લોકસભા ચૂંટણી 2024: NDAમાં 38 પક્ષોમાંથી કેટલા પક્ષો પૂર્વોત્તર રાજ્યોમાંથી છે? જુઓ સંપૂર્ણ યાદી

Shailesh Chaudhary Last Updated: જુલાઇ 22, 2023

124 2 minutes read

NDAના 38 પક્ષોનું ગઠબંધન-Humdekhengenews — NDAના 38 પક્ષોનું ગઠબંધન

લોકસભા ચૂંટણી 2024 માટે કુલ 38 પક્ષો ભાજપના નેતૃત્વ હેઠળના NDAમાં જોડાયા છે.

લોકસભા ચૂંટણી 2024: 2024ની લોકસભા ચૂંટણીને ધ્યાનમાં રાખીને, ભાજપની આગેવાની હેઠળના NDAએ ગયા અઠવાડિયે તેની તાકાતનું પ્રદર્શન કર્યું હતું. જેમાં દેશના લગભગ તમામ રાજ્યોમાંથી કુલ 38 પાર્ટીઓએ ભાગ લીધો હતો. એનડીએ એ જ દિવસે આ બેઠક બોલાવી હતી, જે દિવસે વિરોધ પક્ષોના 26 પક્ષોએ ‘ભારત’ નામના ગઠબંધનની જાહેરાત કરી હતી.

એનડીએના તમામ સાથી પક્ષોની વાત કરીએ તો તેમનો ચૂંટણીનો ટ્રેક રેકોર્ડ કંઈ એટલો બધો અસરકારક નથી. મીડિયા રિપોર્ટ્સ અનુસાર, NDA ગઠબંધનની 38 પાર્ટીઓમાંથી 9 પાર્ટીઓએ 2019માં લોકસભા ચૂંટણી લડીજ ન હતી. આની સાથે એનડીએના ગઠબંધનના 16 પક્ષોને છેલ્લી સામાન્ય ચૂંટણીમાં એક પણ બેઠક મળી ન હતી, જ્યારે સાત પક્ષોને માત્ર એક બેઠકથી સંતોષ માનવો પડ્યો હતો.

ઉત્તર-પૂર્વના રાજ્યોના કુલ 11-પક્ષો એનડીએમાં જોડાયા:

ભાજપની આગેવાની હેઠળની એનડીએ સરકાર લોકોના જનાદેશને એકલા હાથે સુરક્ષિત કરીને છેલ્લી બે ટર્મથી કેન્દ્રમાં સત્તામાં છે. તે જ સમયે, NDA એટલા માટે ગઠબંધન કરી રહી છે કેમ કે તેમને કેન્દ્રની સત્તામાં કોઈ પરિવર્તન જોઈતું નથી, ફરી સરકાર બનાવવી છે, એટલા માટે તે કોઈ કરકસર છોડશે નહીં તેવું લાગી રહ્યું છે.

ભાજપનો ઉદ્દેશ્ય એટલો જ છે કે, આગામી લોકસભા ચૂંટણી પહેલા એનડીએના તમામ લોકોને અલગ-અલગ ભૂમિકાઓ આપવાનો છે. તેના દ્વારા જ એનડીએ મહારાષ્ટ્ર, બિહાર અને પંજાબ સહિત તે તમામ રાજ્યોને નિશાન બનાવશે જ્યાં પાર્ટી નબળી પડી શકે છે. પૂર્વોત્તર રાજ્યોની લોકસભા સીટો પર નજર કરીએ તો એનડીએ સાથે કુલ 11 પાર્ટીઓ રાખવામાં આવી છે.