Look Back 2024: અનંત રાધિકાના લગ્નથી રતન ટાટાનું નિધન, જાણો આ વર્ષે ગૂગલ પર સૌથી વધુ સર્ચ શું થયું?

Lookback 2024: આ વર્ષે ભારતીય વ્યક્તિત્વોએ વિશ્વભરમાં ઈન્ટરનેટ સર્ચમાં પ્રભુત્વ મેળવ્યું હતું. આ શોધ વિવિધ આધારો પર કરવામાં આવી હતી. 2024 માં, એવા ઘણા લોકો હતા. જેમની ભારતમાં ખૂબ ચર્ચા થઈ હતી અને જેમની ઘણી શોધ પણ કરવામાં આવી હતી. જેમાં રાજકારણ, રમતગમત, બોલિવૂડ અને બિઝનેસ જગતની હસ્તીઓ સામેલ છે. આ પ્રતિષ્ઠિત યાદીમાં અભિનેતાઓ, નેતાઓ અને રમતવીરોના નામનો સમાવેશ ન માત્ર તેમની લોકપ્રિયતા દર્શાવે છે, પરંતુ લોકો તેમના જીવન અને કાર્યો વિશે જાણવા માટે વર્ષભર તેમને શોધતા હતા.

વર્ષ 2024 પૂરા થવામાં વધુ સમય બાકી નથી. 2024 માં, એવા ઘણા લોકો હતા જેમની ભારતમાં ખૂબ ચર્ચા થઈ હતી અને જેમની ઘણી શોધ પણ કરવામાં આવી હતી. ગૂગલે 2024માં ભારતમાં સૌથી વધુ સર્ચ થયેલી વસ્તુઓનું લિસ્ટ જાહેર કર્યું છે. આ યાદી દર્શાવે છે કે આ વર્ષે ભારતીયોએ ગૂગલ પર સૌથી વધુ શું સર્ચ કર્યું છે. જેમાં વિનેશ ફોગટ, રતન ટાટા, ડોનાલ્ડ ટ્રમ્પ, ચેસ પ્લેયર ગુકેશ ડોમરાજુ, અનંત અંબાણી અને રાધિકા મર્ચન્ટના લગ્ન, પૂનમ પાંડે, હિના ખાન, ચિરાગ પાસવાન અને નીતિશ કુમારના નામ સામેલ છે જેને સૌથી વધુ સર્ચ કરવામાં આવ્યા છે.

રતન ટાટા

વર્ષ 2024માં સૌથી વધુ સર્ચ કરાયેલ નામ રતન ટાટાનું છે. રતન ટાટાના અવસાનથી સમગ્ર દેશમાં શોકની લાગણી છવાઈ ગઈ હતી. રતન ટાટાએ 9 ઓક્ટોબરે મુંબઈની બ્રીચ કેન્ડી હોસ્પિટલમાં 86 વર્ષની વયે અંતિમ શ્વાસ લીધા હતા. તેમના અંગત જીવન, લવ લાઈફ, નેટવર્થ, વારસદારો વગેરે વિશેની માહિતી મેળવવા માટે લોકો દ્વારા તેને ગૂગલ પર ઘણી સર્ચ કરવામાં આવી હતી.

ચેસ ખેલાડી ગુકેશ ડોમ્મારાજુએ

18 વર્ષના ભારતીય પ્રતિભાશાળી ચેસ ખેલાડી ગુકેશ ડોમ્મારાજુએ ઈતિહાસ રચ્યો છે. તે વિશ્વનો સૌથી યુવા ચેસ ચેમ્પિયન બન્યો છે. અને 12 વર્ષ પછી કોઈ ભારતીયે આ ખિતાબ જીત્યો છે. અગાઉ આ ખિતાબ ભારતના વિશ્વનાથન આનંદના નામે હતો, જે તેણે વર્ષ 2012માં જીત્યો હતો, હવે ડી ગુકેશ બીજા ભારતીય બની ગયા છે. ગૂગલે પણ રંગબેરંગી ડૂડલ બનાવીને ‘વર્લ્ડ ચેસ ચેમ્પિયનશિપ’ની ઉજવણી કરી હતી.

અનત અંબાણી અને રાધિકા મર્ચન્ટના લગ્ન

આ વર્ષે મુકેશ અંબાણીના પુત્ર અનત અંબાણી અને રાધિકા મર્ચન્ટના લગ્ન આખી દુનિયામાં ચર્ચાનો વિષય રહ્યા હતા. આ લગ્નમાં વિશ્વભરની મહાન હસ્તીઓએ હાજરી આપી હતી. આ જ કારણ છે કે આ વર્ષે ગૂગલ પર રાધિકા મર્ચન્ટનું નામ મોખરે રહ્યું છે. આ લગ્ન એશિયાના સૌથી ખર્ચાળ લગ્ન પૈકીના એક હતા. આ લગ્નમાં બોલિવુડ સ્ટાર્સ, ક્રિકેટર, બિઝનેસમેન, પોલિટિશિયન સહિત વિદેશી મહેમાનો હાજર હતા.

વિનેશ ફોગાટ

વિનેશ ફોગાટ ઓલિમ્પિકમાં રેસલિંગ મેચમાં 100 ગ્રામ વધારે વજન હોવાના કારણે ચર્ચામાં આવી હતી. આ પછી હરિયાણા વિધાનસભા ચૂંટણી વખતે પણ વિનેશને ગૂગલ પર ઘણી સર્ચ કરવામાં આવી હતી. કુશ્તીમાં મેડલ જીતનાર વિનેશ ફોગાટને કોંગ્રેસે હરિયાણા વિધાનસભા ચૂંટણીમાં જુલાના બેઠક પરથી ટિકિટ આપી હતી. આ ચૂંટણીમાં વિનેશ ફોગાટ પણ જીત્યા હતા.

ડોનાલ્ડ ટ્રમ્પ

યુએસ પ્રમુખપદની ચૂંટણીમાં ડોનાલ્ડ ટ્રમ્પના ઐતિહાસિક પુનરાગમનથી વિશ્વભરમાં ઘણી ચર્ચાઓ થઈ હતી. ડોનાલ્ડ ટ્રમ્પની આ જીત અને તેમની વિશેષ સિદ્ધિને કારણે ઓનલાઈન સર્ચમાં જોરદાર વૃદ્ધિ જોવા મળી હતી. ડોનાલ્ડ ટ્રમ્પની લોકપ્રિયતા ભારતમાં પણ ચરમસીમાએ પહોંચી હતી, જ્યાં તેમને Google Trends પર સૌથી વધુ સર્ચ કરવામાં આવ્યા હતા.

ચિરાગ પાસવાન

બિહારના અન્ય એક રાજકીય વ્યક્તિત્વને આ વર્ષે ગૂગલ પર ખૂબ સર્ચ કરવામાં આવ્યું, જે મોદી કેબિનેટમાં સામેલ છે અને પોતાને પીએમ મોદીના હનુમાન કહે છે. ચિરાગ પાસવાનની પાર્ટીના પાંચમાંથી પાંચ સાંસદો લોકસભા ચૂંટણીમાં જીત્યા હતા, જેના કારણે ચિરાગ પાસવાન રાષ્ટ્રીય રાજકારણમાં મજબૂત રીતે ઉભરી આવ્યા હતા. આથી નીતીશ કુમાર અને ચિરાગ પાસવાનને ગૂગલમાં સૌથી વધુ સર્ચ કરવામાં આવ્યા હતા.

આ પણ વાંચો…Lookback 2024: ચૂંટણીના રાજકારણમાં સતત 11મા વર્ષે ભાજપે દબદબો જાળવી રાખ્યો