મનોજ બાજપેયીની ‘ભૈયા જી’નું ટ્રેલર રીલીઝ, અભિનેતાની ધમાકેદાર એન્ટ્રી

• મનોજ બાજપેયીની મોસ્ટ અવેઈટેડ ફિલ્મ ‘ભૈયા જી’ તેની ક્લિપ શેર કરવામાં આવી હતી ત્યારથી જ ચર્ચામાં છે. આ ફિલ્મની ચાહકો આતુરતાથી રાહ જોઈ રહ્યા હતા, તે દરમિયાન ‘ભૈયા જી’નું ટ્રેલર રીલીઝ થયું છે

9 મે, મુંબઈઃ મનોજ બાજપેઈ એક એવો કલાકાર છે જેની ફિલ્મોની રાહ જોવાતી હોય છે. ગમે તે ફિલ્મ કેમ ન હોય તે તેમાં જીવ રેડી દે છે. મનોજ બાજપેયીની મોસ્ટ અવેઈટેડ ફિલ્મ ‘ભૈયા જી’ તેની ક્લિપ શેર કરવામાં આવી હતી ત્યારથી જ ચર્ચામાં છે. આ ફિલ્મની ચાહકો આતુરતાથી રાહ જોઈ રહ્યા હતા, તે દરમિયાન ‘ભૈયા જી’નું ટ્રેલર રીલીઝ થયું છે. જેમાં અભિનેતા પોતાના ભાઈના મૃત્યુનો બદલો લેતા જોવા મળે છે.

‘ભૈયા જી’માં મનોજ બાજપેઈની ધમાકેદાર એન્ટ્રી

અભિનેતાએ તેની ફિલ્મનું ટ્રેલર રીલીઝ કરતા પહેલા ફિલ્મની એક ક્લિપ શેર કરી હતી. જેમાં ચાહકો ભરપૂર પ્રેમ વરસાવતા જોવા મળ્યા હતા. હવે અભિનેતાની ફિલ્મનું ધમાકેદાર ટ્રેલર રીલીઝ થઈ ગયું છે. અભિનેતાએ આ ફિલ્મનું ટ્રેલર તેના સોશિયલ મીડિયા એકાઉન્ટ પર શેર કર્યું છે. ફિલ્મનું ટ્રેલર શેર કરતી વખતે, મનોજે કેપ્શન આપ્યું છે, ભૈયા નહીં… ભૈયા જી! આવી ગયો છે, પોતાના બદલાની ઝલક લઈને.

 

View this post on Instagram

 

A post shared by Manoj Bajpayee (@bajpayee.manoj)

અપરાધીઓને પાવડાથી ખતમ કરશે

રીલીઝ થયેલા ટ્રેલરમાં એક પાત્ર વારંવાર પૂછતું જોવા મળે છે કે ભૈયા જી કોણ છે? વારંવાર પૂછવા છતાં પણ જવાબ ન મળતાં તે બૂમો પાડીને ફરી પૂછે છે. પછી બીજું પાત્ર એવું કહેતા જોવા મળે છે કે જો પોલિટિક્સની વાત કરીએ તો, ભૈયા જી શાસક પક્ષને વિપક્ષઅને વિપક્ષને શાસક પક્ષમાં ફેરવવાના માસ્ટર માઈન્ડ છે ભૈયા જી. તેમના પાવડાથી હજારો અપરાધીઓ સંસારમાંથી મુક્ત થયા છે. એક સમય હતો જ્યારે દુષ્કર્મ કરનારા લોકો ફક્ત તેમની કહાનીઓ સાંભળીને કુકર્મ કરવાનું છોડી દેતા હતા. ત્યારબાજ ટ્રેલરમાં મનોજ બાજપેયીની શાનદાર એન્ટ્રી થાય છે અને તેની વિસ્ફોટક એક્શન જોઈ શકાય છે. આ ફિલ્મ 24 મેના રોજ થિયેટર્સમાં રીલીઝ થશે. આ સિવાય અભિનેતા સુવિન્દર વિકી, જતીન ગોસ્વામી, વિપિન શર્મા અને ઝોયા હુસૈન ‘ભૈયા જી’માં મહત્ત્વની ભૂમિકા ભજવતા જોવા મળશે.

આ પણ વાંચોઃ માત્ર સલમાન ખાન જ નહીં, અન્ય બે કલાકારોના ઘરની પણ રેકી કરાઈ હતી, ધરપકડ કરાયેલા રફીકની કબૂલાત