આ ભાઈની હિંમત તો જૂઓ, માત્ર લાકડી લઈને સિંહોના ટોળામાં પહોંચ્યો, વીડિયો વાયરલ
- સિંહની ગર્જનાથી આખું જંગલ ધ્રૂજી ઊઠે છે, એવામાં એક માણસ માત્ર લાકડીના સહારે સિંહોના ટોળાને ચલાવી રહ્યો છે. જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે
દક્ષિણ આફ્રિકા, 19 જુલાઈ: સિંહને વિશ્વનું સૌથી ખતરનાક પ્રાણી માનવામાં આવે છે. જેની આગળ મોટા મોટા પ્રાણીઓ પણ નમી જાય છે એ સિંહોના ટોળામાંથી એક વ્યક્તિ માત્ર લાકડી લઈને ફેરવી રહ્યો છે. તે સિંહોને લાકડી વડે આગળ ચલાવી રહ્યો છે અને તેમને ખાવા માટે માંસ નાખી રહ્યો છે. મોટી વાતતો એ છે કે સિંહોનું ટોળું પણ આ માણસના સંકેતોનું પાલન કરી રહ્યા છે. આ દ્રશ્ય જોયા પછી એવું લાગે છે કે વ્યક્તિ સિંહોના ટોળાને નહીં પણ કૂતરાઓના ટોળાને ફેરવી રહ્યો છે. આ વીડિયો સોશિયલ મીડિયા પર વાયરલ થઈ રહ્યો છે. જેણે જેણે આ વીડિયો જોયો છે તે લોકો બસ જોતા જ રહી ગયા છે.
સિંહોના ટોળાને જોવા માટે લોકોના ટોળા ઉમટ્યા
વીડિયોમાં જોઈ શકાય છે કે સિંહો પણ માણસની આસપાસ ફરી રહ્યા છે. જ્યારે આ માણસ સિંહોના ટોળાની વચ્ચે લાકડી લઈને ચલાવી રહ્યો છે, ત્યારે તેને જોવા તેની આસપાસ ઘણા લોકો ઊભા છે. આ માણસ હાથમાં લાકડી લઈને ઉભો છે અને તેની પાસે એક થેલી લટકી રહી છે, જેમાં માંસના ટુકડા રાખવામાં આવ્યા છે. સિંહો તેને ખાવા માટે તેની આસપાસ ફરી રહ્યા છે. આ પછી, જેમ જ વ્યક્તિ થેલીમાંથી માંસના ટુકડો કાઢીને પાણીમાં ફેંકે તેમ તેમ સિંહો તેને લેવા માટે પાણીમાં દોડી જાય છે. બાકીના સિંહો ત્યાં સુધી ત્યાં જ ઉભા રહે છે.
અહીં જૂઓ વાયરલ વીડિયો:
વાયરલ વીડિયોનો 9 કરોડથી વઘુ લોકોએ જોયો
આ દ્રશ્ય જોવા માટે આસપાસના ઘણા લોકો ત્યાં હાજર છે. જેઓ આ ક્ષણને પોતાના કેમેરામાં કેદ કરી રહ્યાં છે. વાયરલ થઈ રહેલો આ વીડિયો દક્ષિણ આફ્રિકાના રાષ્ટ્રીય અનામતનો છે. વીડિયો જોયા બાદ અંદાજ લગાવી શકાય છે કે વ્યક્તિ બાળપણથી જ આ સિંહોની કાળજી લેતો આવ્યો હશે. જેના કારણે સિંહોનું ટોળુ તે વ્યક્તિ પર હુમલો નથી કરી રહ્યું. વીડિયો મિશેલ ગેબ્રિયલ (@Leanneandmichaelgabriel) દ્વારા YouTube પર શેર કરવામાં આવ્યો છે. જેને અત્યાર સુધીમાં 9 કરોડ લોકો જોઈ ચૂક્યા છે. આ વીડિયોને 14 લાખ લોકોએ લાઈક પણ કર્યો છે.
આ પણ વાંચો: આ ભાઈની માછલી પકડવાની સરળ રીત જોઈ લોકો આશ્ચર્યચકિત થઈ ગયા, જૂઓ વીડિયો
