મધ્યપ્રદેશના મોરેના જિલ્લાના બામોર પોલીસ સ્ટેશન વિસ્તાર હેઠળના જેતપુરા ગામમાં બે માળની ઇમારતમાં આવેલી ફટાકડાની ફેક્ટરીમાં બ્લાસ્ટ થતા ચાર લોકોના મોત થયા છે. જેમાં એક મહિલા, એક બાળક અને બે પુરૂષોનો સમાવેશ થાય છે. અકસ્માતમાં કાટમાળ નીચે અડધો ડઝન લોકો ફસાયા હોવાની આશંકા છે. માહિતી મળતા જ પ્રશાસન અને પોલીસની ટીમ પણ ઘટનાસ્થળે પહોંચી ગઈ છે અને કાટમાળ હટાવવાનું કામ શરૂ કરી દીધું છે.
Morena, MP | Explosion in an illegal firecracker factory in the Banmore Police Station area killed 3. One is missing, 7 have also been injured. People also suspected to be buried under debris: IG Chambal range, Rakesh Chawla pic.twitter.com/YkBoz7djQF
— ANI MP/CG/Rajasthan (@ANI_MP_CG_RJ) October 20, 2022
મળતી માહિતી મુજબ બામોર પોલીસ સ્ટેશન વિસ્તારના જેતપુરા ગામમાં બે માળના મકાનમાં આ ફટાકડાની ફેક્ટરી ગેરકાયદેસર રીતે ચાલી રહી હતી. અચાનક થયેલા વિસ્ફોટને કારણે આખું ઘર લપેટમાં આવી ગયું હતું, જેમાં ચાર લોકોના મોત થયા છે અને અડધા ડઝનથી વધુ લોકો ગંભીર રીતે ઘાયલ છે. જેઓ હજુ પણ કાટમાળ નીચે દટાયેલા છે. કાટમાળમાંથી બચાવી લેવામાં આવેલા ચાર લોકોને ગંભીર હાલતમાં ગ્વાલિયર રિફર કરવામાં આવ્યા છે.
Morena, MP | Cannot with confidence point out the reason for the blast, wether it was a firecracker or something else. Four have yet died, several of 7 injured are critical. At least one child who was buried under debris has been rescued: DM B Karthikeyan https://t.co/CZxCL704O5 pic.twitter.com/G24xkWesZL
— ANI MP/CG/Rajasthan (@ANI_MP_CG_RJ) October 20, 2022
વહીવટી તંત્ર રાહત કાર્યમાં વ્યસ્ત
ઘટનાની જાણકારી મળતા જ વહીવટીતંત્ર અને પોલીસની ટીમ ઘટનાસ્થળે પહોંચી અને રાહત કાર્ય શરૂ કર્યું. સ્થળ પર જેસીબી દ્વારા કાટમાળ હટાવવામાં આવી રહ્યો છે. આ કાટમાળમાં અડધો ડઝન લોકો અને કેટલાક બાળકો પણ ફસાયા હોવાની આશંકા છે. આ પ્રસંગે એસપી આશુતોષ બાગરી અને એસડીઓપી અને ટીઆઈ વીરેન્દ્ર કુશવાહા પણ હાજર છે.
