જાણો લીમડાનાં તેલના ફાયદા, જેથી ટકી રહેશે સ્વાસ્થ્ય અને સુંદરતા

જો તેલમાં રહેલા પોષક તત્વોની વાત કરીએ તો લીમડાના તેલમાં ઘણા ફાયદાકારક તત્વો જોવા મળે છે. લીમડાના તેલમાં એન્ટી-ઓક્સીડેન્ટ, એન્ટી-બેક્ટેરિયલ, એન્ટી-ફંગલ અને એન્ટી-ઈન્ફ્લેમેટરી ગુણ હોય છે. જે ત્વચાની પેશીઓને સાજા કરવામાં અને નવી પેશીઓ બનાવવામાં અસરકારક સાબિત થાય છે. આ સાથે લીમડાના તેલમાં વિટામિન-ઈ, એમિનો એસિડ અને ફેટી એસિડ પણ ભરપૂર માત્રામાં જોવા મળે છે. ત્વચાને ચમકદાર બનાવવા ઉપરાંત લીમડાના તેલમાં રહેલા આ ગુણો વાળને સ્વસ્થ બનાવવાનું પણ કામ કરે છે. જ્યારે આયુર્વેદ નાભિમાં લીમડાનું તેલ નાખવાની ભલામણ કરે છે. જો તમે લીમડાના તેલ અને તેના ફાયદા વિશે નથી જાણતા તો આજે અમે તમને તેના ફાયદા વિશે જણાવીએ છીએ.

આ રીતે નાભિ પર લીમડાનું તેલ લગાવો
દરરોજ રાત્રે સૂતા પહેલા સીધા સૂઈ જાઓ અને લીમડાના તેલના બે ટીપા તમારી નાભિ પર મૂકો. તેલ નાખ્યા પછી થોડી વાર સીધા સૂઈ જાઓ. જેથી તેલ સરળતાથી નાભિની અંદર જઈ શકે. જ્યારે તેલ નાભિની અંદર સારી રીતે શોષાઈ જાય છે. ત્યારે તમે તમારી અનુકૂળતા મુજબની મુદ્રામાં સૂઈ શકો છો.

નાભિ પર લીમડાનું તેલ લગાવવાથી થાય છે ફાયદો
ત્વચા માટે ફાયદાકારક લીમડાના તેલમાં એન્ટિ-બેક્ટેરિયલ, એન્ટિ-ફંગલ ગુણ હોય છે. જે ત્વચાને પોષણ અને યુવાન રાખવામાં મદદ કરે છે. જો નાભિમાં લીમડાનું તેલ નાખવાની આદતને દિનચર્યામાં સામેલ કરવામાં આવે તો પિમ્પલ્સ, પિગમેન્ટેશન, ખરજવું અને ફોડલીની સમસ્યા દૂર થાય છે. આ સાથે ત્વચામાં પણ ચમક આવે છે.

વાળ માટે ફાયદાકારક
લીમડો ઔષધીય ગુણોથી ભરપૂર છે, જે ન માત્ર ત્વચા અને સ્વાસ્થ્યને સારું રાખે છે, પરંતુ વાળને પોષણ પણ આપે છે. જેમને ડેન્ડ્રફની સમસ્યા છે તેઓ વાળમાં લીમડાનું તેલ લગાવી શકે છે. લીમડાનું તેલ વાળ ખરવા અને વાળની શુષ્કતા ઘટાડવામાં અસરકારક છે.

સ્વાસ્થ્ય માટે ફાયદાકારક
દરરોજ રાત્રે નાભિ પર લીમડાનું તેલ લગાવવાથી સાંધાનો દુખાવો, પાચન સંબંધી સમસ્યાઓ, પેટની ચરબી, પેટનું ફૂલવું જેવી સમસ્યા ધીમે ધીમે ઓછી થાય છે.