બિહારના મુખ્યમંત્રી નીતિશ કુમાર અને ડેપ્યુટી સીએમ તેજસ્વી યાદવ બુધવારે કોંગ્રેસના નેતા મલ્લિકાર્જુન ખડગેને દિલ્હીમાં તેમના નિવાસસ્થાને મળવા પહોંચ્યા હતા. આ દરમિયાન કોંગ્રેસ નેતા રાહુલ ગાંધી પણ ખડગે સાથે હાજર રહ્યા હતા. વિપક્ષી એકતાના મુદ્દે તમામ નેતાઓ એકબીજાની વચ્ચે બેઠક કરી રહ્યા છે. આ દરમિયાન તેજસ્વીએ હાલ કંઈ કહ્યું નથી, બાકીના તમામ નેતાઓએ પોતાનો પક્ષ રાખ્યો હતો. તમામ વિપક્ષી નેતાઓ એક થવા પર સહમત થયા છે. આ દરમિયાન મલ્લિકાર્જુન ખડગેએ કહ્યું હતું કે આવનારી ચૂંટણીમાં તમામ પક્ષોને એકજૂથ કરીને એક થઈને લડવાનો અમારો નિર્ણય છે. આપણે બધા એક જ માર્ગ પર કામ કરીશું. તેજસ્વી જી, નીતિશ જી, અમારા બધા નેતાઓ જે અહીં બેઠા છે, આપણે બધા એક જ લાઇન પર કામ કરીશું.
આ પણ વાંચો : અમદાવાદની મહિલા પર બળાત્કાર ગુજારનાર 2ની મદુરાઈમાં ધરપકડ
#WATCH | Bihar CM Nitish Kumar along with Dy CM Tejashwi Yadav and JD(U) President Lalan Singh meets Congress President Mallikarjun Kharge and Rahul Gandhi in Delhi pic.twitter.com/SBsSKQlXD4
— ANI (@ANI) April 12, 2023
નીતિશ કુમારે કહ્યું હતું કે મહાગઠબંધનને એક કરવાના પ્રયાસો કરવામાં આવી રહ્યો છે. અમે બધા સાથે બેસીને બધુ નક્કી કરીએ છીએ. અમે આખરે આ વિશે વાત કરી છે. અમે અમારી સાથે સહમત જેટલા લોકો સાથે વાત કરીશું. રાહુલ ગાંધીએ કહ્યું કે નીતીશજીએ જે કહ્યું તે વિપક્ષને એક કરવા માટે ખૂબ જ ઐતિહાસિક પગલું છે. તમામ વિરોધ પક્ષોને સાથે લાવવા પડશે. આ એક પ્રક્રિયા છે. વિપક્ષનો જે પણ દૃષ્ટિકોણ હશે, અમે તેનો આદર કરીશું અને જે પણ પક્ષો વૈચારિક લડાઈમાં સાથે આવવા માગે છે, અમે તેને અનુસરીશું. જે રીતે સંસ્થાઓ પર હુમલો થઈ રહ્યો છે, દેશ પર હુમલો થઈ રહ્યો છે તેની સામે અમે લડીશું. ઉલ્લેખનીય છે કે બિહારમાં આરજેડી-જેડીયુ અને કોંગ્રેસનું ગઠબંધન છે. ત્રણેય પક્ષોએ આ મહાગઠબંધન હેઠળ બિહાર અને લોકસભા ચૂંટણીમાં ભાજપનો સામનો કરવાનાં પગલાં અંગે ચર્ચા કરી છે.
