બંગાળની કેબિનેટમાં મમતા બેનર્જીએ કર્યો મોટો ફેરફાર, બાબુલ સુપ્રિયો સહિત 6 મંત્રીઓના પોર્ટફોલિયો બદલાયા

પશ્ચિમ બંગાળની કેબિનેટમાં મોટો ફેરફાર કરવામાં આવ્યો હતો. મુખ્યમંત્રી મમતા બેનર્જીએ 6 મંત્રીઓના પોર્ટફોલિયોમાં ફેરફાર કર્યા છે. જેમાં બાબુલ સુપ્રિયો પાસેથી પર્યટન વિભાગ લેવામાં આવ્યું હતું અને તેમને રિન્યુએબલ એનર્જી વિભાગ આપવામાં આવ્યું હતું. ઈન્દ્રનીલ સેનને ટુરીઝમ ડિપાર્ટમેન્ટ મળ્યું.

જ્યોતિપ્રિયા મલિક, જેમની પાસે વન વિભાગ હતો, તેમને હવે ઔદ્યોગિક પુનર્જીવન વિભાગનો વધારાનો હવાલો સોંપવામાં આવ્યો છે. પંચાયત વિભાગ સંભાળતા પ્રદીપ મજમુદારને સહકારી વિભાગનો વધારાનો હવાલો સોંપવામાં આવ્યો હતો.

કયા મંત્રીને કયો વિભાગ આપવામાં આવ્યો?

અરૂપ રાય પાસે સહકારી વિભાગ હતો, હવે તેમને ફૂડ પ્રોસેસિંગ આપવામાં આવ્યું છે. ગુલામ રબ્બાની પાસેથી ઉદ્યોગ અને બાગાયત વિભાગ પાછું ખેંચી લેવામાં આવ્યું હતું. હાલ તેઓ કોઈપણ વિભાગ વિના મંત્રી રહેશે.

ધૂપગુરી માટે સીએમએ કરી મોટી જાહેરાત

પશ્ચિમ બંગાળના મુખ્યમંત્રી મમતા બેનર્જીએ ધૂપગુરીને સબ ડિવિઝનનો દરજ્જો આપવાની વાત કરી હતી. “મને જણાવતા આનંદ થાય છે કે અમારા વચન મુજબ ધૂપગુરીને આ વર્ષના અંત સુધીમાં સત્તાવાર રીતે સબડિવિઝનનો દરજ્જો મળશે,”

મુખ્યમંત્રીએ વધુમાં જણાવ્યું હતું કે, “આ સીમાચિહ્નરૂપ સ્થાનિક શાસનમાં સુધારાઓ લાવશે અને પ્રદેશમાં વિકાસના નવા માર્ગો ખોલશે. ધૂપગુરીના સમૃદ્ધ ભવિષ્યને આકાર આપવામાં અમારું સમર્પણ અડગ છે.” તમને જણાવી દઈએ કે પશ્ચિમ બંગાળની ધૂપગુરી વિધાનસભા સીટની પેટાચૂંટણીમાં ટીએમસીનો વિજય થયો છે.

પેટાચૂંટણીમાં ટીએમસીનો વિજય થયો 

8 સપ્ટેમ્બરના રોજ જાહેર થયેલા ચૂંટણી પરિણામોમાં TMC ઉમેદવાર નિર્મલ ચંદ્ર રોયે ભાજપની તાપસી રોયને હરાવ્યા. આ જીત માટે ધૂપગુરીના લોકોનો આભાર માનતા મુખ્યમંત્રીએ કહ્યું હતું કે બંગાળે પોતાનો જનાદેશ બતાવ્યો છે અને ટૂંક સમયમાં ભારત પણ તેની પ્રાથમિકતા બતાવશે.