આરોગ્ય ક્ષેત્રે મહારાષ્ટ્ર સરકારનો મહત્વનો નિર્ણય, 14 વર્ષની દિકરીઓને આ રસી મફત આપશે

મુંબઈ, 1 માર્ચ : મહારાષ્ટ્રની ફડણવીસ સરકારે આરોગ્યના મોરચે એક મોટું પગલું ભરતાં 0-14 વર્ષની વયની છોકરીઓને મફતમાં કેન્સરની રસી આપવાની જાહેરાત કરી છે. શનિવારે આ માહિતી આપતાં રાજ્યના આરોગ્ય પ્રધાન પ્રકાશ આબિટકરે જણાવ્યું હતું કે બદલાતી જીવનશૈલીને કારણે કેન્સરના કેસ ઝડપથી વધી રહ્યા છે, અને હવે આ રોગ દરેક ઉંમરના લોકોને અસર કરી રહ્યો છે.

મંત્રી આબિટકરે જણાવ્યું હતું કે રાજ્ય સરકારે આ ગંભીર સમસ્યાનો સામનો કરવા માટે મફત કેન્સર રસીકરણ કાર્યક્રમ અમલમાં મૂકવાનો નિર્ણય કર્યો છે. અમે નાયબ મુખ્ય પ્રધાન અને નાણા પ્રધાન અજિત પવારને 0-14 વર્ષની વયની છોકરીઓને મફત કેન્સરની રસી આપવા વિનંતી કરી હતી. તેમણે તેને મંજૂરી આપી દીધી છે અને ટૂંક સમયમાં સરકાર તેનો અમલ કરશે.

એવું કહેવામાં આવી રહ્યું છે કે કેન્સરના કેસોમાં વધારો થવા માટે માત્ર ધૂમ્રપાન અથવા અન્ય નશાની લત જ જવાબદાર નથી, પરંતુ ખાવાની આદતો અને બદલાતી જીવનશૈલી પણ મુખ્ય કારણ બની રહી છે. ખાસ કરીને બાળકોમાં કેન્સરના વધતા જતા કેસોને ધ્યાનમાં રાખીને આ યોજના મહત્વપૂર્ણ માનવામાં આવે છે.

બર્ડ ફ્લૂ અંગે પણ એલર્ટ

દરમિયાન, રાજ્ય સરકારે પણ વિદર્ભમાં બર્ડ ફ્લૂના ખતરાને લઈને કડક પગલાં લેવાનું શરૂ કર્યું છે. ત્યાંના કાગડાઓમાં એવિયન ઈન્ફલ્યુએન્ઝા (બર્ડ ફ્લૂ)ની પુષ્ટિ થઈ છે, જો કે માનવોમાં તેના ચેપની કોઈ પુષ્ટિ થઈ નથી. અબિટકરે કહ્યું કે શંકાસ્પદ દર્દીના સેમ્પલ નેશનલ ઈન્સ્ટિટ્યૂટ ઓફ વાયરોલોજીમાં પરીક્ષણ માટે મોકલવામાં આવ્યા છે. વધુમાં તેમણે કહ્યું હતું કે સવચેતી તરીકે, અમે ચેપના ફેલાવાને રોકવા માટે અસરગ્રસ્ત વિસ્તારોમાં ચિકનની દુકાનો અસ્થાયી રૂપે બંધ કરી દીધી છે

ચિકન ખાવા અંગે સાવચેતી રાખવામાં આવી છે

અગાઉ, પુણેમાં ગુઇલેન-બેરે સિન્ડ્રોમ (GBS) ના કેસ નોંધાયા પછી, નાયબ મુખ્ય પ્રધાન અજિત પવારે લોકોને ઓછી રાંધેલી ચિકન ખાવાનું ટાળવાની અપીલ કરી હતી. જોકે આ રોગ અને ચિકન વચ્ચે કોઈ સ્પષ્ટ કડીની પુષ્ટિ થઈ નથી, તેમ છતાં સરકારે સાવચેતી રાખવાની સલાહ આપી છે.

આ પણ વાંચો :- બિલ્ડિંગ કન્સ્ટ્રક્શનને લઈને દિલ્હી સરકારનો મોટો નિર્ણય, હવે આ મંજૂરી લેવામાંથી છૂટકારો મળ્યો