મમતા બેનર્જીએ ‘વન નેશન, વન ઈલેક્શન’ પર પોતાનું વલણ સ્પષ્ટ કર્યું
પશ્ચિમ બંગાળ, 11 જાન્યુઆરી 2024ઃ પશ્ચિમ બંગાળના મુખ્યમંત્રી મમતા બેનર્જીએ ‘વન નેશન, વન ઈલેક્શન’ પર પોતાનું વલણ સ્પષ્ટ કર્યું. તેમણે કહ્યું કે એક દેશ, એક ચૂંટણી યોગ્ય નથી. આ ભારતના બંધારણીય મૂળભૂત માળખાની વિરુદ્ધ હશે.
Mamata Banerjee writes to Kovind-led panel opposing One Nation, One Election @DeccanHerald https://t.co/6VGeUKhKQW pic.twitter.com/oXz4As1Tky
— Shemin (@shemin_joy) January 11, 2024
TMCના વડા મમતા બેનર્જીએ ભૂતપૂર્વ રાષ્ટ્રપતિ કોવિંદની આગેવાની હેઠળની સમિતિને ‘વન નેશન, વન ઈલેક્શન’ને લઈને લખેલા પત્રમાં જણાવ્યું હતું કે, અમે એક સાથે ચૂંટણી યોજવા સાથે સહમત નથી. વર્ષ 1952માં લોકસભા અને વિધાનસભાની ચૂંટણીઓ એક સાથે યોજાઈ હતી. આ ઘણા વર્ષો સુધી ચાલુ રહ્યું, પરંતુ પછીથી તે ટકી શક્યું નહીં.
મમતા બેનર્જીએ શું કહ્યું?
મમતા બેનર્જીએ વધુમાં જણાવ્યું હતું કે, “એક સાથે સંઘ અને રાજ્યની ચૂંટણીઓ ન યોજવી એ વેસ્ટમિન્સ્ટર શાસન પ્રણાલીની મૂળભૂત વિશેષતા છે. આ બદલવું જોઈએ નહીં. ટૂંકમાં, એક સાથે ચૂંટણી ન યોજવી એ ભારતીય બંધારણીય વ્યવસ્થાના મૂળભૂત માળખાનો એક ભાગ છે.
સમિતિનું શું કામ છે?
સમિતિનું કામ લોકસભા, વિધાનસભા, મ્યુનિસિપલ સંસ્થાઓ અને પંચાયતોની ચૂંટણીઓ એકસાથે યોજવાની શક્યતા પર વિચારણા અને ભલામણ કરવાનું છે. કમિટી એ વાતનો પણ અભ્યાસ કરશે કે શું બંધારણમાં સુધારો કરવા માટે રાજ્યોની મંજૂરીની જરૂર પડશે.
જમ્મુ-કાશ્મીરમાં પૂર્વ CM મહેબૂબા મુફ્તીની કારને નડ્યો ગંભીર અકસ્માત
પૂર્વ રાષ્ટ્રપતિ રામનાથ કોવિંદના નેતૃત્વ હેઠળની ઉચ્ચ સ્તરીય સમિતિએ રાજકીય પક્ષોને પત્ર લખીને આ મુદ્દે તેમના વિચારો વ્યક્ત કરવા કહ્યું હતું. આ સમિતિના સભ્યોમાં ગૃહ પ્રધાન અમિત શાહ, ભૂતપૂર્વ નાણાં પંચના અધ્યક્ષ એનકે સિંહ, સુભાષ સી કશ્યપ, હરીશ સાલ્વે, સંજય કોઠારી, કોંગ્રેસના સાંસદ અધીર રંજન ચૌધરી અને ભૂતપૂર્વ કેન્દ્રીય પ્રધાન ગુલામ નબી આઝાદ છે. જોકે, બાદમાં અધીર રંજન ચૌધરીએ પોતાનું નામ પાછું ખેંચી લીધું હતું.
