પાકિસ્તાન, યુએઈ સહિત અનેક મુસ્લિમ દેશોમાં જોવા મળ્યો મહાકુંભનો ક્રેઝ

પ્રયાગરાજ, તા.12 જાન્યુઆરી, 2025: 13 જાન્યુઆરી, 2025થી પ્રયાગરાજમાં મહાકુંભ શરૂ થશે. મહાકુંભ મેળાનો ક્રેઝ વિશ્વના ઘણા મુસ્લિમ દેશોમાં પણ જોવા મળે છે. પાકિસ્તાન, કતાર, યુએઈ સહિત અન્ય દેશોમાં મહાકુંભ સંબંધિત માહિતી એકત્રિત કરવામાં આવી રહી છે. ગૂગલ ટ્રેન્ડીંગ ડેટા દર્શાવે છે કે આ દેશો સિવાય નેપાળમાં લોકોએ સાત દિવસમાં સૌથી વધુ મહાકુંભની સર્ચ કરી છે. દર 12 વર્ષે ઉજવાતો મહાકુંભનો તહેવાર દુનિયાભરમાંથી લાખો ભક્તોને આકર્ષિત કરી રહ્યો છે.

આવી સ્થિતિમાં વિદેશમાં રહેતા લોકોએ મહાકુંભની માહિતી માટે ઇન્ટરનેટનો લાભ લીધો છે. આમાં લોકોએ 2025 મહાકુંભ, મહાકુંભ મેળો, પ્રયાગરાજ મહાકુંભ, મહાકુંભ હોટેલ, મહાકુંભ સિટી, મહાકુંભ સ્થાન, મહાકુંભ પ્રયાગરાજ તારીખ, મહાકુંભ બુકિંગ, મહાકુંભ શું છે, મહાકુંભ કબ હૈ અને ખેલ મહાકુંભ સહિત અનેક મુખ્ય શબ્દોમાંથી માહિતી એકત્રિત કરી હતી.

આ દેશોમાં સૌથી વધુ સર્ચ

આ દેશોમાં નેપાળ, બહેરીન, કતાર, સંયુક્ત આરબ અમીરાત (યુએઈ), સિંગાપોર, ઓમાન, ઓસ્ટ્રેલિયા, કેનેડા, આયર્લેન્ડ, યુનાઇટેડ કિંગડમ, નેધરલેન્ડ, થાઇલેન્ડ, યુનાઇટેડ સ્ટેટ્સ (યુએસ), જર્મની, સ્પેન અને અન્ય ઘણા દેશોનો સમાવેશ થાય છે.

આ રાજ્યોમાંથી પણ સૌથી વધુ સર્ચ

આ રાજ્યોમાં મહારાષ્ટ્ર, મધ્યપ્રદેશ, ગુજરાત, ઉત્તરપ્રદેશ, દિલ્હી, છત્તીસગઢ, કર્ણાટક, કેરળ, તમિલનાડુ, પંજાબ, હરિયાણા અને રાજસ્થાનનો સમાવેશ થાય છે.

મહાકુંભ 2025 શાહી સ્નાનની તિથિ

13 જાન્યુઆરી, 2025 – પોષ પૂર્ણિમા
14 જાન્યુઆરી, 2025- મકર સંક્રાંતિ
29 જાન્યુઆરી, 2025 – મૌની અમાસ
3 ફેબ્રુઆરી, 2025 – વસંત પંચમી
12 ફેબ્રુઆરી, 2025 – માઘ પૂર્ણિમા
26 ફેબ્રુઆરી, 2025 – મહાશિવરાત્રિ

નોંધઃ અહીં આપેલી માહિતી માત્ર જાણકારી માટે છે. કોઈ પણ માહિતીનો અમલ કરતા પહેલા નિષ્ણાતની સલાહ લો. એચડી ન્યૂઝ આ અંગે પુષ્ટિ કરતું નથી.

આ પણ વાંચોઃ મહાકુંભમાં આસ્થાની ડૂબકી લગાવ્યા બાદ જરૂર કરો આ 3 કામ