ભારતીય ક્રિકેટ બોર્ડે લીધો મોટો નિર્ણય, ઘરેલું ક્રિકેટમાં થશે મોટા ફેરફારો

નવી દિલ્હી, તા. 23 ઓગસ્ટ, 2025: ભારતીય ક્રિકેટ કંટ્રોલ બોર્ડ (BCCI) એ સ્થાનિક વન-ડે ક્રિકેટ ટુર્નામેન્ટના ફોર્મેટમાં મોટો ફેરફાર કરવાનો નિર્ણય લીધો છે. હવે ડોમેસ્ટિક વન-ડે ટુર્નામેન્ટમાં ‘પ્લેટ ગ્રુપ સિસ્ટમ’ અમલમાં આવશે. આ ફેરફારો નવા ડોમેસ્ટિક ક્રિકેટ સીઝનથી લાગુ થશે, જેની શરૂઆત 28 ઓગસ્ટથી દુલિપ ટ્રોફી સાથે થઈ રહી છે. દુલિપ ટ્રોફીમાં 28 ઓગસ્ટના રોજ બે મેચ રમાશે: પહેલી મેચ નોર્થ ઝોન અને ઈસ્ટ ઝોન વચ્ચે, અને બીજી મેચ સેન્ટ્રલ ઝોન અને નોર્થ ઈસ્ટ ઝોન વચ્ચે.

ડોમેસ્ટિક ટુર્નામેન્ટ્સમાં નવા ફેરફારો શું છે?

અહેવાલ મુજબ, વિજય હઝારે ટ્રોફી, સિનિયર મહિલા વન-ડે ટ્રોફી અને અંડર-23 પુરુષ સ્ટેટ એ ટ્રોફી જેવી વન-ડે ટુર્નામેન્ટમાં તમામ ટીમોને ચાર એલિટ અને એક પ્લેટ ગ્રુપમાં વહેંચવામાં આવશે.

• નવી ગ્રુપ સિસ્ટમ: સૌથી નીચેની 6 ટીમો હવે પ્લેટ ગ્રુપમાં રહેશે.
• પ્રમોશન અને રેલિગેશન: પહેલાં દર સીઝનમાં પ્લેટ ગ્રુપમાંથી 2 ટીમો ઉપર જતી હતી અને 2 ટીમો નીચે આવતી હતી. હવે આ નિયમમાં ફેરફાર કરીને માત્ર 1 ટીમનું પ્રમોશન કે રેલિગેશન થશે.
• સુપર લીગ સ્ટેજ: સૈયદ મુશ્તાક અલી ટ્રોફી અને સિનિયર મહિલા T20 ટ્રોફીમાં પણ ફેરફાર કરવામાં આવ્યો છે. અહીં નોકઆઉટ સ્ટેજને બદલે ‘સુપર લીગ સ્ટેજ’ રજૂ કરવાનો નિર્ણય લેવામાં આવ્યો છે.
• રણજી ટ્રોફી: આ પહેલાં BCCIએ રણજી ટ્રોફી માટે પણ એલિટ અને પ્લેટ ગ્રુપ ફોર્મેટ લાગુ કરવાનો નિર્ણય લીધો હતો. 2025-26ની રણજી ટ્રોફી આ જ ફોર્મેટમાં રમાશે, જેની શરૂઆત ઓક્ટોબરમાં થશે.

BCCIએ આ નિર્ણય શા માટે લીધો?

ભારતમાં ડોમેસ્ટિક ક્રિકેટ સીઝનની શરૂઆત 28 ઓગસ્ટથી થશે અને તે 3 એપ્રિલ 2026 સુધી ચાલશે. આ ફેરફારો દ્વારા BCCI ડોમેસ્ટિક ક્રિકેટને વધુ સુધારવા માંગે છે.

• ખેલાડીઓને તક: આ નવા ફોર્મેટથી દરેક સ્તરની ટીમોનું પ્રદર્શન સુધરશે અને ઘણા નવા પ્રતિભાશાળી ખેલાડીઓ સામે આવશે. 2026માં ટીમ ઈન્ડિયાએ ઘણી મહત્વની વન-ડે મેચ રમવાની છે, અને આ ફેરફારોથી ઘણા ખેલાડીઓને રાષ્ટ્રીય ટીમમાં તક મળી શકે છે.
• મહિલા ક્રિકેટને પ્રોત્સાહન: આ ફેરફારોમાં માત્ર પુરુષો જ નહીં, પરંતુ મહિલા ક્રિકેટનો પણ સમાવેશ કરવામાં આવ્યો છે. તાજેતરના સમયમાં ભારતમાં મહિલા ક્રિકેટે પણ ઝડપી પ્રગતિ કરી છે. આ નવા ફોર્મેટથી ટીમોને પણ ફાયદો થશે અને તેઓ વધુ સારું પ્રદર્શન કરી શકશે.

From key changes 📋 to format updates 🔄 to new grouping formats 🗂️

Here are the key highlights ✨ of the 2025-26 domestic season 🏏@IDFCFIRSTBank pic.twitter.com/T2P5zDxsl5

— BCCI Domestic (@BCCIdomestic) August 22, 2025

આ પણ વાંચોઃ લખનઉ એરપોર્ટ પરથી થાઇલેન્ડમાં બ્લેકલિસ્ટેડ કરવામાં આવેલી મહિલા ઝડપાઈ, આ રીતે આવી હતી ભારત