‘મોટી સંખ્યામાં મહિલા કેદીઓ ગર્ભવતી થઈ રહી છે..’: પુરુષોના જેલમાં પ્રવેશ પર પ્રતિબંધ મુકવા કોર્ટમાં અરજી

પશ્ચિમ બંગાળ, 08 ફેબ્રુઆરી: ગુરુવારે હાઈકોર્ટમાં જાહેર હિતની અરજી દાખલ કરવામાં આવી હતી. તેમાં કહેવામાં આવ્યું છે કે રાજ્યની જેલોમાં ઘણી મહિલા કેદીઓ(Women prisoners) તેમની સજા ભોગવતી વખતે ગર્ભવતી(Pregnant while serving sentence) બની રહી છે. એટલું જ નહીં, બાળકોનો જન્મ પણ જેલોમાં થઈ રહ્યો છે અને આજે 196 બાળકો પશ્ચિમ બંગાળની(West Bengal) વિવિધ જેલોમાં જીવે છે.

અરજીમાં કોર્ટને વિનંતી કરવામાં આવી હતી કે સુધારક ગૃહોના પુરૂષ કર્મચારીઓને જ્યાં મહિલા કેદીઓને રાખવામાં આવે છે ત્યાં કામ કરવા પર પ્રતિબંધિત મુકવામાં આવે. આ અરજી પર ટૂંક સમયમાં સુનાવણી થવાની શક્યતા છે.

એડવોકેટ તાપસ કુમાર ભાંજાને કોર્ટ દ્વારા આ બાબતે 2018ના સુઓ મોટો મોશનમાં એમિકસ ક્યુરી તરીકે નિયુક્ત કરવામાં આવ્યા હતા. તેમણે મુખ્ય ન્યાયાધીશ ટીએસ શિવગનમની અધ્યક્ષતાવાળી ડિવિઝન બેંચ સમક્ષ આ મુદ્દાઓ અને સૂચનો ધરાવતી એમિકસ ક્યુરી નોટ સબમિટ કરી હતી. એમિકસ ક્યુરી નોટમાં ચીફ જસ્ટિસની આગેવાની હેઠળની બેંચને વિનંતી કરવામાં આવી હતી કે જેલમાં મહિલા કેદીઓના ઘેરામાં પુરૂષ સ્ટાફના પ્રવેશ પર તાત્કાલિક અસરથી પ્રતિબંધ મૂકવો જોઈએ.

પુરૂષ કર્મચારીઓ પર પ્રતિબંધ:

Amicus Curiaeની નોંધ જણાવે છે કે મહિલા કેદીઓ કસ્ટડીમાં ગર્ભવતી બની રહી છે. પશ્ચિમ બંગાળની વિવિધ જેલોમાં લગભગ 196 બાળકોના જન્મ થયા છે અને આ મહિલાઓ તેમના બાળકો સાથે રહી રહી છે. ભાંજાએ સુધારક ગૃહોમાં પુરૂષ કર્મચારીઓને સ્ત્રી કેદીઓના ઘેરામાં પ્રવેશવા પર પ્રતિબંધ મૂકવાનું સૂચન કર્યું હતું. આ સાથે નોટની નકલ રાજ્યના એડવોકેટ જનરલની ઓફિસને પણ મોકલવામાં આવી છે.

કોંગ્રેસના ધારાસભ્ય સુતળી બોમ્બની માળા પહેરીને વિધાનસભા પહોંચ્યા

શું આર્થિક રીતે સધ્ધર પછાત જાતિઓ માટેના અનામતનો આવશે અંત?