મહાકુંભમાં ભાગદોડ: પ્રયાગરાજ આવતી કેટલીય ટ્રેનો ડાયવર્ટ કરી, આગામી આદેશ સુધી સ્પેશિયલ ટ્રેન રદ
પ્રયાગરાજ, 29 જાન્યુઆરી 2025: પ્રયાગરાજમાં મૌની અમાવસ્યાના દિવસે વધારે ભીડને જોતા પંડિત દીનદયાલ ઉપાધ્યાય જંક્શનથી પ્રયાગરાજ જતી મહાકુંભ મેળા સ્પેશિયલ ટ્રેનને રોકી દેવામાં આવી છે. તેના કારણે જંક્શન પર પ્રયાગરાજ જતા શ્રદ્ધાળુઓની ભીડ થતી હતી.
બાકી અલગ રુટ પર ચાલતી કુંભ મેળા સ્પેશિયલ ટ્રેનો યથાવત રહેશે. ફક્ત પંડિત દીનદયાલ ઉપાધ્યાય જંક્શનથી પ્રયાજરાજ આવતી કુંભ મેળા સ્પેશિયલ ટ્રેનોને રોકી દેવામાં આવી છે. પણ રેગ્યુલર ટ્રેનો ચાલી રહી છે. ફક્ત કુંભ મેળા સ્પેશિયલ ટ્રેનો રોકી દેવામાં આવી છે. જે પંડિત દીનદયાલ ઉપાધ્યાય જંક્શનથી પ્રયાગરાજ જઈ રહી હતી.
પંડિત દીનદયાલ ઉપાધ્યાય રેલ ડિવીઝનના વાણિજ્ય પ્રબંધક મનીષ કુમારે જણાવ્યું છે કે સ્પેશિયલ ટ્રેન આગામી આદેશ સુધી બંધ રહેશે. કુંભ મેળા સ્પેશિયલ ટ્રેન હાલમાં હંગામી ધોરણે બંધ રહેશે. રેગ્યુલર ટ્રેનો ચાલતી રહેશે. પ્રયાગરાજમાં વધારે ભીડ જોતા સ્પેશિયલ ટ્રેન રોકી દેવામાં આવી છે.
આ બાજુ પ્રયાગરાજમાં મહાકુંભમાં મચેલી ભાગદોડ બાદ પ્રશાસન એલર્ટ મોડમાં આવી ગયું છે. પ્રયાગરાજ જંક્શન પર રેપિડ એક્શન ફોર્સ અને પોલીસ ફોર્સ તૈનાતી વધી ગઈ છે. શ્રદ્ધાળુઓની સુરક્ષાને ધ્યાનમાં રાખતા કડક વ્યવસ્થા ગોઠવવામાં આવી છે. મૌની અમાવસ્યા માટે આવનારા શ્રદ્ધાળુઓને સંગમ સુધી સુરક્ષિત પહોંચાડવા માટે ખાસ વ્યવસ્થા ગોઠવવામાં આવી છે.
