લોકસભા સ્પીકર થયા ગુસ્સે, સાંસદોને કહ્યું- વાર્તાઓ ન સંભળાવો, પ્રશ્નો પૂછો…

નવી દિલ્હી, 02 ઓગસ્ટ : આ દિવસોમાં લોકસભામાં મહાભારતનો ખૂબ જ ઉલ્લેખ થઈ રહ્યો છે. નીચલા ગૃહમાં વિપક્ષના નેતા રાહુલ ગાંધી દ્વારા આપવામાં આવેલા ચક્રવ્યુહ નિવેદન પર રાજકીય વિવાદ ચાલુ છે. આ દરમિયાન અધ્યક્ષ ઓમ બિરલા આજે શુક્રવારે ગુસ્સે થઈ ગયા. તેમણે કોઈનું નામ લીધા વિના કટાક્ષ કરતાં કહ્યું કે આજકાલ અહીં મહાભારતના વર્ણનની વાત વધુ થાય છે. અહીં વાર્તાઓ ન કહો પણ પ્રશ્નો પૂછો. ગૃહમાં પ્રશ્નકાળ દરમિયાન, ભારતીય જનતા પાર્ટી (BJP) સાંસદ પ્રદીપ પુરોહિતે આયુષ મંત્રાલય સાથે સંબંધિત પ્રશ્ન પૂછતી વખતે રામાયણની એક ઘટનાનો ઉલ્લેખ કર્યો. તેના પર બિરલાએ કહ્યું કે તમે મહાભારતનું વર્ણન ન કરો, તમે પ્રશ્નો પૂછો.

આજકાલ લોકસભામાં મહાભારતના વર્ણનની વધુ ચર્ચા

ઉલ્લેખનીય છે કે લોકસભાના અધ્યક્ષે કોઈનું નામ લીધું ન હતું, પરંતુ સોમવારે ગૃહમાં બજેટ પર ચર્ચામાં ભાગ લેતી વખતે વિપક્ષના નેતા રાહુલ ગાંધીએ મહાભારતની ઘટનાનો ઉલ્લેખ કરીને સરકાર પર નિશાન સાધ્યું હતું. જે બાદ BJP સાંસદ પ્રદીપ પુરોહિતે આયુષ મંત્રાલય સાથે સંબંધિત પ્રશ્ન પૂછતી વખતે રામાયણની ઘટનાનો ઉલ્લેખ કર્યો હતો. તેના પર બિરલાએ કહ્યું હતું કે આજકાલ લોકસભામાં મહાભારતના વર્ણનની વધુ ચર્ચા થઇ રહી છે.

આ પણ વાંચો : એર ઈન્ડિયાએ તેલ અવીવની ફ્લાઈટ સેવાઓ સ્થગિત કરી, જુઓ ક્યાં કારણોસર લેવાયો નિર્ણય ?

રાહુલ ગાંધીના ચક્રવ્યુહ નિવેદન પર ટોણો

રાહુલ ગાંધીએ કેન્દ્ર સરકાર પર ભારતને અભિમન્યુની જેમ ચક્રવ્યૂહમાં ફસાવવાનો આરોપ લગાવ્યો હતો અને કહ્યું હતું કે વિપક્ષી ગઠબંધન ‘ઇન્ડિયન નેશનલ ડેવલપમેન્ટલ ઇન્ક્લુઝિવ એલાયન્સ’ આ ચક્રવ્યૂહને તોડી નાખશે. તમને જણાવી દઈએ કે તાજેતરમાં જ લોકસભામાં રાહુલ ગાંધીએ જ્યારે અભિમન્યુ અને ચક્રવ્યુહની કહાનીનો ઉલ્લેખ કર્યો ત્યારે સદનમાં જાતિને લઈને ભારે હોબાળો થયો હતો. કેન્દ્રીય મંત્રી અનુરાગ ઠાકુરે નિવેદન આપ્યું હતું કે જે પોતાની જાતિ જાણતો નથી તે જાતિ ગણતરી કરાવવાની વાત કરે છે.

જ્ઞાતિ મુદ્દે ગૃહમાં ભારે ગરમા-ગરમી

આ પછી વિપક્ષોએ ફરી ભાજપને ઘેરવાનો પ્રયાસ કર્યો. જે પછી અનુરાગ ઠાકુરે બીજા દિવસે ગૃહમાં નિવેદન આપતાં કહ્યું, ‘મેં કોઈ ખાસ વ્યક્તિનું નામ નથી લીધું. મારો કહેવાનો મતલબ એવો હતો કે જેને જ્ઞાતિનું જ્ઞાન નથી તે જાતિની વસ્તી ગણતરીની વાત કરે છે. તમને જણાવી દઈએ કે સમાજવાદી પાર્ટીના વડા અખિલેશ યાદવે આ મામલે તીખી પ્રતિક્રિયા આપી હતી. ગૃહમાં બોલતા અખિલેશ યાદવે અનુરાગ ઠાકુરને ઘેરવાનો પ્રયાસ કર્યો અને કહ્યું કે તેઓ કોઈની જાતિ વિશે કેવી રીતે પૂછી શકે છે. આ સંપૂર્ણપણે અયોગ્ય વર્તન છે.

આ પણ વાંચો : હિન્દુ મેરેજ એક્ટ હેઠળ સંતાનને કેટલા સમય સુધી ભરણપોષણ ચૂકવવું પડશે? જાણો HCએ શું કહ્યું