અમદાવાદમાં ટ્રાફિકની સમસ્યાના નિવારણ માટે નવીનતમ ટેક્નોલોજીનો ઉપયોગ કરાશે

• (AI) આધારિત એડપ્ટિવ ટ્રાફિક કંટ્રોલ સિસ્ટમ(ATCS) સિસ્ટમ લાગુ કરાશે
• 400 જેટલાં ટ્રાફિક સિગ્નલને AIથી જોડવામાં આવશે
• અમદાવાદવાસીઓને ટ્રાફિકની સમસ્યામાં રાહત મળશે

અમદાવાદમાં ટ્રાફિકની સમસ્યાના નિવારણ માટે નવીનતમ ટેક્નોલોજીનો ઉપયોગ કરાશે. જેમાં આર્ટિફિશિયલ ઈન્ટેલિજન્ટ (AI) આધારિત એડપ્ટિવ ટ્રાફિક કંટ્રોલ સિસ્ટમ(ATCS) સિસ્ટમ લાગુ કરાશે. અમદાવાદ શહેરના 18 મીટરથી મોટા રોડ પરના 400 જેટલાં ટ્રાફિક સિગ્નલને AIથી જોડવામાં આવશે.

અમદાવાદવાસીઓને ટ્રાફિકની સમસ્યામાં રાહત મળશે

અમદાવાદ શહેરના વિવિધ વિસ્તારમાં રોડ-સસ્તા, બ્રિજ સહિતની કામગીરી સતત ચાલતી રહેતી હોય છે, ત્યારે ઘણાં વિસ્તારમાં ચક્કાજામના દ્રશ્યો સર્જાતા હોય છે. જ્યારે હવે અમદાવાદવાસીઓને ટ્રાફિકની સમસ્યામાં રાહત મળે અને તેમના સમય બચે તે માટે નવી સિસ્ટમ વિકાસાવાશે. જેમાં શહેરના 400 જેટલાં ટ્રાફિક સિગ્નલને AIથી જોડવાથી કોઈ એક સિગ્નલ પર એક તરફના રોડ પરથી વધારે વાહનો આવતા જણાશે, તો તેની આગળના અન્ય ટ્રાફિક સિગ્નલ પર પણ તે બાજુનો રોડ વધુ સમય માટે શરૂ રખાશે.

સ્થળના આગળ-પાછળના સિગ્નલને ડાયવર્ટ કરાશે

શહેરમાં કોઈ ઈમરજન્સી દરમિયાન ગ્રીન કોરિડોર બનાવવા કોઈ ટ્રાફિક સિગ્નલનો સેન્ટ્રલાઈઝ કંટ્રોલરૂમ ન હોવાથી ટ્રાફિક પોલીસની મદદ લેવી પડે છે. જ્યારે હવે નવી સિસ્ટમ આવવાથી કંટ્રોલ રૂમમાંથી નક્કી કરેલા રૂટને ગ્રીન કોરિડોર બનાવાશે. તેમજ જો કોઈ રોડ પર અકસ્માતની ઘટના સર્જાયો છે અને તેનાથી ટ્રાફિક ઊભુ થાય છે તો ઘટના સ્થળના આગળ-પાછળના સિગ્નલને ડાયવર્ટ કરાશે.