VIDEO: હાથરસ પહોંચ્યા રાહુલ ગાંધી, પીડિત પરિવાર સાથે કરી મુલાકાત
હાથરસ, તા. 12 ડિસેમ્બર, 2024: લોકસભામાં વિપક્ષ નેતા અને કોંગ્રેસ નેતા રાહુલ ગાંધી હાથરસ પહોંચ્યા હતા. તેઓ અહીં પીડિતાના પરિવારના સભ્યોને મળ્યા હતા. રાહુલ ગાંધીની હાથરસ મુલાકાત માટે કાયદો અને વ્યવસ્થા કડક કરવામાં આવી છે. સુરક્ષાને ધ્યાનમાં રાખીને હાથરસના બૂલગઢી ગામમાં વધારાના પોલીસ દળોને તૈનાત કરવામાં આવ્યા છે.
સૂત્રોના જણાવ્યા અનુસાર, પીડિતાના પરિવારે થોડા દિવસો પહેલા રાહુલ ગાંધીનો સંપર્ક કર્યો હતો અને તેમને કહ્યું હતું કે ઘટના બાદ યુપી સરકાર દ્વારા નોકરી અને ઘરનું વચન પૂરું કરવામાં આવ્યું નથી. પીડિત પરિવારને સુરક્ષા આપવામાં આવી છે. તેમણે કહ્યું કે સુરક્ષાના કારણોસર તેમની અટકાયત કરવામાં આવી હતી.
કોંગ્રેસ નેતા રાહુલ ગાંધીની હાથરસની મુલાકાતના ચાર વર્ષ બાદ આ મુદ્દો ફરી એકવાર સામે આવ્યો છે. 14 સપ્ટેમ્બર, 2020ના રોજ હાથરસમાં એક યુવતી પર તેના ગામના કેટલાક લોકોએ બળાત્કાર ગુજાર્યો હતો, સારવાર દરમિયાન યુવતી મૃત્યુ પામી હતી. આ કેસમાં એક આરોપીની ધરપકડ કરવામાં આવી છે.
#WATCH | Uttar Pradesh: Lok Sabha LoP and Congress MP Rahul Gandhi arrives at Boolgarhi village in Hathras to meet the family of the 2020 rape victim. pic.twitter.com/2sxOvyxPPy
— ANI (@ANI) December 12, 2024
કોંગ્રેસ નેતા રાહુલ ગાંધી અને પ્રિયંકા ગાંધી 3 ઓક્ટોબર, 2020ના રોજ પરિવારને મળ્યા હતા અને જાહેરાત કરી હતી કે તેઓ મૃતકને ન્યાય અપાવવા માટે લડશે. 30 ઓક્ટોબરની સવારે તેમના અંતિમ સંસ્કાર કરવામાં આવ્યા હતા. તેણીના પરિવારે આક્ષેપ કર્યો હતો કે સ્થાનિક પોલીસે તેમને રાત્રે અંતિમ સંસ્કાર કરવા માટે દબાણ કર્યું હતું.
રાહુલ ગાંધીએ ભાજપ પર સાધ્યું નિશાન
ભાજપે કોંગ્રેસ નેતા રાહુલ ગાંધીની હાથરસ મુલાકાતના સમય પર સવાલ ઉઠાવ્યા છે. આ પહેલા રાહુલ ગાંધી અને પ્રિયંકા ગાંધી 24 નવેમ્બરે થયેલી હિંસામાં માર્યા ગયેલા પાંચ લોકોના પરિવારોને મળ્યા હતા. બીજેપીએ કહ્યું કે સંભલ હોય કે હાથરસ, તેઓ (રાહુલ ગાંધી) ત્યાં માત્ર લાઈમલાઈટમાં રહેવા માટે જાય છે, અન્ય કોઈ કારણોસર નહીં.
આ પણ વાંચોઃ અજિત પવારે કાકા શરદ પવારને જન્મદિવસની શુભેચ્છા આપતાં અનેક પ્રકારની અટકળો
તમામ સમાચારથી અપડેટ રહેવા અમારી વૉટ્સએપ ચૅનલમાં જોડાવ – લિંક – https://whatsapp.com/channel/0029VaqfJ6J3GJP7HcwkVF1S
