PM મોદી પર વાંધાજનક ટિપ્પણી કરવા બદલ માલદીવના ત્રણ મંત્રી સસ્પેન્ડ
માલે (માલદીવ), 07 જાન્યુઆરી: માલદીવ સરકારે ભારતના વડા પ્રધાન નરેન્દ્ર મોદી વિશે ‘અપમાનજનક’ ટિપ્પણી કરવા બદલ મરિયમ શિઉના સહિત તેના ત્રણ પ્રધાનોને સસ્પેન્ડ કર્યા છે. માલદીવના સ્થાનિક મીડિયા એટોલ ટાઈમ્સે અહેવાલ આપ્યો છે કે મુઈઝુ સરકારે તેના ત્રણ મંત્રીઓ સામે આ કડક કાર્યવાહી કરી છે. જેમાં મરિયમ શિઉના, માલશા અને હસન જીહાનનો સમાવેશ થાય છે. આ નેતાઓએ વડાપ્રધાન મોદીની લક્ષદ્વીપ મુલાકાતને લઈને વાંધાજનક ટિપ્પણી કરી હતી. ભારતના પ્રવાસન ક્ષેત્રમાં સુવિધાઓ અંગે પણ ટિપ્પણીઓ કરી હતી. આ પછી #BoycottMaldives સોશિયલ મીડિયા પર ટ્રેન્ડ થવા લાગ્યું હતું.
https://t.co/I3CcBBhcf8
Maldives suspends 3 officials over ‘derogatory’ India remarks— Atolls Times (@atolltimes) January 7, 2024
PM મોદી પર ટિપ્પણી કરતાં માલદીવમાં પ્રવાસીઓ ઘટ્યા
અગાઉ, માલદીવ સરકારે એક નિવેદન જારી કરીને પીએમ નરેન્દ્ર મોદીની લક્ષદ્વીપની મુલાકાત અંગે મંત્રી મરિયમ શિઉનાની ટિપ્પણીઓ પર પોતાનું વલણ સ્પષ્ટ કર્યું હતું. માલદીવે કહ્યું છે કે તેઓ આવી “અપમાનજનક ટિપ્પણી” કરનારાઓ સામે કાર્યવાહી કરવામાં અચકાશે નહીં કારણ કે પીએમ મોદી પર તેમના મંત્રીની ટિપ્પણીને પગલે દેશમાં અચાનક પ્રવાસીઓની સંખ્યા ઓછી થઈ ગઈ છે. રવિવારે એક નિવેદનમાં માલદીવના વિદેશ મંત્રાલયે જણાવ્યું કે તેઓ “વિદેશી નેતાઓ અને ઉચ્ચ પદની વ્યક્તિઓ વિરુદ્ધ સોશિયલ મીડિયા પ્લેટફોર્મ પર અપમાનજનક ટિપ્પણીઓથી વાકેફ છે.
Former Foreign Minister of Maldives Abdulla Shahid tweets “Derogatory remarks made by 2 Deputy Ministers of the current Maldives Government, and a member of a political party in the ruling coalition, towards Prime Minister Narendra Modi and the people of India in social media is… pic.twitter.com/hqUG8sdEGZ
— ANI (@ANI) January 7, 2024
ભારત-માલદીવ વચ્ચેના સંબંધોમાં તણાવ
માલદીવમાં મોહમ્મદ મુઈઝુ પ્રમુખ બન્યા ત્યારથી બંને દેશો વચ્ચેના સંબંધોમાં કડવાશ જોવા મળી રહી છે. મુઈઝુને ચીનના સમર્થક માનવામાં આવે છે. લગભગ 2 મહિના પહેલા માલદીવના પ્રમુખ બન્યા બાદ મુઈઝુએ ભારતીય સેનાને પોતાના દેશમાંથી હટાવવાનો પહેલો નિર્ણય લીધો હતો. તેઓ વારંવાર ભારત વિરોધી નિવેદનો આપવા માટે જાણીતા છે. મુઈઝુએ માલદીવ સરકારની પરંપરા તોડીને અને બે મુસ્લિમ દેશની મુલાકાત લેવાનો નિર્ણય કરીને ભારત સાથેના સંબંધો વધુ બગાડ્યા. મુસ્લિમ દેશ તુર્કીની પ્રથમ મુલાકાત લીધા બાદ મુઈઝુએ હવે ભારતને અવગણીને 8 જાન્યુઆરીએ ચીનની મુલાકાત લેવાને પ્રાથમિકતા આપી છે.
આ પણ વાંચો: માલદીવ-લક્ષદ્વીપ વિવાદઃ અક્ષય કુમાર, તેંડુલકર, સલમાન સહિત ટોચના સેલિબ્રિટી કૂદી પડ્યા
