ખરાબ હવામાનમાં ફસાયું મમતા બેનર્જીનું હેલિકોપ્ટર; આર્મી એરબેઝ પર ઇમરજન્સી લેન્ડિંગ

Mamata Banerjee Chopper Landing: પશ્ચિમ બંગાળના મુખ્યમંત્રી મમતા બેનર્જીને લઈ જઈ રહેલા હેલિકોપ્ટરનું ઈમરજન્સી લેન્ડિંગ કરવામાં આવ્યું છે. સીએમ મમતા બેનર્જી જલપાઈગુડીના ક્રીન્તિમાં જનસભાને સંબોધિત કર્યા બાદ બાગડોગરા જઈ રહ્યા હતા. વરસાદના કારણે વિઝિબિલિટી ખૂબ જ ઓછી થઈ ગઈ હતી, ત્યારબાદ તેમના હેલિકોપ્ટરને ઉત્તર બંગાળના સલુગરામાં આર્મી એરબેઝ પર ઈમરજન્સી લેન્ડિંગ કરવું પડ્યું હતું.

TMC નેતા રાજીબ બેનર્જીનું કહેવું છે કે તેઓ સુરક્ષિત છે. મળતી માહિતી મુજબ સીએમ મમતા બેનર્જી હવે રોડ માર્ગે કોલકાતા આવી રહ્યા છે.

જલપાઈગુડીમાં ભાજપ પર સાધ્યું નિશાન

મમતા બેનર્જીએ મંગળવારે (27 જૂન) પંચાયત ચૂંટણીને લઈને જલપાઈગુડીમાં એક રેલીને સંબોધિત કરી હતી. તેમણે ભાજપ પર પ્રહાર કરતા કહ્યું કે ભાજપને પોતાની હારનો અહેસાસ થઈ ગયો છે, તેથી જ તે વિવિધ સમુદાયો અને સંગઠનો સુધી પહોંચવાનો પ્રયાસ કરી રહી નથી.

પશ્ચિમ બંગાળમાં 8મી જુલાઈના રોજ પંચાયત ચૂંટણી માટે નામાંકન થવાનું છે. અગાઉ નોમિનેશન દરમિયાન રાજ્યના વિવિધ ભાગોમાંથી હિંસાના અહેવાલો આવ્યા હતા. હિંસા અંગે ભાજપ હાઈકોર્ટમાં ગઈ હતી, જ્યાંથી કેન્દ્રીય અર્ધલશ્કરી દળોની તૈનાતીનો આદેશ જારી કરવામાં આવ્યો હતો. હાઇકોર્ટના નિર્ણય સામે પશ્ચિમ બંગાળ સરકાર અને રાજ્ય ચૂંટણી પંચે સુપ્રીમ કોર્ટનો સંપર્ક કર્યો હતો પરંતુ કોઈ રાહત મળી ન હતી.

પીએમ મોદી પર લગાવ્યા આરોપ

એક દિવસ પહેલા સોમવારે મમતા બેનર્જીએ પીએમ મોદી પર પ્રહારો કર્યા હતા. પીએમ મોદીના યુએસ પ્રવાસ પર નિશાન સાધતા સીએમ મમતાએ કહ્યું કે, મોદી બાબુ અમેરિકા જઈને પૈસા બર્બાદ કરી રહ્યા છે. ક્યારેક તેઓ રશિયા જાય છે, તો ક્યારેક અન્ય જગ્યાએ જતાં રહે છે તો બીજી બાજું અહીં આપણા લોકોને પૈસા મળી રહ્યાં નથી.

આ પણ વાંચો- સબ-જુનિયર ગુજરાત સ્ટેટ એક્વેટિક ચેમ્પિયનશિપ 2023માં અમદાવાદી સ્પર્ધકોએ મારી બાજી; જીત્યા 70થી વધારે મેડલ