Manipur Crisis: મણિપુર હિંસાના નકલી વીડિયો અંગે ભારતીય સેના એલર્ટ, કરી રહી છે કાર્યવાહી
મણિપુર: મણિપુરમાં મેઇટીને અનુસૂચિત જનજાતિ (ST) કેટેગરીમાં સમાવવાની માંગ સાથે હિંસક વિરોધ ચાલુ છે. ઈમ્ફાલ, ચુરાચંદપુર અને અન્ય વિસ્તારોમાં આદિવાસીઓ અને મેઈટીસ વચ્ચે અથડામણની જાણ થઈ છે. હિંસાને જોતા સરકારે મોટો આદેશ જાહેર કર્યો છે. બદમાશોને જોતા જ ગોળી મારવાના આદેશ આપવામાં આવ્યા છે. આ સાથે ભારતીય સેના પણ એલર્ટ મોડ પર છે. સેનાએ લોકોને રાજ્યમાં સુરક્ષાની સ્થિતિ સાથે જોડાયેલા નકલી વીડિયો અંગે સતર્ક રહેવા જણાવ્યું છે.
સેનાએ નાગરિકોને અપીલ કરીઃ
નકલી વિડિયોમાં આસામ રાઈફલ્સ પોસ્ટ પર હુમલાનો વીડિયો પણ સામેલ છે, જેને હિંસા ભડકાવવા માટે શેર કરવામાં આવી રહ્યો છે. સેનાએ નાગરિકોને અપીલ કરી છે કે તેઓ માત્ર સત્તાવાર અને વેરિફાઇડ સ્ત્રોતોના સમાચારો પર વિશ્વાસ કરે. અહીં હિંસક ટોળાએ ઘણાં ઘરો, દુકાનો અને ધાર્મિક સ્થળોને આગ ચાંપી દીધી છે. ઇમ્ફાલમાં એક ધારાસભ્ય પર પણ હુમલો થયો હતો. IndianArmyએ ટ્વિટ કર્યું કે “મણિપુરમાં સુરક્ષાની સ્થિતિ પરના નકલી વીડિયો, જેમાં અસમ રાઈફલ્સ પોસ્ટ પરના હુમલાનો વીડિયો સામેલ છે જે પ્રતિકૂળ તત્વો દ્વારા શેર કરવામાં આવી રહ્યો છે. લોકોને અપીલ છે કે માત્ર સત્તાવાર અને વેરિફાઇડ સ્ત્રોતો અને ભારતીય સેના તરફથી આપવામાં આવેલા સમાચાર પર વિશ્વાસ કરવો. ”
#Manipur Update
Fake Videos on security situation in Manipur including a video of attack on Assam Rifles post is being circulated by inimical elements for vested interests. #IndianArmy requests all to rely on content through official & verified sources only@adgpi@easterncomd pic.twitter.com/Y58eROsZRM— SpearCorps.IndianArmy (@Spearcorps) May 4, 2023
પરિસ્થિતિને કાબૂમાં લેવા માટે સેના અને આસામ રાઈફલ્સની 55 ‘કૉલમ’ તૈનાત કરવામાં આવી છે. આર્મી અને આસામ રાઈફલ્સે ગુરૂવારે (4 મે) કાકચિંગ જિલ્લાના સુગાનુ ખાતે ચુરાચંદપુર અને ઈમ્ફાલ ખીણના કેટલાક વિસ્તારો સાથે ફ્લેગ માર્ચ કરી હતી.
આ પણ વાંચોઃ Manipur : આદિવાસી આંદોલનમાં હિંસા બાદ 8 જિલ્લામાં કર્ફ્યુ લાગુ, સમગ્ર રાજ્યમાં ઈન્ટરનેટ બંધ
