તાજેતરમાં જ વિશ્નવિજેતા બનેલી આર્જેન્ટિનાના કેપ્ટન લિયોનેલ મેસ્સીએ ફુટબોલના મેદાન પર ઘણાં રેકોર્ડ બનાવ્યા છે, પરંતુ હવે તેણે મેદાનની બહાર પણ બીજા અલગ પ્રકારના રેકોર્ડ પોતાના નામે કર્યા છે. મેસ્સીએ આ વર્ષે સૌથી વધુ લાઈક કરાયેલી ઈન્સ્ટાગ્રામ પોસ્ટનો રેકોર્ડ તોડી દીધો છે. આ પહેલા સૌથી વધુ લાઈક કરાયેલી ઈન્સ્ટાગ્રામ પોસ્ટનો રેકોર્ડ જાન્યુઆરી 2019માં પોસ્ટ કરાયેલ ઈંડાની તસવીરના નામે હતો, જે હવે મેસ્સીએ તોડી પાડ્યો છે.
આ પણ વાંચો : ગંભીર બીમારીમાંથી બહાર આવી આર્જેન્ટિનાને વર્લ્ડ ચેમ્પિયન બનાવનાર ‘લિયોનેલ મેસ્સી’ની સંઘર્ષભરી સફર !
મેસ્સીએ કરેલી પોસ્ટે તોડ્યો રેકોર્ડ
આર્જેન્ટિનાએ FIFA વર્લ્ડ કપ 2022 જીત્યાના બે દિવસ પછી, મેસ્સીએ તેમની જીતની ઉજવણી કરતી પોસ્ટ તેણે Instagram પર મૂકી હતી, જે હવે સૌથી વધુ પસંદ કરાયેલ પોસ્ટ બની ગઈ છે. આ પોસ્ટને લગભગ 56 મિલિયન લાઈક્સ મળી છે. તમને જણાવી દઈએ કે આ પહેલા સૌથી વધુ લાઈક કરાયેલી ઈન્સ્ટાગ્રામ પોસ્ટ ઈંડાની તસવીર હતી. ઈંડાનો ફોટો ક્રિસ ગોડફ્રે દ્વારા જાન્યુઆરી 2019માં સામાજિક પ્રયોગ તરીકે અપલોડ કરવામાં આવ્યો હતો.
લિયોનેલ મેસીએ પોસ્ટમાં લખ્યું, “વર્લ્ડ ચેમ્પિયન! મેં ઘણી વખત તેનું સપનું જોયું, હું તેને સૌથી વધુ ઇચ્છતો હતો, હું હજી પણ તેના પર વિશ્વાસ કરી શકતો નથી. મારા પરિવારનો ખૂબ ખૂબ આભાર જેમણે મને ટેકો આપ્યો અને તે બધા લોકોનો જેમણે વિશ્વાસ કર્યો.” તેણે ઉમેર્યું,”અમે અમારી રમતથી ફરી એકવાર સાબિત કર્યું કે જ્યારે અમે, આર્જેન્ટિના, એકસાથે સ્પર્ધા કરીએ છીએ અને એક થઈએ છીએ, ત્યારે અમે જે કરવા માંગીએ છીએ તે હાંસલ કરવામાં અમે સક્ષમ છીએ. લાયકાત આ જૂથનો એક ભાગ છે, જે લોકો ઇચ્છે છે,” એ જ સપનું માટે લડતા તમામ લોકોની તાકાત છે કે દરેકનું પણ એક સપનું હતું અને અમે તેને સાકાર કર્યું!
મેસ્સી ઉપરાંત રોનાલ્ડોનો પણ દબદબો
આ ઉપરાંત મેસ્સીનો હરીફ ક્રિસ્ટિયાનો રોનાલ્ડો હાલમાં 519 મિલિયન ફોલોઅર્સ સાથે ઇન્સ્ટાગ્રામ પર સૌથી વધુ ફોલો કરવામાં આવતો વ્યક્તિ છે. ઇન્સ્ટાગ્રામ પર સૌથી વધુ પસંદ કરાયેલી પોસ્ટની યાદીમાં લિયોનેલ મેસ્સી ઉપરાંત રોનાલ્ડોની પોસ્ટનો પણ સમાવેશ થાય છે. સૌથી વધુ લાઈક કરાયેલી ઈન્સ્ટાગ્રામ પોસ્ટની યાદીમાં રોનાલ્ડોની પોસ્ટનો પણ સામેલ છે, હાલમાં જ રોનાલ્ડોએ ફૂટબોલના બે મહાન ખેલાડીઓ તે અને તેનો હરિફ મેસ્સી ચેસની રમત રમતા હોય તેવી એક તસવીર તેના Instagram પોસ્ટ કરી હતી, જેમાં મેસ્સી સાથે જોવા મળ્યા હતા. ગયા સોમવાર સુધીમાં, તે પોસ્ટને પણ 40 મિલિયનથી વધુ લાઇક્સ સાથે સૌથી વધુ પસંદ કરાયેલ Instagram પોસ્ટમાં સામેલ કરવામાં આવી હતી.
સૌથી વધુ લાઈક્સ કરેલી પોસ્ટની યાદીમાં મેસ્સી અને રોનાલ્ડો
ઇન્સ્ટાગ્રામ પર સૌથી વધુ પસંદ કરાયેલી પોસ્ટની યાદીમાં 9માંથી 7 સૌથી વધુ પસંદ કરાયેલી Instagram પોસ્ટમાં મેસ્સી અથવા રોનાલ્ડોની પોસ્ટ છે. આ તમામ 7 પોસ્ટ 2021 અને 2022 વચ્ચે અપલોડ કરવામાં આવી હતી. ક્રિસ્ટિયાનો રોનાલ્ડો હાલમાં 519 મિલિયન ફોલોઅર્સ સાથે ઇન્સ્ટાગ્રામ પર સૌથી વધુ ફોલો કરવામાં આવતો વ્યક્તિ છે, જ્યારે 7 વખતના બેલોન ડી’ઓર વિજેતા લિયોનેલ મેસ્સી, Instagram પર 400 મિલિયનથી વધુ ફોલોઅર્સ સુધી પહોંચનાર બીજો વ્યક્તિ બન્યો છે. ફિફા વર્લ્ડ કપની શરૂઆત પહેલા તેના 376 મિલિયન ફોલોઅર્સ હતા.
