માઘ પૂર્ણિમા ક્યારે છે ? આ દિવસે છે પૃથ્વી પર દેવતાના આગમનની માન્યતા, જાણો પૂજા મુહૂર્ત

હિંદુ ધર્મમાં તમામ પૂર્ણિમાની તારીખોમાં માઘ પૂર્ણિમાનું વિશેષ સ્થાન છે. હિંદુ ધાર્મિક ગ્રંથોમાં કારતક અને માઘ મહિનામાં આવતી પૂર્ણિમાની તિથિનું મહત્વ અને શ્રેષ્ઠતા જણાવવામાં આવી છે. પૌરાણિક માન્યતા છે કે માઘ માસની પૂર્ણિમાના દિવસે દેવલોકમાંથી દેવી-દેવતાઓ ધરતી પર આવે છે અને ભક્તોને પોતાના આશીર્વાદથી અભિભૂત કરે છે. આ દિવસે સ્નાન અને દાનનું વિશેષ મહત્વ છે.

માઘ પૂર્ણિમા 2023 ક્યારે છે?

હિંદુ કેલેન્ડર મુજબ, માઘ મહિનાના શુક્લ પક્ષની પૂર્ણિમાના દિવસને માઘ પૂર્ણિમા અથવા માઘી પૂર્ણિમા કહેવામાં આવે છે. આ દિવસે ગંગા નદી અથવા પવિત્ર નદીઓમાં સ્નાન કરવાની અને દાન આપવાની પરંપરા છે. આ વખતે માઘ પૂર્ણિમાનું સ્નાન અને દાન 5 ફેબ્રુઆરી 2023ના રોજ છે. આ દિવસે આશ્લેષા નક્ષત્ર અને ચંદ્ર કર્ક રાશિમાં રહેશે અને આયુષ્માન યોગ, રવિપુષ્ય યોગ અને સર્વાર્થ સિદ્ધિ યોગ બની રહ્યો છે. તેને શુભ યોગ માનવામાં આવે છે. ધાર્મિક માન્યતાઓ અનુસાર માઘ પૂર્ણિમાના દિવસે સત્સંગ અને કલ્પવાસ કરવાથી પુણ્ય લાભ મળે છે.

માઘ પૂર્ણિમા 2023 તારીખ

• રવિવાર, 5 ફેબ્રુઆરી 2023ના રોજ માઘ પૂર્ણિમા
• માઘ પૂર્ણિમા તારીખ શરૂ થાય છે: ફેબ્રુઆરી 04, 2023 રાત્રે 09:29 વાગ્યે
• માઘ પૂર્ણિમા સમાપ્ત થાય છે: 05 ફેબ્રુઆરી, 2023 રાત્રે 11:58 વાગ્યે
• માઘ પૂર્ણિમા 2023 સૂર્યોદય : 07:07 AM
• માઘ પૂર્ણિમા 2023 સૂર્યાસ્ત : 06:03 PM

માઘ પૂર્ણિમા 2022નો શુભ સમય

• બ્રહ્મ મુહૂર્ત : 05:23 AM થી 06:15 AM 5મી ફેબ્રુઆરીના રોજ
• અભિજિત મુહૂર્ત: 5મી ફેબ્રુઆરીના રોજ બપોરે 12:13 PM થી 12:57 PM
• વિજય મુહૂર્ત: 5મી ફેબ્રુઆરીના રોજ બપોરે 02:25 PM થી 03:08 PM
• સંધિકાળ મુહૂર્ત: 5મી ફેબ્રુઆરીના રોજ સાંજે 06:01 PM થી 06:27 PM
• રવિ પુષ્ય યોગ : 5 ફેબ્રુઆરી સવારે 07:07 થી બપોરે 12:13 સુધી
• સર્વાર્થ સિદ્ધિ યોગ: 5મી ફેબ્રુઆરીના રોજ સવારે 07:07 થી બપોરે 12:13 સુધી

ચંદ્ર અને લક્ષ્મીની પૂજા

માઘ પૂર્ણિમાના દિવસે ચંદ્ર અને દેવી લક્ષ્મીની પૂજા કરવાનો નિયમ છે. માઘ પૂર્ણિમાની રાત્રે ચંદ્રની પૂજા કરવાથી ચંદ્ર દોષ દૂર થાય છે. આ દિવસે ધન અને કીર્તિની દેવી લક્ષ્મીની પૂજા કરવાની પરંપરા છે.

આ પણ વાંચો : આ તારીખે વર્ષનુ અંતિમ ચંદ્રગ્રહણ, છ રાશિઓ પર થશે તેની અસર