છત્તીસગઢમાં સુરક્ષાદળોની નક્સલવાદીઓ સામે મોટી સ્ટ્રાઈક: 8 નક્સલીઓ ઠાર, 1 જવાન શહીદ
- નારાયણપુર વિસ્તારના અબુઝહમદમાં પોલીસ અને નક્સલવાદીઓ વચ્ચે અથડામણ થઈ
છત્તીસગઢ, 15 જૂન: છત્તીસગઢના નારાયણપુર વિસ્તારના અબુઝહમદમાં પોલીસ અને નક્સલવાદીઓ વચ્ચેની અથડામણમાં આઠ નક્સલવાદીઓ માર્યા ગયા છે. મળતી માહિતી મુજબ, નારાયણપુર જિલ્લાના માડ વિસ્તારમાં છેલ્લા બે દિવસથી સુરક્ષા દળો અને નક્સલવાદીઓ વચ્ચે એન્કાઉન્ટર ચાલી રહ્યું છે. આ એન્કાઉન્ટરમાં, નારાયણપુર-કોંડાગાંવ-કાંકેર-દંતેવાડા DRG, STF અને ITBP 53મી બટાલિયનના દળો સામેલ છે અને નક્સલવાદીઓ સામે ઝડપી કાર્યવાહી કરવામાં આવી રહી છે. પોલીસ અધિકારીઓએ જણાવ્યું છે કે સુરક્ષા દળો સાથેની અથડામણમાં અત્યાર સુધીમાં કુલ 8 નક્સલવાદીઓ માર્યા ગયા છે અને સેનાનો એક જવાન પણ ફરજ પર શહીદ થયા છે. બે જવાનો ઘાયલ થયા છે.
#UPDATE | A total of 8 naxals killed so far in an encounter with security forces in Abujhmarh. One jawan died in the line of duty, two injured: Police official#Chhattisgarh
— ANI (@ANI) June 15, 2024
મળતી માહિતી મુજબ, છત્તીસગઢના નક્સલ પ્રભાવિત બસ્તર વિસ્તારમાં વિસ્ફોટની અલગ-અલગ ઘટનાઓ પણ બહાર આવી છે જેમાં સુરક્ષા દળોના ત્રણ જવાન ઘાયલ થયા છે. બસ્તરમાં લેન્ડમાઈન વિસ્ફોટમાં ITBPના બે જવાન ઘાયલ થયા હતા, જ્યારે બીજાપુરમાં પ્રેશર બોંબ વિસ્ફોટમાં સુરક્ષા દળનો એક જવાન ઘાયલ થયો હતો.
અબુઝહમદ દુર્ગમ વિસ્તાર
ઉલ્લેખનીય છે કે, અબુઝહમદ એક પહાડી, જંગલ વિસ્તાર છે જે નારાયણપુર, બીજાપુર જિલ્લા અને દંતેવાડા જિલ્લામાં આવે છે. ભૌગોલિક રીતે આ એક મોટાભાગે દુર્ગમ વિસ્તાર છે અને આ વિસ્તાર માઓવાદી પ્રવૃત્તિઓનું કેન્દ્ર માનવામાં આવે છે. અહેવાલ મુજબ, અબુઝહમદના જંગલમાં આજે સવારે ગોળીબાર શરૂ થયો જ્યારે ચાર જિલ્લા – નારાયણપુર, કાંકેર, દંતેવાડા અને કોંડાગાંવના સુરક્ષા જવાનોની સંયુક્ત ટીમ નક્સલ વિરોધી અભિયાનમાં ગઈ હતી.
12 જૂને ઓપરેશન શરૂ થયું હતું
ડિસ્ટ્રિક્ટ રિઝર્વ ગાર્ડ (DRG), સ્પેશિયલ ટાસ્ક ફોર્સ (STF) અને ઈન્ડો-તિબેટિયન બોર્ડર પોલીસ (ITBP)ની 53મી બટાલિયન ચાર જિલ્લામાંથી નક્સલવાદીઓ વિરુદ્ધ ચલાવવામાં આવી રહેલા આ ઓપરેશનમાં સામેલ છે. આ ઓપરેશન 12 જૂને શરૂ કરવામાં આવ્યું હતું. પીપલ્સ લિબરેશન ગુરિલ્લા આર્મી (પીએલજીએ) કંપની નંબર પર સુરક્ષા દળો દ્વારા આ ઓપરેશન સૌથી મોટો હુમલો હતો, જેમાં છ નક્સલવાદીઓ માર્યા ગયા હતા. માર્યા ગયેલા નક્સલવાદીઓ પર કુલ 38 લાખ રૂપિયાનું ઈનામ હતું. છત્તીસગઢના નારાયણપુર જિલ્લામાં સુરક્ષા દળો દ્વારા છ માઓવાદીઓને માર્યા ગયાના થોડા દિવસ બાદ આ ઘટના બની છે.
આ પણ જુઓ: સામૂહિક આપઘાતની આશંકાઃ સુરતમાં એક જ પરિવારના 4 વૃદ્ધોના મોત, પોલીસ દોડતી થઈ
