મસ્તીખોર ડોલ્ફિન સાથે માણસ આસાનીથી રહી શકે છે તો પછી ખતરનાક શાર્ક કેમ એનાથી ડરે છે?

• સમુદ્રની અંદર જીવોની લાખો પ્રજાતિઓમાં શાર્ક સૌથી ખતરનાક પ્રાણી 

HD ન્યૂઝ ડેસ્ક, 17 ઑગસ્ટ: સમુદ્રની અંદર જીવોની લાખો પ્રજાતિ જોવા મળે છે. જેમાં શાર્કને સૌથી ખતરનાક માનવામાં આવે છે. જો કોઈ શાર્ક કોઈ વ્યક્તિ પર હુમલો કરે છે, તો તે વ્યક્તિના બચવાની શક્યતા ઘણી ઓછી છે. પરંતુ શું તમે જાણો છો કે શાર્ક ડોલ્ફિનથી કેમ ડરે છે? હા, શાર્ક જેવી માછલીઓ ડોલ્ફિનથી ડરે છે.

શાર્ક

દરિયામાં માછલીઓની સેંકડો નાની-મોટી પ્રજાતિઓ જોવા મળે છે. જેમાં શાર્ક માછલીને સૌથી ખતરનાક માછલી માનવામાં આવે છે, કારણ કે શાર્ક સમુદ્રમાં સૌથી ઝડપી શિકાર કરનાર પ્રાણી છે. તેના તીક્ષ્ણ દાંત એટલા તીક્ષ્ણ હોય છે કે, તે હોડીને પણ તોડી શકે છે. ઉલ્લેખનીય છે કે, સામાન્ય રીતે શાર્ક માત્ર માછલીઓ અને દરિયામાં રહેતા અનેક જીવોનો શિકાર કરે છે. પરંતુ જ્યારે કોઈ સર્ફર સમુદ્રની લહેરોમાં ડૂબકી મારવા જાય છે, ત્યારે તે સ્થિતિમાં શાર્ક માણસોને પણ પોતાનો શિકાર બનાવે છે. હવે પ્રશ્ન એ છે કે શાર્ક ડોલ્ફિનથી ડરે છે કેમ?

શાર્ક ડોલ્ફિનથી ડરે છે

મહત્ત્વપૂર્ણ છે કે, શાર્ક હંમેશા સમુદ્રમાં એકલી તરે છે, પરંતુ ડોલ્ફિન હંમેશા સમૂહમાં તરે છે. તે જ સમયે, જો કોઈ શાર્ક ડોલ્ફિન પર હુમલો કરવાનો પ્રયાસ કરે છે, તો ડોલ્ફિનનું ગ્રુપ તેને બચાવવા માટે પ્રયાસ કરવાનું શરૂ કરે છે. ડોલ્ફિનની તીક્ષ્ણ ચાંચનું હાડકું ખૂબ જ મજબૂત હોય છે. તેથી જ્યારે શાર્ક તેમનો શિકાર કરવાનો પ્રયાસ કરે છે, ત્યારે તેના પેટમાં ખરાબ રીતે ઇજા થાય છે. આટલું જ નહીં, ડોલ્ફિન સ્વિમિંગમાં ઝડપી હોય છે, જેના કારણે તેઓ ઝડપથી તરીને તેમના સમૂહની નજીક પહોંચી જાય છે, જે તેમને શાર્કથી બચાવે છે. સાથે જ ડોલ્ફિનનું મગજ પણ તેજ હોય ​​છે.

શાર્ક શા માટે માણસો પર હુમલો કરે છે?

મળતી માહિતી અનુસાર, જ્યારે એક સ્વિમર સ્વિમસૂટ પહેરીને જાય છે, ત્યારે શાર્ક તેને સીલ (સમુદ્ર પ્રાણી) સમજીને તેના પર હુમલો કરે છે. વિજ્ઞાની એચ. ડેવિડ બાલ્ડ્રિજે સૌપ્રથમ શાર્ક માણસોને સીલ સમજવાની ભૂલ કરે છે તેઓ વૈજ્ઞાનિક સિદ્ધાંત આપ્યો હતો, જેને મિસ્ટેકન આઇડેન્ટિટી થિયરી તરીકે પણ ઓળખવામાં આવે છેઉલ્લેખનીય છે કે, શાર્કની લગભગ 530 પ્રજાતિઓ છે. તેમની વચ્ચે પણ અનેક પ્રકારની પેટા જાતિઓ હોય છે. દરેકનું વર્તન, વસ્તુઓ અનુભવવાની રીત અને શિકાર પણ અલગ-અલગ હોય છે. સફેદ શાર્ક એકદમ સાફ પાણીમાં શિકાર કરે છે. કહેવાય છે કે, જો તમે દરિયામાં સ્વિમિંગ કરતા હોવ તો તમારે એકલા ન તરવું જોઈએ, દરિયામાં ઓછામાં ઓછા બે લોકો હોવા જોઈએ.

આ પણ જૂઓ: PIN કોડ ક્યારે, કેવી રીતે અમલમાં આવ્યા? જાણો ઈન્ટરનેટના યુગમાં પણ પિનકોડનું મહત્ત્વ