‘મણિપુર સળગી રહ્યું છે પણ વડાપ્રધાન હસી રહ્યા છે’, રાહુલ ગાંધીનું પીએમ મોદી પર નિશાન
નવી દિલ્હી: ભારે હોબાળા વચ્ચે સંસદનું ચોમાસુ સત્ર સમાપ્ત થયું. જે બાદ હવે કોંગ્રેસના પૂર્વ અધ્યક્ષ રાહુલ ગાંધીએ પ્રેસ કોન્ફરન્સ કરી હતી. પ્રેસ કોન્ફરન્સમાં રાહુલ ગાંધી સાથે અધીર રંજન ચૌધરી અને મલ્લિકાર્જુન ખડગે પણ હાજર હતા. તેમણે કહ્યું કે પીએમ મણિપુર પર માત્ર બે મિનિટ બોલ્યા હતા. સંસદની સદસ્યતા પુનઃસ્થાપિત થયા બાદ રાહુલ ગાંધીની આ પ્રથમ પ્રેસ કોન્ફરન્સ છે.
કોંગ્રેસ સાંસદ રાહુલ ગાંધીએ કહ્યું કે 19 વર્ષના અનુભવમાં મેં મણિપુરમાં જે જોયું અને સાંભળ્યું છે, તે પહેલાં ક્યારેય જોયું નથી. મેં સંસદમાં કહ્યું- પીએમ અને ગૃહમંત્રીએ મણિપુરમાં ભારત માતાની હત્યા કરી, ભારતને બરબાદ કર્યું. આ ખાલી શબ્દો નથી. જ્યારે અમે મણિપુરમાં મેતૈઈ વિસ્તારની મુલાકાત લીધી ત્યારે અમને સ્પષ્ટપણે કહેવામાં આવ્યું હતું કે જો અમારી સુરક્ષા ટુકડી પાસે કોઈ કૂકી હોય તો તેને અહીં લાવવામાં ન આવે કારણ કે તેઓ તે વ્યક્તિને મારી નાખશે. જ્યારે અમે કુકી પ્રદેશમાં ગયા ત્યારે અમને કહેવામાં આવ્યું કે જો અમે કોઈ પણ મેતૈઇ લોકોને સાથે લાવશો તો તેઓ તેઓ તેમને ગોળી મારી દેશે. રાહુલે કહ્યું કે આ એક રાજ્ય નથી, બે રાજ્યો છે. રાજ્યની હત્યા થઇ ગઇ છે અને તેની હિંમત વધારી દેવામાં આવી છે.
મણિપુર સળગી રહ્યું છે પણ વડાપ્રધાન હસી રહ્યા છે – રાહુલ ગાંધી
રાહુલે કહ્યું કે ભારતીય સેના આ નાટકને 2 દિવસમાં બંધ કરી શકે છે પરંતુ પીએમ મણિપુરને સળગાવવા માંગે છે અને આગ ઓલવવા માંગતા નથી. મણિપુર હિંસા પર પૂર્વ કોંગ્રેસ અધ્યક્ષે કહ્યું કે ગઈકાલે પીએમ મોદીએ સંસદમાં લગભગ 2 કલાક 13 મિનિટ સુધી વાત કરી હતી. અંતમાં તેમણે મણિપુર પર 2 મિનિટ સુધી વાત કરી. મણિપુર મહિનાઓથી સળગી રહ્યું છે, લોકોની હત્યા થઈ રહી છે, બળાત્કાર થઈ રહ્યા છે પરંતુ વડાપ્રધાન હસતા હતા, જોક્સ સંભળાવી રહ્યાં હતા. તે તેમને શોભા આપતું નથી.
આ પણ વાંચો-સંસદમાં પીએમ મોદીએ મરચા મુદ્દે ગાંધી પરિવારને ઘેર્યો હતો, જાણો શું છે લાલ અને લીલા મરચાનું રહસ્ય
રાહુલ ગાંધીએ કહ્યું કે જ્યારે કોઈ પીએમ બને છે તો તે રાજકારણી નથી રહેતો.
કોંગ્રેસના સાંસદે કહ્યું કે વડાપ્રધાન ઓછામાં ઓછું મણિપુર જઈ શક્યા હોત, સમુદાયો સાથે વાત કરી શક્યા હોત અને કહ્યું હોત કે હું તમારો પીએમ છું, ચાલો વાત કરીએ પરંતુ મને તેમનો કોઈ આવો ઈરાદો દેખાતો નથી. સવાલ એ નથી કે પીએમ મોદી 2024માં પીએમ બનશે કે કેમ, સવાલ મણિપુરનો છે જ્યાં બાળકો, લોકોની હત્યા થઈ રહી છે.
LIVE: Media Interaction | AICC HQ, New Delhi https://t.co/Hjv6rW5ser
— Rahul Gandhi (@RahulGandhi) August 11, 2023
રાહુલ ગાંધીએ કહ્યું કે જ્યારે કોઈ પીએમ બને છે તો તે રાજકારણી રહેતો નથી. તે દેશના અવાજનો પ્રતિનિધિ બને છે. રાજકારણને બાજુ પર રાખવું જોઈએ અને પીએમ મોદીએ એક ક્ષુદ્ર રાજકારણી તરીકે નહીં પરંતુ વડાપ્રધાન તરીકે બોલવું જોઈએ. પોતાની પાછળ રહેલા ભારતીય લોકોના વજન સાથે બોલવું જોઈએ. પીએમ સમજી શકી રહ્યાં નથી કે, અસલમાં તેઓ શું છે.
આ પણ વાંચો-હિમાચલના ચંબામાં મોટો અકસ્માત પોલીસની જીપ નદીમાં ખાબકી, 6 પોલીસ કર્મીના મોત; 4 ગંભીર
