રાષ્ટ્રીય જનતા દળ (RJD)ના સ્થાપના દિવસ પર લાલુ પ્રસાદ યાદવની પુત્રીએ તેના પિતાની ભાવનાત્મક તસવીરો શેર કરી છે. જેમાં લાલુ પ્રસાદ યાદવને હોસ્પિટલમાં દાખલ બતાવવામાં આવ્યા છે. આમાં લાલુ ખૂબ જ નબળા અને બીમાર દેખાઈ રહ્યા છે. ફોટો શેર કરતી વખતે લાલુ યાદવની પુત્રી રોહિણીએ લખ્યું કે પપ્પા તેમના માટે એક હીરો જેવા છે, જેમને તે ઝડપથી સ્વસ્થ થવાની કામના કરે છે.
My hero
My backbone Papa????
Get well soon ????हर बाधाओं से जिसने पाई है मुक्ति
करोड़ों लोगों की दुआएं है जिनकी शक्ति???? pic.twitter.com/36ndAbRnTG— Rohini Acharya (@RohiniAcharya2) July 5, 2022
લાલુ પ્રસાદ યાદવની પાર્ટી RJDનો 26મો સ્થાપના દિવસ
તમને જણાવી દઈએ કે આજે લાલુ પ્રસાદ યાદવની પાર્ટી રાષ્ટ્રીય જનતા દળ (RJD)નો 26મો સ્થાપના દિવસ છે. પરંતુ લાલુ હાલમાં હોસ્પિટલમાં છે, તેના કારણે કોઈ પણ પ્રકારની ઉજવણી કરવામાં આવશે નહીં. પાર્ટીના સ્થાપના દિવસ પર માત્ર પાર્ટીનું સભ્યપદ અભિયાન ચલાવવામાં આવશે.
પુત્રી રોહિણીએ લખી ઈમોશનલ પોસ્ટ
લાલુ પ્રસાદ યાદવની પુત્રી રોહિણીએ બે ફોટા શેર કર્યા છે. આમાં તે અને મીસા ભારતી પિતા લાલુ યાદવને વીડિયો કોલ દ્વારા જોઈ રહ્યાં છે, જેમાં તે ઈમોશનલ દેખાઈ રહી છે. રોહિણી આચાર્યએ ફોટા સાથે લખ્યું, ‘મારા હીરો, મારા સપોર્ટ પપ્પા. ઝડપ થી સારા થાઓ. રોહિણીએ આગળ લખ્યું કે જેને દરેક અવરોધોમાંથી મુક્તિ મળી છે તે કરોડો લોકોના આશીર્વાદ છે જેની શક્તિ.
લાલુ યાદવ સીડી પરથી પડી ગયા હતા
જણાવી દઈએ કે આરજેડી સુપ્રીમો લાલુ પ્રસાદ યાદવ હાલ પટનાની પારસ હોસ્પિટલના સર્જિકલ આઈસીયુમાં દાખલ છે. લાલુ રવિવારે પૂર્વ મુખ્યમંત્રી રાબડી દેવીના 10, સર્ક્યુલર રોડ ખાતેના સત્તાવાર નિવાસસ્થાન પર સીડી પરથી પડી ગયા હતા, જ્યાં તેઓ તેમના પરિવાર સાથે રહે છે, અને તેમના જમણા ખભામાં ફ્રેક્ચર અને પીઠમાં ઈજા થઈ હતી.
હોસ્પિટલમાંથી રજા આપ્યા બાદ તબિયત ફરી લથડી
રવિવારે લાલુ ખાનગી હોસ્પિટલમાં પ્રાથમિક સારવાર આપ્યા બાદ ઘરે પરત ફર્યા હતા, પરંતુ સોમવારે સવારે 3 વાગ્યે તેમની હાલત નાજુક થઈ ગઈ હતી અને તેમને તાત્કાલિક પટનાની પારસ હોસ્પિટલમાં દાખલ કરવામાં આવ્યા હતા. લાલુને હોસ્પિટલમાં દાખલ કરવામાં આવતા તેમના પરિવારમાં પણ નિરાશા છવાઈ ગઈ છે. સોમવારે તેમના બે પુત્રો તેજ પ્રતાપ અને તેજસ્વી આખો દિવસ હોસ્પિટલમાં રહ્યા હતા.
પુત્રી રોહિણી પિતાની તબિયતને લઈને ખૂબ જ ચિંતિત
દરમિયાન, સિંગાપોરમાં રહેતી લાલુની પુત્રી રોહિણી આચાર્ય પણ તેના પિતાની તબિયતને લઈને ખૂબ જ ચિંતિત છે અને આજે તેમણે તેમની સાથે વીડિયો કોલ પર વાત કરી હતી. રોહિણીએ તેના પિતા સાથે વીડિયો કોલ પર કરેલી વાતચીતની તસવીરો તેના સોશિયલ મીડિયા પર પોસ્ટ કરી છે.
