પાણીપુરીને તો પાણીપુરી રહેવા દો, તેને મહેલની રાણી ન બનાવો! જૂઓ વીડિયો
બેંગલુરુ (કર્ણાટક), 15 એપ્રિલ: પાણીપુરી એક એવી વાનગી છે કે તેનું નામ સાંભળતા જ ઘણા લોકોના મોઢામાં પાણી આવી જાય છે. અમીર હોય કે ગરીબ, પાણીપુરી દરેકના બજેટમાં આવે છે અને દરેકને આ ફૂડ ગમે છે. આજ સુધી તમે સોજી અને લોટમાંથી બનેલા ગોલગપ્પા વિવિધ ફ્લેવરના પાણી સાથે ખાધા જ હશે. પરંતુ હાલમાં સોના અને ચાંદીના કોટેડ ગોલગપ્પાનો એક વીડિયો સોશિયલ મીડિયા પર વાયરલ થઈ રહ્યો છે. વીડિયો જોયા પછી તમે પણ બીજાની જેમ ચોંકી જશો. વીડિયો જોયા બાદ કેટલાકના હોશ ઉડ્યા છે તો કેટલાક પોતાના મંતવ્યો રજૂ કરી રહ્યા છે.
શું તમે ક્યારેય આ રીતે પાણીપુરી ખાધી છે?
View this post on Instagram
સોશિયલ મીડિયા પર વાયરલ થઈ રહેલા વીડિયોમાં કેટલાક ગોલગપ્પા જોવા મળી રહ્યા છે પરંતુ આ સામાન્ય ગોલગપ્પા નથી. આ ગોલગપ્પાને સોના અને ચાંદીથી કોટેડ કરવામાં આવ્યા છે. એટલું જ નહીં, નિયમિત પાણીપુરીની જેમ તેમાં બટેટાની ફિલિંગ અને ફુદીનાનું પાણી નથી. તેના બદલે તેમાં ડ્રાય ફ્રૂટ્સ, મધ અને થંડાઈ ફ્લેવરનું પાણી ઉમેરીને લોકોને ખાવા માટે આપવામાં આવે છે. વીડિયો બનાવનાર ઇન્ફ્લુએન્સર તેને સ્વાદમાં ખૂબ જ સારો ગણાવી રહ્યો છે. પરંતુ વીડિયો જોયા પછી પણ લોકો તેની સાથે સહમત ન થયા અને કોમેન્ટ કરીને પોતાની પ્રતિક્રિયા આપી છે.
યુઝર્સે વીડિયો પર આપી પ્રતિક્રિયા
આ વીડિયોને ઈન્સ્ટાગ્રામ પર cherishing_the_taste_ નામના એકાઉન્ટથી શેર કરવામાં આવ્યો છે. અત્યાર સુધી આ વીડિયોને 2.6 મિલિયન લોકો જોઈ ચૂક્યા છે. આ વીડિયો જોયા બાદ એક યુઝરે લખ્યું- પાણીપુરીને તો પાણીપુરી રહેવા દો, તેને મહેલની રાણી ન બનાવો. બીજા એકે લખ્યું કે, ફ્રીમાં આપે તો પણ હું ન ખાઉં. ત્રીજા યુઝરે લખ્યું- ભાઈ પાણીપુરીને તો કમ સે કમ છોડી દેવી જોઈતી હતી. એક યુઝરે લખ્યું- આના માટે કેટલી વીઘા જમીન વેચવી પડશે ભાઈ? આમ, આ વીડિયોને જોઈને ઘણા યુઝર્સ પાણીપુરીના ફ્યુઝન સ્ટાઈલ પર સવાલ ઉઠાવી રહ્યા છે.
આ પણ વાંચો: ડિજિટલ વિવાહ: વરરાજાએ વીડિયો કોલના માધ્યમથી કન્યાની માંગ ભરી
