મણિપુરનું સૌથી જૂનું સશસ્ત્ર જૂથ UNLF હિંસા છોડવા સંમત, શાંતિ સમજૂતી પર હસ્તાક્ષર
કેન્દ્રીય ગૃહમંત્રી અમિત શાહે કહ્યું કે મણિપુરમાં સૌથી જૂનું સશસ્ત્ર જૂથ UNLF હિંસા છોડીને મુખ્ય પ્રવાહમાં જોડાવા માટે સંમત થયું છે. તેમણે કહ્યું કે UNLFએ શાંતિ કરાર પર હસ્તાક્ષર કર્યા છે.
A historic milestone achieved!!!
Modi govt’s relentless efforts to establish permanent peace in the Northeast have added a new chapter of fulfilment as the United National Liberation Front (UNLF) signed a peace agreement, today in New Delhi.
UNLF, the oldest valley-based armed… pic.twitter.com/AiAHCRIavy
— Amit Shah (@AmitShah) November 29, 2023
ગૃહમંત્રી શાહે પોતાના એક્સ હેન્ડલ પર કેટલીક તસવીરો શેર કરી અને કહ્યું, “એક ઐતિહાસિક સિદ્ધિ હાંસલ કરી છે!” યુનાઈટેડ નેશનલ લિબરેશન ફ્રન્ટ (UNLF)એ નવી દિલ્હીમાં શાંતિ સમજૂતી પર હસ્તાક્ષર કર્યા હોવાથી પૂર્વોત્તરમાં કાયમી શાંતિ સ્થાપવાના મોદી સરકારના અથાક પ્રયાસોમાં એક નવો અધ્યાય ઉમેરાયો છે.
ગૃહમંત્રીએ કહ્યું, “મણિપુરનું સૌથી જૂનું ખીણ સ્થિત સશસ્ત્ર જૂથ UNLF હિંસા છોડીને મુખ્ય પ્રવાહમાં જોડાવા માટે સંમત થયું છે. હું તેમનું લોકતાંત્રિક પ્રક્રિયાઓમાં સ્વાગત કરું છું અને શાંતિ અને પ્રગતિના માર્ગ પર તેમની સફરમાં શુભેચ્છા પાઠવું છું.
અન્ય પોસ્ટમાં ગૃહમંત્રીએ કહ્યું, “ભારત સરકાર અને મણિપુર સરકાર દ્વારા UNLF સાથે થયેલ શાંતિ કરાર છ દાયકા લાંબી સશસ્ત્ર ચળવળનો અંત દર્શાવે છે. પીએમ મોદીના સર્વસમાવેશક વિકાસના વિઝનને સાકાર કરવા અને ઉત્તર-પૂર્વ ભારતના યુવાનોને વધુ સારું ભવિષ્ય પ્રદાન કરવાની દિશામાં આ એક ઐતિહાસિક સિદ્ધિ છે.
ગૃહ મંત્રાલયે અન્ય ઘણા ઉગ્રવાદી સંગઠનો સાથે UNLF પર પ્રતિબંધ મૂક્યો હતો. પ્રતિબંધ લાદવામાં આવ્યાના થોડા દિવસો બાદ આ શાંતિ સમજૂતી થઈ હતી. કેન્દ્રને લાગ્યું કે આ સંગઠન મણિપુરમાં સુરક્ષા દળો, પોલીસ અને નાગરિકો પર હુમલાઓ અને હત્યાઓ તેમજ ભારતની સાર્વભૌમત્વ અને અખંડિતતા માટે પ્રતિકૂળ પ્રવૃત્તિઓમાં સામેલ છે તે પછી આ નિર્ણય લેવામાં આવ્યો હતો. UNLFએ મણિપુરનું સૌથી જૂનું Meitei બળવાખોર જૂથ છે, જેની રચના 24 નવેમ્બર, 1964ના રોજ કરવામાં આવી હતી.
