેયીને વિલનની ભૂમિકામાં લેવા જોઈએ. આ વ્યક્તિ ઓસ્કારમાં શ્રેષ્ઠ અભિનયનો એવોર્ડ જીતશે.

“સિર્ફ એક બંદા કાફી હૈ” એ એક સામાન્ય માણસની અસાધારણ વાર્તા છે જે ન્યાય અને સત્ય માટે મોટી મુશ્કેલીઓ સામે લડે છે. ફિલ્મના અંતિમ ટ્રેલરમાં એક પ્રામાણિકમાણસની વાર્તાની ઝલક જોવા મળે છે, જે મનોજ બાજપેયી દ્વારા સ્ક્રીન પર ભજવવામાં આવી છે.

આ પણ વાંચો: ‘The Kerala Story’ને કોમ્પિટીશન આપવા ‘Fast X’ રિલીઝ, ફિલ્મની કમાણીને અસર કરશે?