વણસેલા સંબંધો વચ્ચે માલદીવની ભારતીયોને વિનંતી: કૃપા કરીને અમારા પર્યટનનો એક ભાગ બનો

• માલદીવના પ્રવાસન મંત્રીએ ભારતીયોને તેમના દેશમાં આવવા અને અર્થતંત્રમાં યોગદાન આપવા કહ્યું 

માલે (માલદીવ), 7 મે: તણાવપૂર્ણ દ્વિપક્ષીય સંબંધો અને ભારતીય પ્રવાસીઓની સંખ્યામાં ઘટાડો વચ્ચે દ્વીપસમૂહ દેશ માલદીવના પ્રવાસન પ્રધાને ભારતીયોને તેમના દેશમાં આવવા અને અર્થતંત્રમાં યોગદાન આપવા વિનંતી કરી છે. ન્યૂઝ એજન્સી સાથેની મુલાકાતમાં, માલદીવના પ્રવાસન મંત્રી ઈબ્રાહિમ ફૈઝલે તેમના દેશ અને ભારત વચ્ચેના ઐતિહાસિક સંબંધો પર ભાર મૂક્યો હતો. તેમણે કહ્યું કે, “અમારો ઈતિહાસ છે. અમારી નવી ચૂંટાયેલી સરકાર પણ ભારત સાથે મળીને કામ કરવા માંગે છે. અમે હંમેશા શાંતિ અને મૈત્રીપૂર્ણ વાતાવરણને પ્રોત્સાહિત કરીએ છીએ. અમારા લોકો અને સરકાર ભારતમાંથી લોકોના આગમનનું ઉષ્માભર્યું સ્વાગત કરશે. પ્રવાસન મંત્રી તરીકે, હું ઈચ્છું છું કે ભારતીયોને કહો કે કૃપા કરીને માલદીવના પ્રવાસનનો એક ભાગ બનો, અમારું અર્થતંત્ર પ્રવાસન પર નિર્ભર કરે છે.”

VIDEO | Here’s what Tourism Minister of Maldives Ibrahim Faisal said on India-Maldives relations.

“We have a history. Our newly elected government also wants to work together (with India). We always promote peace and a friendly environment. Our people and the government will… pic.twitter.com/xFgEkgEunv

— Press Trust of India (@PTI_News) May 6, 2024

પર્યટન મંત્રાલયના ડેટા અનુસાર, માલદીવમાં 4 મે સુધીમાં ભારતમાંથી કુલ 43,991 પ્રવાસીઓ આવ્યા હતા. ગયા વર્ષે જાન્યુઆરીથી એપ્રિલની વચ્ચે માલદીવમાં 73,785 પ્રવાસીઓનું આગમન નોંધાયું હતું. આ વર્ષે આ સંખ્યા 42,638 છે.

PM મોદીની લક્ષદ્વીપની મુલાકાત બાદ વિવાદ ઊભો થયો  

PM મોદીએ 6 જાન્યુઆરીએ તેમના X હેન્ડલ પર ભારતના પશ્ચિમ કિનારે લક્ષદ્વીપની તસવીરો અને વીડિયો પોસ્ટ કર્યા પછી, માલદીવના ત્રણ અધિકારીઓએ સોશિયલ મીડિયા પર ભારત અને વડાપ્રધાન નરેન્દ્ર મોદીની ટીકા કરી, તેમની સામે અપમાનજનક ટિપ્પણી કરી હતી. આ પછી લોકોએ માલદીવનો બૉયકોટ કર્યો હતો. ઘણી હસ્તીઓ સહિત લાખો ભારતીયોએ માલદીવની મુલાકાત લેવાની તેમની યોજનાઓ રદ્દ કરી દીધી. પ્રવાસન આગમનના આંકડા દર્શાવે છે કે એક મોટો પ્રવાસી દેશ હોવા છતાં ભારતનું સ્થાન જાન્યુઆરી પછી પહેલાથી છઠ્ઠા સ્થાને આવી ગયું હતું.

અહેવાલ મુજબ, ગયા વર્ષના પ્રથમ ચાર મહિનાની સરખામણીએ આ વર્ષના પ્રથમ ચાર મહિનામાં ભારતમાંથી આવતા પ્રવાસીઓની સંખ્યામાં 42 ટકાનો ઘટાડો થયો છે.આ વર્ષની શરૂઆતમાં ભારત માલદીવ માટે ટોચનું ટૂરિસ્ટ માર્કેટ હતું.  માત્ર વર્ષના ટૂંકા ગાળામાં, ભારત ટોચના પ્રવાસી બજારોમાંથી છઠ્ઠા સ્થાને આવી ગયું છે. ગયા વર્ષે નવેમ્બરમાં પ્રમુખ મોહમ્મદ મુઇઝઝૂના નેતૃત્વમાં નવા વહીવટીતંત્રે સત્તા સંભાળ્યા પછી ભારત અને માલદીવ વચ્ચે તનાવપૂર્ણ સંબંધોને ભારતીય પ્રવાસીઓમાં તીવ્ર ઘટાડો થવા માટે જવાબદાર ઠેરવવામાં આવે છે.

પ્રમુખ મુઇઝઝૂની ઈન્ડિયા આઉટની નીતિથી વિવાદ વધુ વકર્યો 

પ્રમુખ મુઇઝઝૂ, જેને વ્યાપકપણે ચીન તરફી નેતા તરીકે જોવામાં આવે છે, તેમણે નવેમ્બરમાં પ્રમુખ તરીકેનો કાર્યભાર સંભાળ્યા બાદ કહ્યું હતું કે, તેઓ ભારતીય સૈન્ય કર્મચારીઓને દેશમાંથી હાંકી કાઢવાના તેમના ચૂંટણી વચનનું પાલન કરશે. આ પછી ભારત-માલદીવના સંબંધો તંગ બનવા લાગ્યા. સત્તામાં આવ્યા પછી તરત જ, મુઇઝઝૂએ માલદીવને ભારત દ્વારા ભેટમાં આપેલા ત્રણ ઉડ્ડયન પ્લેટફોર્મ પર તૈનાત 88 ભારતીય સૈન્ય કર્મચારીઓને પાછા ખેંચવાની ફરજ પડી. તેમણે અગાઉ ભારત પર માલદીવની બાબતોમાં હસ્તક્ષેપ કરવાનો આરોપ મૂક્યો હતો અને ગયા વર્ષે સપ્ટેમ્બરમાં ‘ઈન્ડિયા આઉટ’ અભિયાનથી પ્રમુખની ચૂંટણી જીતી હતી. માલદીવ હિન્દ મહાસાગર ક્ષેત્ર (IOR)માં ભારતનો મુખ્ય દરિયાઈ પડોશી છે અને મોદી સરકારની ‘SAGAR’ (સુરક્ષા અને ક્ષેત્રમાં બધા માટે વૃદ્ધિ) અને ‘નેબરહુડ ફર્સ્ટ પોલિસી’ જેવી તેની પહેલોમાં વિશેષ સ્થાન ધરાવે છે.

આ પણ જુઓ: ઝારખંડ કેશ કાંડમાં મંત્રી આલમગીરના સચિવ અને નોકરની ધરપકડ, 35 કરોડ રિકવર