કાશી વિશ્વનાથ મંદિરની નજીક માંસની દુકાનો પર મોટી કાર્યવાહી, 26 દુકાનો સીલ
- વારાણસીમાં કાશી વિશ્વનાથ મંદિરના પરિસરના 2 કિલોમીટરના વિસ્તારમાં માંસનું વેચાણ નહીં થાય. મ્યુનિસિપલ કોર્પોરેશને નોનવેજ વેચતી 26 દુકાનો સીલ કરી
વારાણસી, 2 માર્ચ: યુપીના વારાણસી સ્થિત કાશી વિશ્વનાથ મંદિરના પરિસરમાંથી મોટા સમાચાર પ્રકાશમાં આવ્યા છે. મંદિરના 2 કિલોમીટરના વિસ્તારમાં માંસના વેચાણ પર પ્રતિબંધ મુકવામાં આવ્યો છે. મ્યુનિસિપલ કોર્પોરેશને નોનવેજ વેચતી 26 દુકાનો પણ સીલ કરી દીધી છે. કાર્યવાહી કરતા વારાણસી મહાનગરપાલિકાએ શહેરના ન્યુ રોડ, બેનિયાબાગ વિસ્તારની માંસ અને ચિકનની 26 દુકાનો બંધ કરી દીધી છે.
શું છે સમગ્ર મામલો?
ગયા મહિને, મ્યુનિસિપલ કોર્પોરેશન દ્વારા એક ઠરાવ પસાર કરવામાં આવ્યો હતો જેમાં શ્રી કાશી વિશ્વનાથ મંદિર વિસ્તારની 2 કિલોમીટરની ત્રિજ્યામાં ચાલતી માંસ અને ચિકનની દુકાનોને બંધ કરવાનો આદેશ આપવામાં આવ્યો હતો. તે પસાર કરાયેલા ઠરાવના આદેશના અનુસંધાનમાં, પશુ ચિકિત્સા અધિકારી ડૉ. અજય પ્રતાપ સિંહે ગયા અઠવાડિયે બેનિયાબાગ અને ન્યુ રોડ વિસ્તારમાં માંસ અને ચિકનની દુકાનોનું નિરીક્ષણ કર્યું હતું.
આ પણ વાંચો: કાશી વિશ્વનાથ મહાદેવ મંદિરે ભક્તો માટે લાગુ પડશે ડ્રેસકોડ !
નિરીક્ષણ દરમિયાન, એવું જાણવા મળ્યું હતું કે ઓળખાયેલા 26 દુકાનદારોએ ફૂડ સેફ્ટી વિભાગ અને મ્યુનિસિપલ કોર્પોરેશન, વારાણસી પાસેથી કોઈ પરમિશન પણ લીધી ન હતી. ચકાસણી બાદ વેટરનરી ઓફિસર દ્વારા ગત સપ્તાહે તમામ દુકાનદારોને તેમની દુકાનો બંધ કરવા નોટિસ આપવામાં આવી હતી. પરંતુ તેમ છતાં દુકાનો સતત ચાલુ હતી. આ જ ક્રમમાં આજે વેટરનરી ઓફિસરની આગેવાનીમાં એન્ક્રોચમેન્ટ વિભાગ અને એન્ફોર્સમેન્ટ ટીમની મદદથી બેનિયાબાગ અને નવા રોડ વિસ્તારમાં આવેલી માંસ-ચિકનની 26 દુકાનો બંધ કરાવવામાં આવી છે.
આ પણ વાંચો: અબુ ધાબીમાં બનેલા પહેલા હિન્દુ મંદિરના દ્વાર ભક્તો માટે ખુલ્યા, PM મોદીએ કર્યું હતું ઉદ્ઘાટન
