શારદીય નવરાત્રીમાં આ વખતે પાલકીમાં સવાર થઈને આવશે મા દુર્ગા

• શારદીય નવરાત્રીમાં  માતાનું આગમન અને પ્રસ્થાન તેમના આગમનના દિવસ પર નિર્ધારિત છે. આ વખતે નવરાત્રીનો તહેવાર 3જી ઓક્ટોબરથી શરૂ થઈ રહ્યો છે

HD ન્યુઝ ડેસ્કઃ શારદીય નવરાત્રી આદિ શક્તિ મા દુર્ગાના નવ સ્વરૂપોને સમર્પિત છે. આ નવ દિવસોમાં દેવી દુર્ગાના નવ સ્વરૂપોની પૂજા કરવામાં આવે છે. શ્રાદ્ધના અંતિમ દિવસની સાંજથી જ નવરાત્રિની તૈયારીઓ શરૂ થઈ જાય છે. આ વખતે છેલ્લું શ્રાદ્ધ એટલે કે સર્વપિતૃ અમાસ 2જી ઓક્ટોબરે છે. આ પછી 3 નવેમ્બરથી નવરાત્રીનો તહેવાર શરૂ થશે. પ્રથમ દિવસે મા દુર્ગાના કળશની સ્થાપના કરવામાં આવે છે. નવ દિવસ સુધી માની આરાધના કરાય છે. આ ઉપરાંત અષ્ટમી અને નવમીએ કન્યા પૂજન કરીને દશેરા પર્વની ઉજવણી પણ કરવામાં આવે છે. નવરાત્રી દરમિયાન માતાનું આગમન અને પ્રસ્થાન માનવામાં આવે છે. માતાનું આગમન અને પ્રસ્થાન તેમના આગમનના દિવસ પર નિર્ધારિત છે. આ વખતે નવરાત્રીનો તહેવાર 3જી ઓક્ટોબરથી શરૂ થઈ રહ્યો છે. 3જી ઓક્ટોબરે ગુરુવાર છે અને માતાનું પાલખીમાં આગમન થઈ રહ્યું છે.

એવું માનવામાં આવે છે કે દેવી માતાના આગમન અને પ્રસ્થાન સમયના વાહનની અસર દેશ અને દુનિયા પર પડે છે. આ વર્ષે માતા પાલખીમાં સવાર થઈને આવી રહ્યા છે. દેવી પુરાણમાં પાલકીની સવારીને શુભ માનવામાં આવે છે. જો કે, પાલખીની સવારીને આંશિક રોગચાળાનું કારણ પણ માનવામાં આવે છે.

આ વર્ષે માતા ભગવતી ચરણાયુધ એટલે કે મોટા પંજાવાળા મરઘા પર સવારી કરીને જઈ રહ્યા છે. એવું માનવામાં આવે છે કે રાષ્ટ્ર પર તેની વિપરીત અસર પડે છે. નવરાત્રીના નવ દિવસોમાં માતાના નવ સ્વરૂપોની પૂજા કરવામાં આવે છે. પ્રથમ દિવસે શૈલપુત્રી, બીજા દિવસે બ્રહ્મચારિણી, ત્રીજા દિવસે ચંદ્રઘંટા, ચોથા દિવસે કુષ્માંડા, પાંચમા દિવસે સ્કંદમાતા, ષષ્ઠી પર કાત્યાયની, સપ્તમી પર કાલરાત્રિ, અષ્ટમીના દિવસે મહાગૌરી અને નવમી પર સિદ્ધિદાત્રીની પૂજા કરવામાં આવે છે.

ક્યારે શરૂ અને ક્યારે પૂર્ણ?

આસો મહિનાના શુક્લ પક્ષની પ્રતિપદા તિથિ 3જી ઓક્ટોબરે સવારે 12.18 કલાકથી શરૂ થશે. 4 ઓક્ટોબરે સવારે 2.58 કલાકે પ્રતિપદા સમાપ્ત થશે. આવી સ્થિતિમાં 3જી ઓક્ટોબરથી શારદીય નવરાત્રીનો પ્રારંભ થશે. જ્યારે શારદીય નવરાત્રી 11મી ઓક્ટોબરે પૂર્ણ થશે. બીજા દિવસે એટલે કે 12 ઓક્ટોબરે વિજયાદશમીનો તહેવાર ઉજવવામાં આવશે.

આ પણ વાંચોઃ ઋષિ પંચમી ક્યારે છે? શું છે તેનું મહત્ત્વ, જાણો વ્રતની પૂજા વિધિ