રાજૌરી હત્યાકાંડમાં લશ્કર-એ-તૈયબાના આતંકી અબુ હમઝાનો હાથ, 10 લાખનું ઈનામ

• રાજૌરીમાં સરકારી કર્મચારી મોહમ્મદ રઝાકની હત્યાના કેસમાં પોલીસે મોટો ખુલાસો કર્યો

જમ્મુ કાશ્મીર, 24 એપ્રિલ: જમ્મુ કાશ્મીરના રાજૌરીમાં સરકારી કર્મચારી મોહમ્મદ રઝાકની હત્યાના કેસમાં પોલીસે મોટો ખુલાસો કર્યો છે. જમ્મુ-કાશ્મીર પોલીસે મંગળવારે દાવો કર્યો હતો કે, તપાસ દરમિયાન પુરાવા મળ્યા છે કે આ હત્યા પાછળ પ્રતિબંધિત આતંકવાદી સંગઠન લશ્કર-એ-તૈયબાના એક આતંકવાદીનો હાથ છે. તેનું કોડ નેમ અબુ હમઝા છે અને તે વિદેશી આતંકવાદી છે. પોલીસે તેના પર લાખો રૂપિયાનું ઈનામ પણ રાખ્યું છે.

#Breaking: @JmuKmrPolice announced 10 lakh reward for terrorist unidentified @ Abu Hamza for involvement in terror activities including killing of government employee who has been shot dead by terrorists in his house in Kundar hamlet of Shahdra village of #Rajouri. pic.twitter.com/ywaZPiZfve

— Jammu Kashmir News Network 🇮🇳 (@TheYouthPlus) April 23, 2024

પોસ્ટર દ્વારા ઈનામ જારી કરવામાં આવ્યું 

જમ્મુ-કાશ્મીર પોલીસે આતંકવાદીનું પોસ્ટર બહાર પાડ્યું છે અને તેના વિશે માહિતી આપનારને 10 લાખ રૂપિયાનું ઈનામ પણ જાહેર કર્યું છે. મહત્ત્વનું છે કે, કુંડા ટોપ ગામમાં TA અધિકારી તેમની ચુંગાલમાંથી છટકી ગયા બાદ આતંકવાદીઓએ ટેરિટોરિયલ આર્મી ઓફિસર મોહમ્મદ તાહિર ચૌધરીના ભાઈ મોહમ્મદ રઝાકની ગોળી મારીને હત્યા કરી દીધી હતી. ઉલ્લેખનીય છે કે, તે સરકારના સમાજ કલ્યાણ વિભાગમાં કામ કરતો હતો, આ મામલે રાજૌરીના થાનામંડી પોલીસ સ્ટેશનમાં 7/27 IAA અને 13,15,16 UAPA કલમ 302, 120B, 121A, 122, 458 IPC હેઠળ પણ કેસ નોંધવામાં આવ્યો હતો.

પોલીસ પાસે પૂરતા પુરાવા 

પોલીસે જણાવ્યું હતું કે, આ કેસમાં તપાસ દરમિયાન વિશ્વસનીય પુરાવા મળ્યા હતા જેના કારણે અબુ હમઝા કોડ નેમ સાથે વિદેશી આતંકવાદીની ઓળખ થઈ હતી. ઉલ્લેખનીય છે કે, રાજૌરી-પૂંછ જિલ્લામાં તૈનાત પોલીસ અને સુરક્ષા દળો આ જૂથને બેઅસર કરવા અને તેમની સહાયક ઇકોસિસ્ટમને નષ્ટ કરવા માટે સાથે મળીને કામ કરી રહ્યા હતા. આ દરમિયાન સોમવારે રઝાકની હત્યા બાદ રાજૌરીમાં સુરક્ષા દળોને હાઈ એલર્ટ પર રાખવામાં આવ્યા હતા. તે જ સમયે, ગઈકાલે મંગળવારે રાત્રે અજાણ્યા વ્યક્તિઓ દ્વારા ગોળી મારીને હત્યા કરાયેલા મોહમ્મદ રઝાકના અંતિમ સંસ્કાર માટે કુંડા ટોપમાં મોટી સંખ્યામાં સ્થાનિક લોકો એકઠા થયા હતા.

આ પણ જુઓ: નૂડલ્સમાંથી સાડા છ કરોડના હીરા અને સોનું મળી આવ્યું, ક્યાંથી અને કેવી રીતે? જાણો