લોકસભા ચૂંટણી 2024 તારીખ: 14-15 માર્ચે લોકસભા ચૂંટણીની જાહેરાતની શક્યતા

05 માર્ચ,2024: લોકસભા ચૂંટણીને લઈને 14-15 માર્ચ સુધી ચૂંટણી આચારસંહિતા લાગુ થઈ શકે છે. સૂત્રોએ આ માહિતી આપી છે. સૂત્રોએ જણાવ્યું કે ચૂંટણી પંચ ટૂંક સમયમાં ચૂંટણીની તારીખોની જાહેરાત કરી શકે છે. સૂત્રોએ જણાવ્યું કે પ્રથમ તબક્કાનું મતદાન એપ્રિલના બીજા સપ્તાહમાં થઈ શકે છે. 2019ની જેમ આ વખતે પણ 7 તબક્કામાં ચૂંટણી થઈ શકે છે.

ચૂંટણી પંચ લોકસભા ચૂંટણીની તૈયારીઓને લઈને એક પ્રેસ કોન્ફરન્સ પણ કરવા જઈ રહ્યું છે. જો કે એ સ્પષ્ટ નથી કે ચૂંટણી પંચ પ્રેસ કોન્ફરન્સમાં લોકસભા ચૂંટણીની તારીખો જાહેર કરશે કે નહીં.

આગામી સપ્તાહે તારીખો જાહેર થઈ શકે છે

સૂત્રોના જણાવ્યા અનુસાર ચૂંટણી પંચ આગામી સપ્તાહે કોઈપણ દિવસે લોકસભા ચૂંટણીની તારીખોની જાહેરાત કરી શકે છે. હાલમાં, ચૂંટણી પંચ સામાન્ય ચૂંટણીની તૈયારીઓનું મૂલ્યાંકન કરવા માટે ઘણા રાજ્યોના પ્રવાસ પર છે.