LULU Mallના નામે અનોખો ‘ગિનીસ વર્લ્ડ રેકોર્ડ’

લખનઉમાં આવેલો લુલુ મોલ પોતાની ભવ્યતાને કારણે ચર્ચામાં રહે છે. ત્યારે આ મોલે વધુ એક ઉપલબ્ધિ પ્રાપ્ત કરી લીધી છે. મંગળવારે લુલુ મોલમાં લેમ્પ લાઇટિંગ રિલે હેઠળ 350 દીવાઓ પ્રગટાવવામાં આવ્યા હતા. આ સાથે, મોલે સૌથી મોટા લેમ્પ લાઇટિંગ રિલેનું આયોજન કરીને ગિનિસ વર્લ્ડ રેકોર્ડ બનાવ્યો. મોલની આ ઐતિહાસિક સિદ્ધિનું આયોજન દિવાળીની ઉજવણીની યાદમાં કરવામાં આવ્યું હતું. મોલ માટે આ એક ઐતિહાસિક ઉપલબ્ધિ છે.

લુલુ ગ્રુપના પ્રાદેશિક નિર્દેશક જયકુમાર ગંગાધરન અને જનરલ મેનેજર સમીર વર્મા રિલેના પ્રથમ સહભાગીઓ હતા. તેઓએ સાથે મળીને પહેલો દીવો પ્રગટાવ્યો. આ પછી, દર 20 સેકન્ડે દરેક વ્યક્તિએ એક પછી એક દીવો પ્રગટાવ્યો.